Tigidali Nai Gagalama Nigali Side 19:22 - Godigo dwagi yai po buku

²² Te polo pao! Asesa yao! Eno magi sę deli isiąbadi, dage te hanuba sabolaibao,” wali. Lotgo te po wai, te hanu da te dwasianu hanu da, tama tibaso augwaligo te hanu nogi Soar poai dao.

Tigidali Nai Gagalama Nigali Side 19:22 Referans Kwoze

Tigidali Nai Gagalama Nigali Side 13:10

Tialima, Lot dolugulama, tonono bilali. Agai te tigidali tǫ malu te wę Jordan sesegedu tonono pali, te tigidali pedaiba usu nama, te Soar te pedaiba usu nigi palio. Te tǫ tigidalide te dwagi yai wę hauwa te gasa sawi yai, te Yawego Iden gide elalubo tiwai, me tama te Isip dabe tǫde elalubo tiwai elaluali. (Tama te sogo te Yawego te Sodom de Gomora te hanu si dolisiąbadi dao.)

Bomai Po 9:14

Tama tialima, eno augwali sese mu tama dola silaibao, tama bidi mebago augwali me konegobeo. Nago ena me togolamuo. Eno te tama tilama, tama nage nosali moni genuai bomai hanigo aya nigilaibao, te dwai we bidi dabe edelama ilaibao,’ Genuai Bidigo enabolo te po wai.”

Ma Dobola Sali 32:10

Te eno augwali dali sębę mu elama, tama eno augwali mu dolaibao. Tama nago ena me togolamuo, mu menio. Tama nosali eno nage me, te naga hani ogomani dali, augwaligo te Israel bage hasegelama, tama genuai we bidi hani mu pedelaibao.” Te po wai.

Taitus 1:2

Tama te mu po page e dao: God agai tibo po munu me wabo meni, tama polobadu mu agai tigidali nai nigisiąbadi tama agai te sesemane sogo bidada pabo bidibo ula dabolo mawaibao te po agai olama tama dąų wali. Tama tibaso, megi dago te mu po odolama, tama dwagi yai homu eyu, te bidabo ula sabo sogo tonaluyu bidibo dao.

Polgo Si Wali Pas Timotiba Asęani - 2TI 2:13

Te dago te Kraisba homu begi pabo kolesaga tagaliyu da, teda agai aga doloba pai kolesaga tagalogobeo. Agai te aga doloba pai kolesaga te munu me hasegelegobeo. Mu menio.”

Dwagi Yai Gesi Po Makgo Asęani 6:5

Tama agai te bomai sę me deli te bulude me egobeo. Agai nogo te gasi bidi si selaba naga munama tama augwali wiegi yai ma ilali.

Jeremaia 48:34

“Te Moap dabe dwai gela waibao, te taun Hesbonde gagalasa pelama, te taun Eleale, me taun Jahas, te notba usu nigi paibao, tama te taun Soarde gagalasa pelama, te taun Horonaim, me taun Eklat Selisia, te sautba usu nigi paibao. Magi baso meni, te tama kantri tǫ dolaibao. Tama me, te wę Nimrim tigidali mu sula saibao.

Aisaia 65:8

Genuai Bidigo te po wai, “Te bidi me deligo te bono du wain te du pa elalubo nogogo sąwainu ebaso, gasa bidigo te po wagi da, ‘Tonalu bolo yao,’ wai. ‘Eno te wiegi yai wain wai du meba te pąde elalubo suali. Dago selama, te tuabo wain ąį meba nigibaso, usu yaibao,’ wai. Te tiwai tama, ena Genuai Bidi, eno te tigidali Israel we bidi me dologobeo, magi baso meni, augwali eno sę bidi dabe dao.

Aisaia 15:5

Eno Moap dabe hobede ebaso, gela obao. Magi baso meni. Augwali augwa bulu tagalama, wi te hanu Soarba peyu, te hanu Eklat Selisia wi peyu ebaso. Augwali gela genina mu olama, tama augwali te sunumidu ugwa hanu Luhitba holobao. Tama me, augwali gela elali te Holonaimba pabo sunumidu ugwaba holoyu, tama augwaligo geda genuai mu obao.

Tigidali Nai Gagalama Nigali Side 19:21

Tama mobo bidi enselgo te po wali, “Te me usu dao. Teda te hanu eno me dologobeo.

Tigidali Nai Gagalama Nigali Side 19:23

Te giliga aselama pedalubo sogo, Lot te dwasianu hanu Soar teba sabaligi palio.

Bomai Po 34:3

Tama agai Mosesbolo Judago saut badu agai genuai tǫ mu ola mani. Tama me Jerikode elalubo malu tǫ me ola mani, te hanude ni det hauwa mu elaluali, tama pelama, Soar u badu usu nigi pali, te saut badu.