Tigidali Nai Gagalama Nigali Side 19:16 - Godigo dwagi yai po buku

¹⁶ Augwali sigo po wabode, tama Lot polo asesa me pabe. Tiali goli, Yawego Lot homu dene eyu tau sainogo yali. Tama tibaso, te bidi sigo te Lot aga me, te aga we me, aga wegi si dali, augwali nogo tulama, tama augwali sigo augwali odasa te hanu buluba dilanio.

Tigidali Nai Gagalama Nigali Side 19:16 Referans Kwoze

2 Pita 2:9

Tama te polobadu yali sę pode dago koneai, Godigo te we bidigo ebo dwai sę wei ponobo konealigo da, teda e me dago koneani, te God wali pabo we bidi augwalibolo te usu sabo sę pedalobaso da, teda Genuai Bidigo augwali te sęde ma dobola sainogo koneama tama tiaibao. Tama agai te dwai bidi dabego ebo kolesaga me koneyu, tama te dwai dene wei augwaliba ponobo, te me agai konebao. Tama koneyu, agai te po tų yabo sogo tonalubadi augwali dene mabo dao.

Taitus 3:5

te sogo agai da ma dobola sai. Agai dago doloba pai kolesaga ebaso, tama agai da ma sabeo. Dago te doloba pai kolesaga ebeo. Aga digi da we bidi hobede mu ebaso tama da ma sai dao. Tama aga digi da ąįgo paluama, tama da gesi noma wai ma pedalai dao. Tama tiyu tama agai Mobo Bidigo da gesi noma bidibo ula mawai dao.

2 Korin 1:3

Dago agabolo puba hwi po weyu, tama God nogi ugwaba sao, aga te God tama dago Genuai Bidi Jisas Kraisgo Aya dao. Aga te dago Aya, tama aga te hobede eyu tau sabo page bidi dao. Aga te tigidali sęgę elalubo bidigo homu nagame ilibo God dao.

Dwagi Yai Gesi Po Jongo Asęani 6:44

Bidi me deli ena pageba olo me asogobeo. Menio. Ayago ena tagala palobaso, ena asai dao. Tibaso, agai bidi me deli kegali da, tiali da, te bidi ena pageba asagameo. Tama te bidi eno aga nosali tǫ dali dagalu dali silibo side ma hodolaibao, aga ma bidimainogo tama yaibao.

Dwagi Yai Gesi Po Lukgo Asęani 18:13

“Tiali goli, te gavman takis sabo bidi digibulu uba doligi pelama, tama aga gedugo dagaluba ogwaba tonalubeo. Ena dwai dwai sę yalio te homu eyu, homu dene eyu, aga hagawiaba nogogo eledu bidali. Agai te po wali, ‘God, enade homu dene eyu, tau mao. Ena dwai dwai sę ebo bidi dao,’ te po wali.

Te We Bidi Dabego Jerusalem Hagede Gela Wali 3:22

Tigidali sogo Genuai Bidigo da homu dene eyu, tau sabo sę elama, tama agai daba homugo kęą peyu, da godolo mu ebo dao. Tama agai te kolesaga munu me siligobeo.

Aisaia 63:9

Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.

Godigo Nogi Ugwaba Sabo Tęąbi Po Wabo Buku Dabe 136:1

Dago Genuai Bidiba usu da wao, magi baso meni, agai dabolo wiegi yai sę yai. Sesemane bidada pabo sogo agai da wei mu ebao.

Godigo Nogi Ugwaba Sabo Tęąbi Po Wabo Buku Dabe 119:60

Eno tonalugobeo. Eno polo nago bomai po wali paibao.

Godigo Nogi Ugwaba Sabo Tęąbi Po Wabo Buku Dabe 118:1

Dago te Genuai Bidiba usu da wao, agai dabolo wiegi yai sę yai. Sesemane bidada peyu, bidada pabo sogo agai da godolo mu ebo dao.

Godigo Nogi Ugwaba Sabo Tęąbi Po Wabo Buku Dabe 111:4

Genuai Bidigo te we bidigo homu hodolama, te augwaligo agai ebo wiegi yai sę dabe te sesemane sogo homu konealumainu yai. Sesemane sogo Genuai Bidigo te olo tau sabo wiegi yai kolesaga eyu, tama da homu dene eyu, tau sabo dao.

