Tigidali Nai Gagalama Nigali Side 18:23 - Godigo dwagi yai po buku

²³ Tama Abraham te Yawe pąba pelama, tama agai Yawebolo tama po hanalu wai, “Te mu tama, nago te dwagi yai bidi dabe te dwai sę yali bidi dabe dali si, augwali dolomainu yaibawe?

Tigidali Nai Gagalama Nigali Side 18:23 Referans Kwoze

Israel Hanigo Namba 16:22

Tiali goli, Moses de Aron si gesabidi tǫba elama, degasa duliyu, augwali sigo Genuai Bidibolo e tama po wali, “God, nago deli naga te tigidali tǫde bidibo we bidi nigilama, augwali te bidibao. Te bidi deligo dwai sęgę sai madi, tama nago tigidali Israel we bidi ela silaibawe?”

2 Samuel 24:17

Devitgo te mobo bidi ensel sulama, tama agai Genuai Bidiba te tama po wai, “Eno naga tama eno te dwai sę yali, tama eno dwai sę genuai yalio. Tiali goli, te we bidi dabe augwali, augwa te mena dwai sę ebaso, tama nago augwaliba te dene maniwe? Nago te ena me, ena we wai, dabolo naga te dene magi sogo da, usu igi tama dao,” wali.

Tigidali Nai Gagalama Nigali Side 20:4

Tiali goli, Abimelek te Sara pąba pisąbadi tialio. Tama agai te po wai, “Genuai Bidio, te bidi deligo dwai sę me isiąbadi da, teda nago aga ela muaibawe? Nago eno hani bage me ela muaibawe?

Hibru 10:22

Tama elalualigo da, teda da homu mu eyu, tama homu si me esiąyu dago Godiba konealubo po dąų mu olama, tama da aga pąba pinao. Agai dago yali dwai sę sęgę sela sąnama, tama dago homu wiegi yai ma ilali. Me agai dago tigi sese te wiegi yai ąįgo mu telawali.

Jopgo Po Asęani Elalubo Buku 34:17

Ma, Godigo yaide doloba pai kolesaga wei isąnama yali da, teda aga mena tama ma aga king bidiyu yaide e tǫ tonaluaibawe? Tiali goli, God agai genuai bomo elaluyu yaide, tama agai tigidali sogo doloba pai kolesaga naga ebo dao. Tama nago magi baso Tigidali Bomo Elalubo God po tų ela menama, tama dwai sę yali dao po obawe?

Tigidali Nai Gagalama Nigali Side 18:25

Nago te wiegi yai bidi dabe augwali te dwai bidi dabe augwali dali elainu ebo. Te wiegi yai egobeo. Nago tama tiwai me elamuo. Tiyu, te wiegi yai bidi dabe te dwai bidi dabe augwali dali dolabuo. Te dwai mu dao. Nage da, te tigidali tǫ pedaide po tų odobo bidi dao. Nago te doloba pai kolesaga wali pomainogo egobewe?” Abrahamgo te po hanalu wali.

Jeremaia 30:21

Te augwa bidi dabe digi me deli te augwa tobolu bidi pedelama, te augwa tonalueibao. Ena Genuai Bidi, eno te po obao, te ena digi eno te bidi ena pageba oda saibao. Magi baso meni, te bidi dabe augwa homugo digi te ena pąba asobo usu egobeo.

Godigo Nogi Ugwaba Sabo Tęąbi Po Wabo Buku Dabe 73:28

Tiali goli, ena, te ena nage pąde bidibaso, tama te wiegi yai mu ebao. God, Genuai Bidi, nago ena mu seselalubo da, tama eno nago yali sę po tigidali hanilama, pusainu ebo dao.

Jopgo Po Asęani Elalubo Buku 8:3

Godigo tigidali bomo elalubo, te doloba pai kolesaga hasegelama, tama da kegebo meni. Mu menima. Tigidali sogo agai kolesaga doloba pai naga dao.

Jems 5:17

Te polobadu bidai bidi nogi Elaija aga doloba pai bidi bidiyu, tama agai gedu haluasa po wabode bomo elaluali. Tama agai Godigo nosali yabo sę po augwalibolo pusuyu bidai. Tiali goli Elaija aga te da tiwai bidi bidai. Tama bidiyu, agai Godibolo gedu haluasa po bomonama wai, te tulubage tuluidali weyu, tama te tulubage dagalude tulisiąbadi kibu be sela olama, tama te polua a naga olama, me badu nogo deli olo bidai.

Jems 5:16

Tama tibaso, dagego duga dwai sę yali te duga ama dabebolo pusao, te duga hasi tau somainogo Godibolo te po hanalu wao, te God agai dage dwagi yai ma usu ilimainogo yao. Tama tiyu, te doloba pai bidigo gedu haluasa po wabode bomo elaluyu, tama agai te gedu haluasa po wabogo te we bidi tau sabo sę ebo usu yaibao.

Tigidali Nai Gagalama Nigali Side 18:24

Te wiegi yai bidi dabe 50 te genuai hanude bidibadi yaibaso da, te nago augwali me te gasa bage dali dololaibawe? Nago te genuai hanude te wiegi yai bidi dabe te 50 bidi bidibaso, augwali tobade hanu elalumainu sula tagalubo usugowe?

Ma Dobola Sali 23:7

Dagego gasa bidi tibo pode po tų ela magio. Tama doloba pai bidi agai dwai kolesaga me isąbadi, tama augwaligo aga po tų olo mu ilibaso da, teda dagego aga ela mugio. Magi basowe, te tiwai dwai kolesaga ebo bidi eno aga po tų ilama, tama aga hagawaibao.”