Tigidali Nai Gagalama Nigali Side 18:4 - Godigo dwagi yai po buku

⁴ Te eno bidi me deli i olama, te wę sela asama, dage sągą wę telamainu yaibao. Dage te ni pagede toma tuyu, dulaluiagameo.

Tigidali Nai Gagalama Nigali Side 18:4 Referans Kwoze

Tigidali Nai Gagalama Nigali Side 43:24

Tama agai augwali Josepgo beba odasa pali. Agai augwalibolo te sągą wę telabo wę mayu, te nai meba te donkibolo mayu yai.

Tigidali Nai Gagalama Nigali Side 24:32

Tialima, te sę bidi aga dali pelama, te be tomoba pai. Tama Labango po aga sę bidibolo obaso, augwaligo te kamel dabego tudide munasa asali walu dabe sela munama, tama augwaligo te nosai me nai te augwali mani. Tama augwaligo wę te Abrahamgo sę bidi aga hani dali teba selasa pelama, te augwali sągą wę telamainu yalio.

Tigidali Nai Gagalama Nigali Side 19:2

tama agai te po wai, “Abagi, dage si aselama, duayagasu bolo yao,” te po wali. “Dage si eno beba asiąo. Dage si sągą bolo wę tedelama, tama dage si megi hulide ede piagameo. Tama kigamu duga si hogodama, pagameo.” Tiali goli, augwali sigo po wei ponoyu, te tiwai po wali, “Menio. Da si te bede me pigobeo. Te da si e bidi sisinibo pesagede piaibao,” wali.

Dwagi Yai Gesi Po Lukgo Asęani 7:44

Te sogo naga Jisas te we pageba ugwaba begegi soyu, Saimonbolo te po walio, “E we nago subawe? Ena nago beba asali goli, nago ena bugagia gesesiąwai, eno sągą ąį tela yabo ąį me mawai meni. Tiali goli, e wego gela guago eno sągą sawali ąį tedalama, aga bobobage tobolu nisigo eno sągą holali.

1 Samuel 25:41

Abigelgo te po odama, teda aga kidu sugunama, tama tobolu tǫba basi gulali. Tama aga te tiwai po wai, “Ena te aga odolali sę ebo we tiwai dao. Tama eno ena te genuai bidigo sę ebo bidi dabego sągą wę telawaibao,” wali.

2 Timoti 5:10

Tama e tobage haniani wiegi yai sę yai nogi elalubo we tiwai: agai te aga wai puluba bugagia tonaluali. Tama agai te gasa bulu we bidi augwali te agai beba asobode nai mayu yali. Tama imilai homu eyu, agai te Godigo po odobo we bidi tau siyu sągą we tedabo sę yai dao. Tama agai te sęgę dali dene dali sali we bidi dabe tau siyu yai. Tama te wilawe we aga te tobage haniani we bidi tau sabo dwagi yai sę ebo kolesaga wali pabo we bidali da, teda nago te tobage we dabe augwali naga nogi te bukude asęąo.

Tigidali Nai Gagalama Nigali Side 18:3

tama agai te po wai, “Genuai bidi dedeo, dagego usu da wida, eno dage tau saio. Dagego eno be ela solamuo. Ena dagego sę ebo bidi dao.

Te Israel Tobolu Bidi Dabe 19:21

Tialima, agai augwali te aga beba odasa pelama, tama agai te donki si me nai mani. Agai te wę augwaliba menama, tama augwali sągą wę tedelama, tama nosali augwali nai me wę me tuali.