Te augwali wiegi yai homu pemene elama bidibadi, tama te hanude dwai kolesaga ebo bidi meba aselama, te be bagua sagaselama, tama te be sunumiba bebego wabo sę iduali. Tama augwaligo te monu dabe bidiba po waliyu, te po wali, “Te nago bede nage dali bidibo bidi, te aga buluba dinao. Te dago aga penani yaio,” wali.
Tigidali Nai Gagalama Nigali Side 19:5 - Godigo dwagi yai po buku5 Augwaligo Lotbolo i olama, tama tiwai wali, “Te bidi si aselama, te nage dali te hulide bidibo, te bidi si mena bidibawe? Te augwali si buluba dinao. Te dago augwali tąwaibao,” wali. Gade chapit la |
Tigidali Nai Gagalama Nigali Side 19:5
23 Referans Kwoze
Te polobadu elaluali moni hanu si me, te nogi Sodom dali, Gomora dali, te hanu side pedalali dwai sęgę dagego ma konea palao. Tede bidali bage me, te hanu si pąde elaluali dwasianu bulude bidali bage me, augwali tigidaligo te ensel mobo bidi mebago yali dwai dwai penani ebo sę tiwai yali. Augwali penani sęde bidaluali, tama augwaligo homu hodaloama, tama augwali te sę bomo elama eyu pobeasa pali. Tama tibaso, Godigo augwali te moni sia te dagaludu tagala palali, tama augwali te siago ela silai. Tama dago augwalide te yali sę sulama, tama dago koneai dao, te tobage dwai dwai sę dago ilamuo, da te dene sidali weyu.
Te po tų odobode augwaligo augwa godolo ebo bidi dabe naga tau sabo dao, tama gasa bidi dabe aiyaba elalubo dao. Tama te kolesagago augwa digi augwa ma po tų ela mabo dao. Augwali te we bidi dabego gedude dwai sę ebode augwali hale me ebeo, te Sodom bagego polobadu yali gilama. Augwali dolaibao. Augwa dagede augwa dolaibao.
Te penani kolesaga ebo we bidi, te ogomani dali dwai dwai sę ebo bidi dabe, te we bidi wi sabo bidi dabe me, te tibo po wabo bage, te po tųde tibo po wabo bidi dabe me, te bomai po dabe te tobage we bidibolo muai dao. Te tobage kolesaga te Sodom de Gomora hanu side yali kolesaga tiwai dao. Me te gasa haniani dwai sę ebo bidi dabe me, te Godigo dwagi yai ola mabo po odisąbo bage, augwalibolo me te bomai pogo po elalubao.
Te dwai kolesaga ebo bidi dabe, augwali te augwali Godigo te we bidi tonalubo bomo tomoba me pogobeo. Te dagego konebewe? Tiyu dagego te duga homuba digi tibo po ola maiabuo. Te penani sę kolesaga ebo bidi dabe me, tama te tibo god wali pabo bidi dabe me, te we sabo kolesaga dolobo bidi dabe badi, tama te we dali ebo kolesaga tiwai eyu godolo ebo bidi dabe me, tama te hale ebo kolesaga te gasa bidi dabe dali ebo bidi dabe me,
“Samariago me te nago ebo kolesaga tiwai te dwai sę hauwa me ebeo. Te nago dwai kugumini yai kolesaga mu ebogo te nago ama dabego ebo dwai kolesaga te aiyaba elalubao. Eno te dage selago dwai kolesaga ebo subao, te tonobo nago kolesaga naga te dwai mu ebaso, tama naga ama dabego dwai kolesaga da, te olo bage tiwai ebao.
Tiali goli te dwai bidi dabego me, te tibo po ola mabo bidi dabego me, te bidi dabe augwaligo ebo dwai sę dwasianu gagalama tama genuai pedalaibao. Tama tiyu, augwaligo te tibo po te gasa we bidibolo ola mobadi, te Satango me augwali tibo po ola maduaibao. Tama augwaligo kolesaga te dwai mu pedaluaibao.
“Te Israel dabe augwa te kugumini yai kolesaga ebode te hale me yaliwe? Mu menio. Augwa hale dwasianu me ebeo. Augwa te tobage dwai sę ebo kolesagade ge neyu, hale me ebeo. Tama tibaso, te eno augwaliba dwai dene mayu, te augwali mu dolaibao, te gasa hani dabe dolo tiwai yaibao. Ena Genuai Bidi, eno te po wai dao,” wali.
Tama augwaligo te dwai kolesaga mu me deli pedelali. Tama te me badu we bidi dabe augwaligo te penani ebo sę selama, tama augwaligo te lotu po wabo pesagede te penani sę yali. Polobadu te tǫde bidali we bidi augwaligo te tobage dwai kolesaga eduyu geai baso, tama Genuai Bidigo te hani augwali sela sąnama, tama te tǫ te Israel hani dali Juda hani sibolo mani. Tiali goli, tegoba! Te Juda hani we bidi dabe tigidaligo te polobadu te tǫde bidali we bidi dabego te augwaligo te dwai damua pai kolesaga yalidu augwaligo me wali pelama tiwai kolesaga naga yai.
Piblisite