Tigidali Nai Gagalama Nigali Side 19:26 - Godigo dwagi yai po buku

²⁶ Tiali goli, Lotgo we te Lot tudibadu wali asudu, tama agai tudiba ma begelama tonani, tama aga tede isalima, tama aga tigi te gelali ni page tiwai elalualio, tama te tamugo aga mu mesegelali.

Tigidali Nai Gagalama Nigali Side 19:26 Referans Kwoze

Tigidali Nai Gagalama Nigali Side 19:17

Te mobo bidi ensel sigo te augwali bulubadu dilama, tama mego te po wai, “Dage wi piąo. Tiyu, dage isabuo! Dagego tudiba begelama, ma tonogio. Tama dage te malu elalubo madi toma me nenamuo. Te dage udada pelama, te bulu duba ugwa holali da, teda dage me isigobeo,” wali.

Hibru 10:38

Tiali goli eno doloba pai we bidi augwaligo enade konealubo po wali pobaso, tama augwali bidada paibao. Tialima augwali tomode te bidi me deligo ena tagaliyu tama ibaba kila sobaso da, teda eno homu aga dali wiegi yai me egobeo,” te po wai.

Bugagia Bidibo Kolesagade Po Asęai Buku 14:14

Te dwai sę ebo bidi dabego te augwa ebo dwai kolesagade augwa dene dolo saibao. Tiali digi, te wiegi yai bidi dabego da, te augwa digi ebo wiegi yai kolesagade pemene ebo dao.

Israel Hanigo Namba 16:38

Te plet dabe te bidi dabe te Genuai Bidi eno altaba pali sogo habu selai nai pedelai dao. Tama augwaligo te wiegi yai denami hano holobo ofa yai dao. Tama tialima, te dwai sęgę selama, isai bidi dabego plet seselama, tama elama, tama olo kapa dage tiwai pedalumainao. Tama te bras kapago te alta mesegelao. Te Israel dabego te brasgo te alta halualubaso, augwaligo koneaibao. Tama augwaligo te bidi dabego yali kolesaga tiwai egobeo,” te po wai.