Tigidali Nai Gagalama Nigali Side 2:17 - Godigo dwagi yai po buku

¹⁷ Tiali goli, nago te nedu du te bidigo mena kolesaga te dwagi yai dawe, ma mena kolesaga te dwai dawe, te ola maiabo ebo te nedu du te nago munu me tulamuo. Te nedu du nago tubo te eno nage habu mu selibao. Te nago tuali da, teda mu tama da, te sogo nage isaibao,” wali.

Tigidali Nai Gagalama Nigali Side 2:17 Referans Kwoze

Polgo Po Pas Rom Dabeba Asęani 6:23

Magi baso meni. Te dwai sęgo te aga sę ebo bidi augwalibolo te pe mabo dao. Te mabo pe te isibo sę naga dao, augwali te God dali dagalama tama aga dali bidada peyu bidada pogobeo. Tiali goli te da te ula sabo dolo meni yai goli, Godigo dabolo te wiegi yai olo mabo kolesaga eyu, te sesemane sogo bidibo ula mawaibao, te da te dago Genuai Bidi Krais Jisas dali wadolali we bidi dabolo agai te ula olo naga mawaibao.

Jems 1:15

Tama tiyu, tama te dwai sę ebogo bidi homu hodolama, tama te dwai kolesaga hauwa eyu, te wego wai ame nainogo haliga ebo tiwai elama, tama nosali te dwai sę haniani hauwa eyu, tama te dwai kolesagago wai hauwa ame nai. Tama nosali te dwai sę ebo genuai mu pedalama, tama te dwai sę ebogo te bidi dolama, tama bidi te sęgo isibo tiwai pedalaibao.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

Kraisgo Geme Dualali Sę Pedelabo Po Jonbolo Ola Mani 21:8

Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.

Kolosi 2:13

Polobadu dage Juda bidi hani isąwai bage, dagego te Godigo bomo yai po wali pisąyu, dagego te bomo yai po bolama dagego haniani dwai sę iduyu bidai. Tama tibaso dage Godide te isali bidi dabe tiwai bidai dao, dagego aga me konebeo. Tiali goli Godigo dage Krais dali gų pagede ma hodolali tiwai elama, tama bidibo ula menama, tama dage megi bugagia bidibao. Godigo dago yali dwai sę sęgę tigidali mu sela sąwai dao.

2 Timoti 5:6

Tiali goli gasa we me, te aga bidi isai madi, tama te wego te tigigo ebo kolesaga naga wali pabo homu eyu, tama dwai kolesaga ebaso da, teda aga tigi bididubadi goli aga bidibo noma te Godigo gedude isai dao.

Galesia 3:10

Me ma, we bidi meba augwaligo te homu ebo dao, ‘Te dago te bomo yai po bugagia wali peyu, tama Godigo gedude da doloba pai we bidi pedalaibao.’ Tiali goli te tobage homu ebo we bidi augwalibolo Godigo dwai sęgę mena mena piduaibao. Magi baso meni. Te God agai wali po bukude te po me deli elalubao, e dao, “Niwai bidi aga te bomo yai po wali pabo bidi aga sesemane sogo te bukude asęani bomo yai po tigidali te gisiga wali pisąwai bidi, te bidibolo God agai dwai sęgę mena mena piduaibao,” te po asęani. Tama da we bidigo te bomo yai po tigidali gisiga wali pabo usubeo.

1 Korin 15:22

Te e tama tiwai: te Adamgo bulai wai augwali tigidali isibo bage dao. Tama tiali goli Kraisgo we bidi hani augwali tigidali bidibo ula saibao.

1 Jon 5:16

Bidi me deligo aga amago dwai sę ebo suyu da, tama te dwai sę ebogo te yali bidi aga dwai madigi pisąbo dwai sę elaluyu da, teda aga amago Godibolo gedu haluasa po wao. Tama weyu, tama Godigo te dwai sę yali sela sąnama tama bidibo ula te bidibolo mawaibao. Te dwai sę tedali tedali dao, mebago te sę yali bidi dwai madigi tagala palabo dao, mebago meni. Tama te sę yali bidi dwai madigiba pisąbo dwai sę ebode eno te po wai, Godibolo gedu haluasa po wao. Tiali goli te bidi dwai madigi tagala palabo dwai sę, tede eno dagebolo “Gedu haluasa po wao” wabeo.

1 Korin 15:56

Tǫde we bidi augwaligo te isibode magi baso wi ebo dawe? Woo, augwaligo koneani, augwaligo dwai sę eyu bidibaso, nosali augwali dene saibao. Augwaligo dwai sę yali, te augwaligo mena tama koneaniwe? Te Godigo Mosesbolo mani bomai pogo te dwai sę yali page augwali hania waselebo dao.

Polgo Po Pas Rom Dabeba Asęani 1:32

Te Godigo te tobage dwai sę ebo bage dali ebo homu e tiwai dao: “Te tobage haniani dwai kolesaga ebo bidi dabe augwali isimainao, te dolo mu dao,” agai te homu ebo dao. Te dwai kolesaga ebo bidi dabe augwaligo te Godigo ebo homu bugagia koneai goli, koneama tagalama, augwaligo te tiwai dwai kolesaga yai. Tama augwaligo te sę naga me ebeo. Menio. Te augwaligo te tiwai dwai kolesaga ebo gasa bidi dabe augwali nogi me ugwaba siyu, te sę usu dao weyu yai.

