Tigidali Nai Gagalama Nigali Side 19:12 - Godigo dwagi yai po buku

¹² Tialima, te bidi sigo Lotbolo hanalu wali, “Te nago hani meba te hanude bidalubawe? Nago te naga ogwa dabe dali, wegi dabe dali, te wegi sabo wąį dabe me, te tigidali badi, te nago ede bidalubo gasa hani dali tigidali selama, tama dagego te hanu taga piąo.

Tigidali Nai Gagalama Nigali Side 19:12 Referans Kwoze

Tigidali Nai Gagalama Nigali Side 7:1

Nosali Yawego Noabolo te po wai, “Eno nage deli naga nage te tigidali bidi tomode dolo bidibo sualio. Tama tibaso, megi nage te moni geba sip tomoba, naga we wai puluba tigidali dali tomoba bula sao.

Kraisgo Geme Dualali Sę Pedelabo Po Jonbolo Ola Mani 18:4

Tama eno odali, gasa pedauwalidu po dagaludu pedalali, tama agai te po wali, “Eno we bidi hani, dage te bulu tagalama buluba soao. Dage aga dali te dwai sę ebode te dene sidali weyu, tama dagego agai ebo dwai dwai sę me egimio. Tama tibaso, te bulu tagalao.

2 Pita 2:7

Tama Godigo te doloba pai bidi Lot ma dobola sali, tama Godigo aga dolobeo. Lot aga te penani kolesaga ebo we bidi augwaligo yali kolesagade aga homu sęgę mu yai.

2 Pita 2:9

Tama te polobadu yali sę pode dago koneai, Godigo te we bidigo ebo dwai sę wei ponobo konealigo da, teda e me dago koneani, te God wali pabo we bidi augwalibolo te usu sabo sę pedalobaso da, teda Genuai Bidigo augwali te sęde ma dobola sainogo koneama tama tiaibao. Tama agai te dwai bidi dabego ebo kolesaga me koneyu, tama te dwai dene wei augwaliba ponobo, te me agai konebao. Tama koneyu, agai te po tų yabo sogo tonalubadi augwali dene mabo dao.

Israel Hanigo Namba 16:26

Tama Mosesgo tigidali we bidibolo e tama po walali, “Dage tigidali ugwanu kila sesa piąo, te dwai bidi dabego ugwa be pąde, tama augwaligo nai dabeba me dagana selama me elamuo. Tiyu, dage augwa pąde bidiyu da, augwaligo sęgę dage me isabuo.”

Tigidali Nai Gagalama Nigali Side 19:17

Te mobo bidi ensel sigo te augwali bulubadu dilama, tama mego te po wai, “Dage wi piąo. Tiyu, dage isabuo! Dagego tudiba begelama, ma tonogio. Tama dage te malu elalubo madi toma me nenamuo. Te dage udada pelama, te bulu duba ugwa holali da, teda dage me isigobeo,” wali.

Jeremaia 32:39

Te eno augwaliba deli homu kolesaga naga mobaso, te augwaligo deli sunumi naga wali paibao. Te augwali ena dologode sesemane sogo bidibaso, te eno wiegi yai sę augwaliba eyu, tama augwa hani wai dabe me bugagia bidaibao.

Tigidali Nai Gagalama Nigali Side 19:22

Te polo pao! Asesa yao! Eno magi sę deli isiąbadi, dage te hanuba sabolaibao,” wali. Lotgo te po wai, te hanu da te dwasianu hanu da, tama tibaso augwaligo te hanu nogi Soar poai dao.

Tigidali Nai Gagalama Nigali Side 19:14

Tialima, Lot te aga wegi si noma sali bidi aga wąį si bidibo madi pai. Tama agai te po augwali sibolo wagi pali, “Dage si hogodama, te hanu polo taga soao,” wali. “Yawego te bulu dolainogo ebao.” Tiali goli, augwali sigo homugo agai te gagali po wabo homu naga yai.

Tigidali Nai Gagalama Nigali Side 19:11

Nosali augwali sigo te tigidali bulubadu bidaluali bidi dabe augwali gedu paliali. Tama gedu widai bage tiwai osogo bidiyu, tama augwaligo te be sunumi gegabo usu me isiąwai dao.

Tigidali Nai Gagalama Nigali Side 19:13

Te da si go te hanu dolaibao. Yawego te bidi dabego dwai kolesaga ebo po odama, tama augwali dolomainu agai da si tagala palai dao,” wali.

Jeremaia 51:45

“Dage eno we bidi dabe, duga te Babilon tagalama, wi pao. Dage deli deli wi pobaso da, te dage bugagia bidaibao. Ena Genuai Bidigo eno haliga sębę dwai mu te Babilon dabeba ebao, tama tiyu, eno dage augwali dali dolabuo.