Biblia Todo Logo
Bib sou entènèt

- Piblisite -




Tigidali Nai Gagalama Nigali Side 19:37 - Godigo dwagi yai po buku

37 Tama gomunai wegigo te ogwa ame nani, te ogwa nogi Moap poai. Te we bidi hanigo wai nogi Moap nogi poai dao.

Gade chapit la Kopi




Tigidali Nai Gagalama Nigali Side 19:37
14 Referans Kwoze  

Tama Genuai Bidigo enabolo te po wali, ‘Dagego te Moap dabe dali dwai sę me elamo dao,’ po walio. ‘Augwali te Lotgo wąį hani dao. Tama augwali dali wąbi me hwįnamuo. Magi baso meni, augwalibolo eno te hanu Ar mawai dao. Tama eno augwaligo tǫ dage dwasianu dagebolo me magobeo,’ Godigo te po wali,” Mosesgo te po wai.


Tama nai me deli digi elalubo. Eno Rut selama, tama megi te eno we dao. Te Moap bulu we Malongo sai, tama Malon isiyu, aga taga pai. Eno te Rut selama, tama Malongo tǫ te aga hanide dolo elaluaibao. Tama te isali bidi aga page bulu, te aga deli hanigo aga nogi sesemane sogo konealumainogo yaibao. Megi dagego sulama, tama dagego te sę ebo koneani dao,” te po wai.


“Te Amon hani me Moap hani me, augwali te Genuai Bidigo we bidi hani tomoba aselamuo, augwaligo hani wąį nosali ame neyu, neyu idu gelama, tama hani sibi te nogo siba usu nubosi da, nosali mu, teda augwali te Genuai Bidigo we bidi hani tomoba asomainao.


Tama dage te Amon dabego bulu pąba paibao, te Lotgo wąį hani bidi dabe bidalubo digi. Tiali goli, dagego te bage augwali te sębę elama, tama wado yabo sę me elamuo, magi baso meni, te tǫ eno augwalibolo mawai dao, tama eno te augwaligo tǫ dagebolo me te tǫ dage me magobeo,’ Genuai Bidigo te po wai.”


Moap we bidi dabe, hobede mu dao. Dage moni sęgę mu saibao. Te we bidi dagego te tibo god Kemosba lotu po wabo dao, dage mu tama dolaibao. Dagego te god te we bidi dabe aga wali asomainogo ebo god aga bulu taga pelama, te wau bilibo bidi tiwai bilaibao. Tama agai te Amor tuni bidigo dagego we dabe pagea somainu ilaio, tama augwaligo agai kalabus sę yali.


Te tama tiali kolesagade te wegi si augwa si aya Lotde digi, te augwali haliga yalio.


Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.


Nago te tobage tiwai kolesaga te augwaliba yao, te polobadu nago te Midian dabeba yali tiwai, me te Sisera, me Jabin dabe, te genuai wę Kisonde yali tiwai yao.


Genuai Bidi Tigidali Bomo Elalubo Bidigo te tama po wali, “Te kantri Moap me kantri Amon bidi dabego eno we bidi posobo po olama, tama eno we bidi dali dwai po wabo eno polo odalio. Tama augwaligo hae olama, te po wali, ‘Augwaligo tǫ dago saibao,’ po wali.


Swiv nou:

Piblisite


Piblisite