Esekiel 18:32

Ena God Genuai Bidi, eno te bidi me deli, ma we, ma wai, te isibaso eno homu pemene me ebeo. Tama tibaso, dagego te ge neyu, dwai sę tagalama, te haliga begelama, te dage bugagia bidiąo,” te po walio.

Tigidali Nai Gagalama Nigali Side 3:17

Tama Yawe Godigo bidibolo te tiwai po wai, “Nago te naga wego po odolama, tama eno nagebolo te tugio olama habu selali nedu du te nago tualio. Nago tama tiwai yaibaso, teda eno te tǫ dolama, tama te nai dabe bugagia holomainogo me egobeo. Naga digi naga te sę dene mu sesemane sogo iduama, te tǫde nai pedalumainogo yaibao.

Tigidali Nai Gagalama Nigali Side 3:11

Tama Godigo agabolo hanalu wali, “Dego nagebolo olama, nage bolu olo elalubo po waliwe? Te nago eno nagebolo habu selali nedu du te nago tuai dawe?”

Efesus 5:14

Tama tialigo da, te po me elalubao: “Nage pila mubo bidi, hodaloao, tama nage te gų pagede ma hodaloama, tama Krais agai wiegi yai ula nage mawaibao.”

Polgo Po Pas Rom Dabeba Asęani 6:16

Te dagego duga tigi te bidi me deligo nogoba menama tama agai po naga wali pobaso da, teda dage agai sę ebo bidi bidibo dao. Koneaniwe? Ma dage te dwai sę ebo kolesagago sę bidi bidiyu tama dage agade duga noma mu isabo sę saibao. Ma dage Godigo po odoyu tama te pogo sę ebo bidi dabe bidiyu tama dage doloba pai kolesaga eyu bidibo dao.

Esekiel 33:8

Tialima, eno bidi mego dwai kolesaga ebo subaso da, tama eno aga isaibao obaso da, teda nago agabolo pusao. Nago agabolo agai homu kolesaga, me agai ebo kolesaga hasegeleyu yao po wao. Tialima, nago agabolo wasiąma yali da, teda agai sęgę me tama elaluaibao, tama aga isaibao. Tiali goli, eno gedude da, teda nago dagede aga isaibao.

Esekiel 18:4

“Te aya idago bidibo ula tigidali, me te wai dabego bidibo ula eno nogode naga elalubao. Tama tibaso, te bidi deligo te sęgę sabo dwai sę ebaso, te bidi naga isaibao,” te po wai.

Kraisgo Geme Dualali Sę Pedelabo Po Jonbolo Ola Mani 20:14

Agai te isibo bomo dali, te isai bage osogo bidali madi dali si te genuai sia dabo dedage pageba aiyaba sąwai. (Te genuai dedage sia dabo elalubo te si wali isibo bomo dao.)

Polgo Po Pas Rom Dabeba Asęani 8:2

Magi baso meni, ena megi da Krais Jisasde tia selama tama Godigo Tedali Mobo Bidigo tų dalali. Te da te dena homude elalubo dwai sę ilibo kolesaga dologode me bidibadi, tama da te isai bidi tiwai bidiyu tama da Godide tedali bidai dao. Tama da te tama tiwai me bidibo tagalomainogo eyu, tama Tedali Mobo Bidigo gasa tų dawai, te da olo bugagia bidimainogo agai tama tiai dao.

Kraisgo Geme Dualali Sę Pedelabo Po Jonbolo Ola Mani 2:11

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te si sogo isibogo te bidi munu me dologobeo. Mu menio.’”

Esekiel 33:14

Tama eno bidi dwai dabebolo augwali isimainao po wabo dao. Tiali goli, te dwai kolesaga ebo bidigo aga yali dwai kolesagaba tudi ola menama, tama agai doloba pai kolesaga naga idu baso da,

Bomai Po 30:19

Tialima, te bugagia bidabo sunumi me, isabo sunumi me, si te elalubao. Te me sunumidu da, Godigo dage dali wiegi yai sę yaibao. Tama te me sunumidu da, dage dolabo sunumi sueibao. Tialima, megi da, dagego wali pabo sunumi sa muao. Tama eno dagalu dali tǫ dali si i olama, tama augwali sigo dagego mena sunumidu painogo sa muaniwe konemainao. Tiali goli, eno homugo dagego te bugagia bidabo sunumi wali piąo, te dage me duga wai puluba dage bidainogo tama tiao.

Bomai Po 30:15

“Tialima suao, eno megi dage sunumi si te ola mobao, te tama tialima, dagego sunumi deli naga wali pali da, dage bidibo ula wiegi yai mu saibao, tama dage tigidali sogo bugagia mu bidaibao. Tiali goli, dagego gasa sunumidu pali da, teda dage dwai dene siyu elama, tama dage isaibao.

