Tigidali Nai Gagalama Nigali Side 18:32 - Godigo dwagi yai po buku

³² Tama Abrahamgo te po wali, “Genuai Bidio, nago wado po olamuo. Eno po me deli ma simaniyu obao. Te nogo si doloba pai bidi naga bidibaso da, magi yaibawe?” Tama Yawego te po wai, “Te doloba pai nogo si bidi bidibaso da, teda augwali tobade eno te hanu me dologobeo.”

Tigidali Nai Gagalama Nigali Side 18:32 Referans Kwoze

Te Israel Tobolu Bidi Dabe 6:39

Nosali Gideongo Godibolo te po ma wai, “Genuai Bidi, nago ena dali wado po wabo homu me elamuo, eno deli sogo digi ma po miabo homu ebao. Eno homugo nago enabolo te sipsip nisi deli sogo ma usu somainu yabo po eno nage dali omainu yao. Eno homugo te sipsip niside ąį segeni ebo te niside elalugobeo, tama te tǫde naga te ąį segeni elalumainu homu yai.” Te po wai.

Matyu 7:7

“Te dagego gedu haluasa po Godiba hanalu da, teda agai dagego te hanalubo nai te dageba mawaibao. Dagego te nai gegebo sę idu da, teda te nai dagego sueibao. Tama dagego be tuba eliyu bebego wedu da, teda Godigo dagebolo te tų dalaibao.

Efesus 3:20

Te dago Godigo nogi ugwaba mu sinao. Tama agai te wiegi yai kolesaga ebo bomogo da we bidi tomode genuai sę ebo dao. Te sę ebo bomogo te da Godibolo hanaluyu gedu haluasa po wabo me, te dago homude ebo kolesaga te tigidali agai aiyaba elaluyu, tama agai wiegi yai kolesagade sę ebo te genuai mu ebo dao.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Aisaia 65:8

Genuai Bidigo te po wai, “Te bidi me deligo te bono du wain te du pa elalubo nogogo sąwainu ebaso, gasa bidigo te po wagi da, ‘Tonalu bolo yao,’ wai. ‘Eno te wiegi yai wain wai du meba te pąde elalubo suali. Dago selama, te tuabo wain ąį meba nigibaso, usu yaibao,’ wai. Te tiwai tama, ena Genuai Bidi, eno te tigidali Israel we bidi me dologobeo, magi baso meni, augwali eno sę bidi dabe dao.

Bugagia Bidibo Kolesagade Po Asęai Buku 15:8

Genuai Bidigo te dwai kolesaga ebo bidigo ofa ebo te wei mu me egobeo. Menio. Agai tede dwai homu mu ebo dao. Tiali goli, agai te doloba pai bidigo gedu haluasa po wabo te wei mu eyu, wiegi yai pemene mu ebo dao.

Godigo Nogi Ugwaba Sabo Tęąbi Po Wabo Buku Dabe 86:5

Genuai Bidi, nago te wiegi yai sę mu elama, tama nago eno dwai sęgę sela sąbo dao. Nago te nageba gedu haluasa po wabo we bidi tigidali wei mu eyu, tama naga homugo augwali dali kęą pai dao.

Jopgo Po Asęani Elalubo Buku 33:23

“Tiali goli, ma te Godigo ensel mobo bidi hauwa mu tomode deli digi aselama, te bidi tau sagasobaso da, teda agai dwagi yai kolesaga naga wali pomainu yaibao.

Ma Dobola Sali 32:14

Tama Mosesgo te tiwai gedu haluasa po obaso, tama Genuai Bidi aga homu ma hasegelama, tama aga te we bidi dolainu yali nai te aga we bidiba me tagala palobeo.

Tigidali Nai Gagalama Nigali Side 18:30

Tama Abrahamgo te po wali, “Genuai Bidio, nago wado po olamuo. Eno po ma wainogo ebao. Te tobage bidi te bidi sese deli olama, nogo si naga elalubaso da, magi yaibawe?” Tama Yawego te po wali, “Te eno wiegi yai bidi te bidi deli olama, nogo si bidibo subaso da, teda eno te hanu me dologobeo.”

Tigidali Nai Gagalama Nigali Side 18:31

Tama Abrahamgo po ma weyu, te po wali, “Genuai Bidio, nago wado po eno te po hauwa obaso wagio. Te bidi sese deli wiegi yai bidi elalubaso da, magi yaibawe?” Tama Yawego te po wali, “Te eno bidi sese deli te doloba pai bidi subaso da, teda augwali tobade eno te hanu me dologobeo.”

Tigidali Nai Gagalama Nigali Side 44:18

Juda te Josepba pelama, te po wali, “Genuai bidi, te dago po nage dali omainogo yao. Nage genuai bidi mu te Fero aga tiwai dao. Tiali goli, eno homugo te nago ena dali wado po me olamuo.

Jeremaia 5:1

Genuai Bidigo te tiwai po wali, “Dage Jerusalem we bidi, dage udulama, te taun sunumi dabeba, me te sisinibo pesageba tedela pelama, te doloba pai bidi meba bidibowe, ma meniwe, suainu tama tiao. Te dagego bidi me deli te doloba pai kolesaga wali peyu, te dolo yali kolesaga sę mu bomo ebo bidi subaso da, teda eno dage Jerusalemgo ebo dwai sę tigidali tagalaibao,” wali.