Tigidali Nai Gagalama Nigali Side 18:25 - Godigo dwagi yai po buku

²⁵ Nago te wiegi yai bidi dabe augwali te dwai bidi dabe augwali dali elainu ebo. Te wiegi yai egobeo. Nago tama tiwai me elamuo. Tiyu, te wiegi yai bidi dabe te dwai bidi dabe augwali dali dolabuo. Te dwai mu dao. Nage da, te tigidali tǫ pedaide po tų odobo bidi dao. Nago te doloba pai kolesaga wali pomainogo egobewe?” Abrahamgo te po hanalu wali.

Tigidali Nai Gagalama Nigali Side 18:25 Referans Kwoze

Jopgo Po Asęani Elalubo Buku 8:3

Godigo tigidali bomo elalubo, te doloba pai kolesaga hasegelama, tama da kegebo meni. Mu menima. Tigidali sogo agai kolesaga doloba pai naga dao.

Jopgo Po Asęani Elalubo Buku 8:20

“Ma, te bidigo doloba pai kolesaga wali peyu, tama Godigo gedude dwai sę me isąma yali da, teda Godigo aga tudiba me iligobeo. Tiali goli, bidigo dwai kolesaga ebaso da, teda Godigo aga tau sabo usu egobeo.

Godigo Nogi Ugwaba Sabo Tęąbi Po Wabo Buku Dabe 58:11

Tama gasa bidi dabego te tama po waibao, “Mu dao, Godigo te doloba pai bidi dabeba wiegi yai sę wei pona mawai. Mu tama, God bidibao, tama agai te tigidali bage te doloba pai po tųgo dagalaibao,” waibao

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Godigo Nogi Ugwaba Sabo Tęąbi Po Wabo Buku Dabe 94:2

Nage hogodama, nago po tųba tigidali we bidi pedelaibao. Megi nage aselama, hagoma eyu dwai sę ebo bidi augwaligo ebo kolesaga wei ponao.

2 Korin 5:10

Magi baso meni. Dago koneani, da tigidali te Kraisgo po tųde hania hanilama pedalaibao. Tama da megi e bidibo tigi dali bidiyu tama wiegi yai kolesaga ebaso, ma dago dwai kolesaga eyu me yali da, teda da tigidali deli deli te dena yali kolesagade usu nama tama dago te tiwai saibao.

Malakai 3:18

Tama tiyu, te sogo te ena wali pabo doloba pai we bidiba eno ebo kolesaga ma suiyagameo, te eno dwai bidi dabeba ebo kolesaga, te augwaligo eno po sela sąbo dao, te bageba me eno ebo kolesaga suiyagameo,” wali.

Godigo Nogi Ugwaba Sabo Tęąbi Po Wabo Buku Dabe 98:9

Magi baso meni, aga te tigidali bulu tǫ tonaluainu asobao. Tama aga te king bidu, tama tigidali we bidi te doloba pai kolesagade tonaluyu, te po tų ebo dolo naga yaibao.

Jeremaia 12:1

Genuai Bidio, nago doloba pai kolesaga sesemane sogo ebao, te eno nage dali po konila eyu wabeo. Tialima, te meba kolesaga eno konesiąwani, tama eno te nagebolo hanalu obao. Magi baso te dwai kolesaga ebo bidi dabe, te augwa sesemane sogo bugagia bidibo dawe? Magi baso te gagamu selibo bidi, me tibo po wabo bidi dabe, te augwa ebo sę bugagia mu ela pidubo dawe?

Kolesaga Koneai Bidigo Pusali Po Elalubo Buku 7:15

Eno bidibo ula te olo nai tiwai elalubao, tialima ena te tǫde bidibo sogo eno te haniani kolesaga ebo suali. Eno suali, bidi mebago doloba pai kolesaga wali pali, tiali goli te bidi dabe augwali isalio. Te bidi mebago dwai kolesaga ebo eno suali, tiali goli augwali bobage sogo sesabi elama, bidibo dao.

Hibru 12:23

Dage te Godigo gomunai ogwa dabe augwali sisinama te bidibo madi, dage teba asai dao. Godigo augwali nogi asęani, tama te asęani po Godigo bidibo digide elalubao. Dage pąba dolagasali, tama po tų dodolobo bidi jas aga bidibao, aga te tigidali we bidigo God dao. Polobadu mu bidai we bidi meba, augwali isama tama Godigo augwali doloba pai we bidi ilama tama augwaligo po wabo mobo noma me bidibo dao. Tama dage augwali bidibo digi asai dao.

Tigidali Nai Gagalama Nigali Side 18:24

Te wiegi yai bidi dabe 50 te genuai hanude bidibadi yaibaso da, te nago augwali me te gasa bage dali dololaibawe? Nago te genuai hanude te wiegi yai bidi dabe te 50 bidi bidibaso, augwali tobade hanu elalumainu sula tagalubo usugowe?

Bomai Po 1:16

“Tama te sogo eno te tobolu bidi dabe te e tama ola mawai dao, ‘Dagego olo bugagia munama, te we bidigo wabo po dabe bugagia odao,’ po wai dao, ‘te we bidi aga hasi tomode wabo po. Tama dagego te we bidigo wabo po bugagia osola suao, te duga abagi dabe tomode, ma te Israel hani isąwai bidi hani dabe dage tomode bidibo bagede pedalubaso me.