Godigo Nogi Ugwaba Sabo Tęąbi Po Wabo Buku Dabe 107:1

Dago Genuai Bidiba puba hwi po wao. Magi baso meni, agai daba te wiegi yai mu ebao. Sesemane sesemane sogo agai da wei mu ebo dao.

Godigo Nogi Ugwaba Sabo Tęąbi Po Wabo Buku Dabe 106:8

Tiali goli, Genuai Bidigo te aga genuai bomo augwaliba ola mawainu yali. Tama tiyu, agai augwali ma selama, tama augwali me dolobeo, te agai augwaliba dąų walali po tiwai gilama yali.

Godigo Nogi Ugwaba Sabo Tęąbi Po Wabo Buku Dabe 106:1

Genuai Bidigo nogi ugwaba sao. Dago agaba usu da waiyąo, magi baso meni agai te wiegi yai kolesaga sesemane ebo dao, tama agai da sesemane bidada peyu, bidada pabo wei mu ebo dao.

Godigo Nogi Ugwaba Sabo Tęąbi Po Wabo Buku Dabe 103:13

Ayago aga wai dabe hobede ebo dao. Tiwai Genuai Bidigo aga dali wi ebo we bidi augwali hobede ebo dao.

Godigo Nogi Ugwaba Sabo Tęąbi Po Wabo Buku Dabe 86:15

Tiali goli, Genuai Bidi, nagede te homu dene ebo, me olo tau mabo wiegi yai kolesaga pągąnalubao, tama nage da, te bobobage guni yai bidi dao. Nago da wei mu eyu, tama nago homugo da dali kęą mu pai dao.

Godigo Nogi Ugwaba Sabo Tęąbi Po Wabo Buku Dabe 86:5

Genuai Bidi, nago te wiegi yai sę mu elama, tama nago eno dwai sęgę sela sąbo dao. Nago te nageba gedu haluasa po wabo we bidi tigidali wei mu eyu, tama naga homugo augwali dali kęą pai dao.

Godigo Nogi Ugwaba Sabo Tęąbi Po Wabo Buku Dabe 34:12

Magi ebowe, te nago homugo te nago bidibo ula bugagia pedalumainu homu ebawe? Tama nago homugo te nago bidibo ula te sesabi elama bidimainu eyu, tama nage te bugagia bidiyu, te wiegi yai pemene yabo homu ebawe?

Tuni Bidi Dabego Po Elalubo Buku Deli 16:34

Dago Genuai Bidiba usu da po wao, magi baso meni, agai kolesaga te wiegi yai mu da, tama sesemane sogo agai da godolo homu mu ebo dao.

Bomai Po 4:31

Magi baso meni, aga te bidi hobede ebo God dao. Agai dage mu tagaliyu, ma dage mu dola siliyu me egobeo. Tama agai te dago wąį dali dąų walali te bomai po me gegeda pogobeo,” Mosesgo te po wai.

Israel Hanigo Namba 14:18

‘Ena Genuai Bidi, eno sębę polo me ebo menio. Tama eno te we bidi godolo eyu, tama eno ena po tigidali sogo wali peyu ebo dao. Tama eno augwali dwai sę tigidali sela sąyu, me eno augwaligo hagoma homu ebo eno sela sąyu, tama ebo dao. Tiali goli, eno te dwai sę ebo we bidi dene iliyu, me eno te wai dabe me dene iliyu, me agai wąį wai dabe dene iliyu ela pelama, te namba 3 haniba saboligi peyu, me namba 4 haniba saboligi peyu, tama yaibao, te nosali pedalobo hanide.’ Nago tama po wai dao.

Ma Dobola Sali 34:6

Tama aga te Moses pąba pelama ela soali, tama i weyu, te po wai, “Ena Genuai Bidi, ena Genuai Bidi dao. Ena God, tama ena te olo tau siyu mabo wiegi yai kolesaga badi, te homu dene ebo page bidi dao. Tama eno sębę polo me egobeo. Eno tigidali we bidi godolo mu elama, tama eno ena wali po tigidali wali pabo dao.