Esekiel 18:13

Tama aga abagi dabego te negeli wei ponobo sogo, agai te gasa ugadu daganobo mone dali sabo dao. Te tobage bidi da, te bugagia bidaibao homu eba, agawe? Mu menio. Agai te yali kolesaga dabe eno godolo homu mu isąbaso, te aga isimainao,” wali. “Te aga yali kolesaga pagede te aga isaibao po wai dao,” wali.

Te Israel me Juda Hani Sigo Tuni Bidigo Po Elalubo Buku Deli 2:42

Tama agai te Simei i olama, asobo side te po agabolo walali, “Eno te Genuai Bidigo nogide te bomai po nageba dąų walali, te nago te Jerusalem tagalama, te gasa tǫba me pelamuo po wai. Tama eno po bomo elama, nageba weyu, te tiwai po wali, ‘Nago te hanu taga pali da, teda polo tama te eno nage ela muaibao,’ po wai. Tama nago te tiwai po enabolo wai, ‘Te usu da, te eno nago po wali paibao,’ po wai dao.

1 Samuel 14:39

Genuai Bidi te sesemane sogo bidada pidu, tama da Israel dabe tau sabo, tama aga nogide eno te tiwai bomai po dąų wali, te dwai sę yali bidi aga isimainao, te mena bidi yaibaso me te tagalao, te isimainu yaibao. Tama te dwai sę Jonatango me yaibaso da, te eno wai tama digi tagalao, aga te isimainu yaibao.” Solgo te po wai. Tiali goli, te niwai bidi me deligo te po wei me ponobeo, mu menio.

Bomai Po 27:26

“‘Te bidi mego Godigo bomai po wali pisąma yai baso da, teda Godigo te bidi dolomainao,’ te Livai dabego te po waibao. Tama te we bidi sesego te po wei ponoyu, te po wao, ‘Te mu tama dao. Godigo te bidi dolomainao,’ tama po wao,” Mosesgo te po wali.

Israel Hanigo Namba 26:65

Polobadu Genuai Bidigo augwalibolo te po walai dao, “Te bidi dabe augwali sese te nai meni yai bulude isila paibao,” po wai dao. Tiali goli, Jefunego ogwa Kalep, de Nungo ogwa Josua augwali si digi te isibeo.

Tigidali Nai Gagalama Nigali Side 20:7

Tiali goli, megi nago te we aga bidiba ma tagala palao. Te bidi aga te eno po pusubo bidi profet dao, te agai gedu haluasa po weyu da, te nage me isigobeo. Te nago te we ma tagala palisiąwani da, teda nage me, te naga bidalubo tigidali we bidi dali, mu isila paibao,” Godigo te po wai.

Tigidali Nai Gagalama Nigali Side 2:9

Tama Godigo te gide haniani ni dabe pedelao obaso pedelai. Augwali te gasa wiegi yai au yai mu, tama augwaligo dwagi yai nai walai. Tama te gi tomode te we bidi bidibo ula maiabo ni me deli digi elaluali. Tama gasa ni me deli te bidigo mena kolesaga ebo dwagi yai dawe, ma mena kolesaga ebo dwai dawe, te konemainogo yabo du elalubo ni me deli elaluai.

Kraisgo Geme Dualali Sę Pedelabo Po Jonbolo Ola Mani 20:6

Tama augwali te gų pagede hasia sogo hodalobo we bidi, augwali te wiegi yai homu pemene elama, te magi dwai sę isiąwai bidi tama tiyu, augwali bugagia bideibao. Tama te si wali isibo bomogo te bidi dabe augwali aiyaba me elalugobeo. Menio. Te augwali God de Krais sibolo lotu po weyu, sesemane sogo augwali sigo sę ebo pris bidi dabe bideibao. Tama augwali te Krais dali tuni bidi te hauwa kibu be mu te 1,000 bidaibao.

1 Samuel 22:16

Tiali goli, kingo te po wali, “Tagalao. Eno nago po me odogobeo. Nage dali, naga hani bage, dage tigidali isimainu yaibao.”

1 Samuel 20:31

Magi baso meni, te bidi bidibo sogo digi, nago te tǫ pedaide king bidi me pedalugobeo. Tama tiyu, nago te bidi polo tagala palama, te aga selasa asao, te eno aga ela muaibao,” wali.

1 Samuel 14:44

Tialima, Solgo agabolo te po wai, “Awe, nage isimainao. Dago te nage elisąbaso da, teda eno dwai sę te Genuai Bidi gedude elalubaso, tama Godigo ena ela muaibao,” wali.

Te Israel me Juda Hani Sigo Tuni Bidigo Po Elalubo Buku Deli 2:37

“Te nago te wę Kidron bolama, tama te hanu Jerusalem dali dąį elalubo taga pali da, teda polo tama eno te nage ela muaibao. Tama nage te naga digi yali dwai sęde isaibao,” wali.

Te Israel Tobolu Bidi Dabe 3:2

Genuai Bidigo tama tiwai kolesaga yali, te gesi hani Israel dabe deli deli te wąbi hwįbo kolesaga ola mayu tama tiali.