Tigidali Nai Gagalama Nigali Side 18:6 - Godigo dwagi yai po buku

⁶ Tama Abraham te ugwa beba polo pelama, tama Sarabolo wagi pali, “Nago te wiegi yai plaua hauwa selama, tama taluama, polo begelama, tama bret ulao,” wali.

Tigidali Nai Gagalama Nigali Side 18:6 Referans Kwoze

Matyu 13:33

Tama agai gasa po digi po me ma begelama, te po augwalibolo wai, “Te Godigo we bidi tonalubo sę te bret bo dabo nai yis tiwai dao. Te we me deligo te dwasianu yis selama, tama te genuai dramde munalubo tubo plaua dali taluama begelaibao. Tama nosali te plaua tigidali te bo dai subo dao,” Jisasgo te po wai.

1 Pita 4:9

Tama tibaso te kolesaga yao. Tama te kolesaga eyu, te dwagi yai homu eyu, tama duga hasi dage deli deligo te gasa we bidi dali te nai gesebo sę yao.

Hibru 13:2

Dagego te duga beba digibulu asobo bidi dabe augwali tau sabo homu ebo te dagego me gegeda pigio. Duga koneani, polobadu bidi mebago te tiwai elama, tama augwaligo te ensel mobo bidi meba te augwa beba odasa pelama, augwali gesali. Augwaligo te ensel bidi asobo me konebeo. Augwaligo te bidi naga da te homu yai dao.

Galesia 5:13

Ama dede, polobadu God agai dage i wai dao, dage olo mu bugagia bidimainu yai. Tama dage megi olo mu bugagia bidiyu, tama bugagia suao. Te da te bomo yai po dologode bidisiąbaso, tama dago polo homu kolesaga wali peyu, tama dena tigigo kolesaga wali pinao, te homu egimio. Te menio. God agai da tau selama, tama da olo mu bugagia bidibaso, tama dage duga hasi dwagi yai homu eyu, duga abagi tau sao, te augwaligo olo sę ebo bidi tiwai bidao.

Polgo Po Pas Rom Dabeba Asęani 12:13

Tama te Godigo we bidi meba augwali te nai dabe meni baso da, teda dagego augwali tau sao. Me ma, te gasa bulu bidi dabe dage bidiboba pedalobo si da, teda dagego augwali bugagia geseyu tonaluao.

Godigo Sęba Tagala Palai Bidigo Po 16:15

Tiali da dago aga dali agai bede bidibo we bidi dali baptais mani. Tama agai dabolo te po wali, “Dagego homugo eno Jisas wali pabo homu ebaso da, eno homugo Jisas mu konealu baso da, teda dage aselama, eno beba bidagasao, osogo,” te po wai. Tama agai “Dage eno beba pinao” wali bomo mu yali. Tama tibaso, da aga dali pai.

Aisaia 32:8

Tiali goli, bidi wiegi yai dabe augwali genuai nogi elaluaibao. Te tigidali sogo augwaligo doloba pai kolesaga naga ebo dao, tama augwaligo wiegi yai kolesaga naga yabo homu bomo ebo dao.

Tigidali Nai Gagalama Nigali Side 18:5

Te eno dage bomo ilabo nai meba sela menama, tama nosali duga ma piagameo. Dage eno beba aselama, tama eno dage tau saio,” wali. Tama augwaligo te po wali, “Te wiegi yai dao, nago tama tiwai te po wabo gilama yao.”

Tigidali Nai Gagalama Nigali Side 18:7

Tialima, Abraham udulama, te bulmakau bidalubo oboba pelama, tama te ogwa bidi te nisali bulmakau me deli sali. Agai te bulmakau te sę bidi me delibolo menama, tama sę bidigo elama, sisi elama, tama ulali.

Tigidali Nai Gagalama Nigali Side 19:3

Tiali goli, Lotgo augwali si dali anoma mu idubadi genama, tama nosali augwali si aga dali beba pali. Tama Lotgo te bo disiąwai te yis meni yai bret ulubadi, te augwali si wiegi yai nai sisi ilama, mani. Tama augwali sigo te nai tuali.

Te Israel Tobolu Bidi Dabe 6:19

Tama Gideon te aga be tomoba pelama, tama te ogwa bidi tamadi nisai meme me deli elama ulali. Tama agai te plaua meba ulali, te naigo sęgę te 10 kilo, tama yis meni yai. Agai te kibu mi te basket me delide muani, te sup ulali te poude muai. Tama agai te nai te Genuai Bidigo Mobo Bidi ensel te moni ni dologode bidibadi teba magi pali.

1 Samuel 28:24

Tama polo tama te wego te aga ogwa bidi nisai bulmakau elama, tama te bulmakau mi ulai. Tama aga te plaua meba selama, tama te yis meni yai bret meba polo nigilama, tama ulali.

2 Samuel 13:6

Tama Amnongo te Jonadapgo po wali pai. Aga te tibo gasi elama, tama te aga betba pila mugi pali. King Devitgo te aga ogwa, Amnon, te gasi elalubo po odobaso, tama aga te Amnongo beba pelama, aga sugi pali. Tama Amnongo agabolo te tama po wali, “Ena gasi elalubo, tama eno homugo nago eno abe Tamar te tagala palama, tama te pusu yai kek meba enaba ula magasomainu homu yali. Tama aga digi te nai enaba magasomainu yaibao,” te tama po wai.

Godigo Nogi Ugwaba Sabo Tęąbi Po Wabo Buku Dabe 119:60

Eno tonalugobeo. Eno polo nago bomai po wali paibao.