Polgo Po Pas Rom Dabeba Asęani 9:18

Tama tibaso dago koneani, te Godigo aga homu naga wali peyu te olo tau siyu mabo wiegi yai kolesaga te bidi me delibolo yainogo da, teda agai te olo mabo wiegi yai kolesaga te agabolo yaibao. Me ma, te bidi me deli agai te po odosiąbo bidi ilainogo homu eyu da, teda agai te bidi te po odosiąbo bidi ilibo dao.

Josua 6:22

Tialima, hasia bolo Josuago te buluba sa asela suagasali bidi sibolo te po wai dao, “Dage si te penani wego be tomoba pelama, tama aga dali, te aga hani bage dali, augwali te selasa asama, te duga si dąų wali po tiwai gilama yao,” te po wai.

2 Pita 2:7

Tama Godigo te doloba pai bidi Lot ma dobola sali, tama Godigo aga dolobeo. Lot aga te penani kolesaga ebo we bidi augwaligo yali kolesagade aga homu sęgę mu yai.

Tigidali Nai Gagalama Nigali Side 19:15

Te be posai madi, tama te mobo bidi ensel sigo te Lot seliyu, tama po wali, “Asesa yao! Te naga we dali, naga ede bidibo wegi si dali selama, tama e hanu taga piąo. Tiyu, dage te gasa we bidi dabe dali haga yabuo.”

Ma Dobola Sali 34:7

Te eno we bidi hani hauwa godolo iduyu, tama te eno po dąų wali tiwai gilama, tama eno augwaligo hagoma ebo haniani dwai kolesaga te sela sąbo dao. Tiali goli, te dwai sę ebo bidi dabebolo eno dene ilaibao. Tama eno augwaligo wai dabebolo me, tama augwaligo nosali pedalobo wąį te wai dabebolo me, tama te sela, me te me si me si haniba te tiwai dene mabo sę naga augwaliba pedelaibao,” wali.

Bomai Po 5:15

Dagego koneawe, dage te Isip bulude te olo sę ebo bidi bidali, te koneao, tama eno genuai bomogo, ena dagego God Genuai Bidi, eno dage tedu odasa asai dao. Tama te tiali pagede da, dagego eno te bomai po wali piąo, tama te toma tubo sogo bugagia wali pelama, toma tuyu yao,’ wali.”

Bomai Po 6:21

Teda dagego augwalibolo te po walao, ‘Da te Isip tuni bidigo olo sę ebo bidi bidai dao, tama Genuai Bidigo da agai bomogo oda sai dao.

Bomai Po 7:8

Tiali goli, Genuai Bidigo dage godolo mu elama, tama agai dago wąį dali te dąų wali te po wali peyu te ebao. Te page delide tama agai genuai bomogo dage tau sali dao. Tama teyu, dage te Isip tuni bidigo olo sę ebo bidi dabe bidibadi, agai dage te Isip tuni bidigo nogode ma dobola sai dao.

Godigo Nogi Ugwaba Sabo Tęąbi Po Wabo Buku Dabe 32:10

Te sęgę me dene hauwa te dwai sę ebo bidi dabeba pedalaibao. Tiali goli, Genuai Bidigo te agaba homu kęą pabo we bidiba te olo tau sabo wiegi yai kolesaga elama, tama augwali bugagia tonaluaibao.

Godigo Nogi Ugwaba Sabo Tęąbi Po Wabo Buku Dabe 33:18

Tiali goli, odao. Genuai Bidigo te aga dologode bidibo we bidi tonalubo dao. Awe, te agai te da godolo ebo kolesaga ebo siligobeo homu ebo we bidi, te augwali agai bugagia tonalubo dao.

Godigo Nogi Ugwaba Sabo Tęąbi Po Wabo Buku Dabe 33:19

Agai te we bidi dabe augwali tonalu, te augwali me isigobeo. Tama agai augwali te nasi ebo sogo nai mayu yaibao, te augwali bidibo ula dali bidimainu yaibao.

Tigidali Nai Gagalama Nigali Side 43:10

Tama nago da dąų wagi menigi sogo da, teda da pelama, tama si sogo ma asigi da,” wali.