Bomai Po 1:17

Dagego te tigidali bidi dabe te deli kolesagago naga dodolao. Te aga genuai bidi me, ma olo bidi me. Tama dage bidi me delide wi me elamuo. Magi baso meni, God aga digi dagego homu kolesaga te po tų ebode dodolaibao. Ma, te sęgę genuai mu me elalubaso da, tama dodolabo usu isąbaso da, teda dagego ena pageba odasa asao, teda eno po tų odaibao.’ Eno augwalibolo te tama po walai dao.

Te Israel Tobolu Bidi Dabe 11:27

Tama tialima, eno dwai kolesaga me deli nage dali me ebeo. Nago digi te nago dwai kolesaga ena dali elama, tama nago ena dali hwįani. God te aga tigidali bidigo kolesaga dagalubo bidi da, tama megi da, te agai dago kolesaga dali, te dagego kolesaga dali osayu dagalaibao.’ Jeptago te po wali,” te agai tagala palali bidigo te Amon king bidibolo wali.

Tuni Bidi Dabego Po Elalubo Buku Si 19:7

Genuai Bidi dago God agai te po tų ebo pauli ebo, me abagi tau sabo, me te bidi dabego dage mone menama dage nagame yainogo ebo sula tagalabo, te tama kolesaga dabe agai godolo munu ma ebeo. Tama tialima, dage po tų ebo odobo bidi dabe, dagego God dologode mu elaluyu, tama dagego po tų ebode bugagia peda selama elaluao,” Jehosafatgo te po wali.

Nehemia 9:33

Dago te dwai sę ebo kolesaga ebaso, tama nago te daba dene ilibo sę yali. Tama nago te kolesaga te dolo ebao. Sesemane sogo nago te naga dąų walali bomai po wali peyu, tama nago da tau sali, tiali goli dago hagoma eyu, tama dwai kolesaga haniani ebo dao.”

Jopgo Po Asęani Elalubo Buku 34:10

“Tama dage bidi dabe, dagego dwagi yai kolesaga elalubao. Jopgo te tobage po obaso, eno po odiąo. God Tigidali Bomo Elalubo Bidigo dwai kolesaga me egobeo. Mu menio. Dwai sę ebo homu te Godide digibulu mu elalubo dao.

Kolesaga Koneai Bidigo Pusali Po Elalubo Buku 3:17

Eno tede te tama homu yalio, te Godigo we bidi dabe augwali po tų ilibo sogo, agai te doloba pai kolesaga tigidali yali bidi dabe, me dwai kolesaga yali bidi dabe dagalobo sogo dąį ilali elalubao. Magi baso meni, te tigidali sę yabo si te elalubao, te tigidali yali kolesaga ma dodolobo sogo me elalubao.

Jeremaia 11:20

tiali goli, nage Tigidali Bomo Elalubo Genuai Bidi dao, nago te we bidi dabego haliga me homu kolesaga dagalobo dao, te nago po tų dolo mu ebo dao. Eno te sęgę nago nogoba mubao, te eno homugo nago te bidi dabeba dwai sę ebo dene mabo sueibao,” te po wali.

Esekiel 18:25

“Tiali goli, dagego te tama po obao, ‘Genuai Bidigo ebo te kolesaga, te dolo menio,’ wali. Tialima, dage Israelgo, eno po wabo bugagia odao. Dagego homude eno kolesaga te dolo meni da homu eba, agawe? Menio. Te dagego ebo kolesaga da, te dolo me ebe dao.

Israel Hanigo Namba 16:22

Tiali goli, Moses de Aron si gesabidi tǫba elama, degasa duliyu, augwali sigo Genuai Bidibolo e tama po wali, “God, nago deli naga te tigidali tǫde bidibo we bidi nigilama, augwali te bidibao. Te bidi deligo dwai sęgę sai madi, tama nago tigidali Israel we bidi ela silaibawe?”

Tuni Bidi Dabego Po Elalubo Buku Deli 16:33

Genuai Bidi asama te king bidu, te tigidali tǫ habu badu tonalueibao. Tama tebo sogo te genuai bulu tǫ tomode te tigidali nigo te wiegi yai pemene ebo tęąbi po wabo dao.

Jopgo Po Asęani Elalubo Buku 34:12

Eno mu po tama obao. God Tigidali Bomo Elalubo Bidigo bidi me deli olo me dolama, tama dwai doloba pisąwai kolesaga me egobeo. Dago te agai dwai sę ebo homu ebo usu egobeo.

Godigo Nogi Ugwaba Sabo Tęąbi Po Wabo Buku Dabe 7:12

Te dwai sę ebo bidi dabe te augwa homu begeleyu, ge nesiąbaso da, teda Godigo te aga bainat hwą dulaibao. Tama te agai enesigi balibi dolama, te hwįabo sisi elalueibao.

Godigo Nogi Ugwaba Sabo Tęąbi Po Wabo Buku Dabe 50:6

Te dagalugo digi te tama po obao, “God te doloba pai mu dao. Aga digi te po tų odobo bidi jas bidibao,” wabo.

Godigo Nogi Ugwaba Sabo Tęąbi Po Wabo Buku Dabe 75:3

Tǫ dali tede bidalubo nai tigidali te hagawaibao. Tiali goli, te tǫ page da, te eno tolalu, tama bomo elalueibao.