Tigidali Nai Gagalama Nigali Side 18:5 - Godigo dwagi yai po buku

⁵ Te eno dage bomo ilabo nai meba sela menama, tama nosali duga ma piagameo. Dage eno beba aselama, tama eno dage tau saio,” wali. Tama augwaligo te po wali, “Te wiegi yai dao, nago tama tiwai te po wabo gilama yao.”

Tigidali Nai Gagalama Nigali Side 18:5 Referans Kwoze

Te Israel Tobolu Bidi Dabe 13:15

Manoago te bidi te Genuai Bidigo Ensel Bidi da homu isiąyu te agai konesiąwai. Tama tiyu, agai te po wali, “Nage polo pelamuo, te nage bidiyu bolo yao olama, tama da sigo te ogwa bidi meme kibu elama, ulama, te nage tuagameo,” wali. Tiali goli, enselgo te po wali, “Te dage sigo ena dąų olalubaso, te eno dage sigo nai me sela tugobeo. Te dagego te kibu elainu da, teda dagego te Genuai Bidiba ofa elama, tama te siaba ulama, tigidali domainu yao.” Te po wai.

Godigo Nogi Ugwaba Sabo Tęąbi Po Wabo Buku Dabe 104:15

Tama dago bono ni du wain wai bulama, wain ąi tuyu, dago homu dwagi yai emainogo tiwai. Tama dago te ni oliv wel ąį selama, dago gesabidide pilama, tama gesabi ula emainogo yagameo. Tama dago te wit ge bulama, dago tigi dąų omainogo tubo nai bret nigibo dao.

Te Israel Tobolu Bidi Dabe 19:5

Tama te ene nanobo sogo me si me si tede te augwali si te kigamu mu hogodama, te augwa si painu doado bage sisi yali. Tiali goli, te we aga ayago te Livai bidiba weyu, te po wali, “Te nage nai tulama, haliga dąų waliyu bolo yao,” wai. “Nosali te naga pagameo,” wali.

Te Israel Tobolu Bidi Dabe 6:18

Tama nage me pigio. Te nai meba eno nagebolo te wiegi yai homu ilama ofa mawaibao,” wali. Tama Mobo Bidi enselgo te po wali, “Te ena nage asobo tonalu bidaibao.”

Tigidali Nai Gagalama Nigali Side 33:10

Tama Jekopgo te po wai, “Woo, te nago ena dali dwagi yai homu eba wida, teda nago eno te mabo nai sao,” wali. “Eno nage gesabidi sulama, tama eno te God gesabidi subo tiwai yali, magi baso meni, te nago ena dali dwagi yai homu yai.

Tigidali Nai Gagalama Nigali Side 19:8

Eno wegi si bidibao, tama augwali si te bidi dali me pisąbadi dao. Eno augwali si dageba odasa buluba asaibao, tama duga magi homu ebo te augwali side siliagameo. Tiali goli, te bidi si da, te eno abagi si, tama augwali si eno bede bididubadi, tama eno augwali si bugagia te ena tonaluaibao. Tama tibaso, dagego dwai sę augwali side me igimio,” wali.

Aisaia 3:1

Odao. Tamadi tama God, Tigidali Bomo Elalubo Bidigo te we bidi dabe ugwaba sagualu tonalubo nai dabe sela sąwaibao. Te Jerusalem me Juda bulu we bidi dabe bidibo wiegi yai ilibo nai dabe, te agai tigidali nai me, wę me, sese silaibao.

Matyu 6:11

Dago homugo nago megi e sogode usu nama te da tuabo nai mao.

Tigidali Nai Gagalama Nigali Side 18:6

Tama Abraham te ugwa beba polo pelama, tama Sarabolo wagi pali, “Nago te wiegi yai plaua hauwa selama, tama taluama, polo begelama, tama bret ulao,” wali.

Te Israel Tobolu Bidi Dabe 6:19

Tama Gideon te aga be tomoba pelama, tama te ogwa bidi tamadi nisai meme me deli elama ulali. Tama agai te plaua meba ulali, te naigo sęgę te 10 kilo, tama yis meni yai. Agai te kibu mi te basket me delide muani, te sup ulali te poude muai. Tama agai te nai te Genuai Bidigo Mobo Bidi ensel te moni ni dologode bidibadi teba magi pali.

Te Israel me Juda Hani Sigo Tuni Bidigo Po Elalubo Buku Deli 17:11

Te wego te Elaijago wali po odama, tama aga wę sigi peyu pali. Tama Elaijago te we ma i weyu, e tama wali, “Eno homugo nago te dwasianu tubo nai bret pedainu me magasao,” wali.