Tigidali Nai Gagalama Nigali Side 19:4 - Godigo dwagi yai po buku

⁴ Te Lot aga abagi si pisąbadi, tama te Sodom bidi dabego te be bobogela sagasali. Te hanude bidaluali tigidali bidi dabe asali, te gesi bidi dali, te monu dabe dali asai.

Tigidali Nai Gagalama Nigali Side 19:4 Referans Kwoze

Tigidali Nai Gagalama Nigali Side 13:13

Tama te hanude bidalubo we bidi dabe augwaligo te dwai sę genuai mu te Yawe gedude yalio. Te augwaligo agai bomai po te wali me pabeo.

Bugagia Bidibo Kolesagade Po Asęai Buku 4:16

Magi baso meni. Te dwai sę ebo bidi dabego te dwai sę me isąbadi da, teda augwali me pigobeo. Te augwali gasa bidiba te dwai sę bolo elama da, teda augwali te bugagia pibaso usu ebo dao.

Ma Dobola Sali 23:2

Tama bidi hauwa augwaligo te dwai kolesaga ebaso da, teda augwaligo te ebo kolesaga wali pigio. Ma, augwaligo te po tų ebode augwaligo tibo po weyu, te po tų dodolobo sę doloyu eyu da, teda augwali dali deli homu eyu, augwaligo te ebo kolesaga me wali pigimio.

Tigidali Nai Gagalama Nigali Side 18:20

Tialima, Yawego te po wali, ‘Te haniani dwai sę mu dabe te Sodom de Gomora hanu side pedalubo walio.

Polgo Po Pas Rom Dabeba Asęani 3:15

Augwaligo asesa polo gasa bidi dali boi bidi homu elama tama ela mubo dao.

Maika 7:3

Augwaligo te dwai sę ebo kolesaga mu koneani. Te ofisa dabego me jas dabego te bidi dabeba i weyu, te augwaliba te mone menama, te po tų dolainu ebo dao. Augwaligo deli homu ebo dao. Te genuai nogi elalubo bidi dabego te jas dabeba te homu wei godolo ebo po obaso, te po tų doloyu, te jas dabego te bidi dabego wabo po wali peyu ebo dao.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Bugagia Bidibo Kolesagade Po Asęai Buku 6:18

Te dwai sę yabo homu ebo kolesaga. Tama me te dwai sę asesa polo ebo kolesaga.

Ma Dobola Sali 16:2

Tama augwaligo wado po, me te po hauwa te Moses de Aron si dali te bulude wai.

Te Israel Tobolu Bidi Dabe 19:22

Te augwali wiegi yai homu pemene elama bidibadi, tama te hanude dwai kolesaga ebo bidi meba aselama, te be bagua sagaselama, tama te be sunumiba bebego wabo sę iduali. Tama augwaligo te monu dabe bidiba po waliyu, te po wali, “Te nago bede nage dali bidibo bidi, te aga buluba dinao. Te dago aga penani yaio,” wali.