Tigidali Nai Gagalama Nigali Side 18:22 - Godigo dwagi yai po buku

²² Nosali te bidi si hogodama, tama Sodom hanu pali. Tiali goli, Yawe te Abraham dali bidai.

Tigidali Nai Gagalama Nigali Side 18:22 Referans Kwoze

Tigidali Nai Gagalama Nigali Side 19:1

Te bidi Lot te we bidi sisinibo pesagede te Sodom hanu genuai sunumi elalubo madigi bididuai, tama piode te mobo bidi ensel si teba pedelai. Lotgo te bidi si asobo sulama, tama aga hogodama, augwali si pąba pai. Aga te bogoli sugunu pogiluama, tama aga gesabidi te tǫba mu pogulama,

Godigo Sęba Tagala Palai Bidigo Po 7:55

Tiali goli, Godigo Dwagi Yai Mobo Bidi aga homu kolesagade pągą yanio. Tama agai ugwaba dagaluba tonalubadi, Godigo dwagi yai ula suali. Tama agai suali, Jisas te Godigo dolo nogode dolalubo suali.

Esekiel 22:30

“Te eno po pusulama, te we bidi dabe enaba ma odasa asabo bidi deli me eno gegebo usu sali. Tialima, eno gegebo sę ela pali, menio. Te tobage bidi bidigi sogo da, aga te taun dolainu asobo boi bidi dabe asobo sunumi paligi da, te taun bagulali obo tiwai pedaligi da. Tama aga te obo alua pali badu dolalu, te boi bidi dabe taun tomoba asainu ebo sogo, te hwįbo bidi tiwai pedaligi da. Ena digi eno te Israelgo boi bidi tiwai pedelali, te eno augwaligo tǫ kantri dolainu yali, tiali goli te tobage bidi bidigi sogo da, eno tama sę igi menio. Tialima, eno te tiwai bidi me subeo. Mu menio.

Godigo Nogi Ugwaba Sabo Tęąbi Po Wabo Buku Dabe 106:23

Tialima, me sogo nosali Godigo te aga we bidi augwali dolaibao po wali. Tiali goli, Moses, te Godigo dąį muani sę bidi, aga te God geduba doligi pelama, tama agai te Israel dabe tau siyu, tama Godigo haliga sębę yali togolama panibaso, tama Godigo augwali me dolobeo.

2 Timoti 2:1

Tama tibaso, nago yabo sęde, te sę nago emainogo eno nage homu hodolobo po obao. Hasia tuni po e tama. God agai tigidali we bidi tau somainogo eyu, nago te Godigo hani we bidi tigidalibolo gedu haluasa po wao, te po wao. Tama tiyu, agai augwali tau sao po hanaluyu, tama agabolo nage usu dao po me wao. Godigo te gavman tuni bidi dabe dali, te genuai gavman sę ebo bidi dabe tigidali tau somainogo eyu, dagego agabolo gedu haluasa po wao. Magi basowe? Godigo augwali tau siyu, tama augwaligo augwa te we bidi tonalubo sę bugagia eyu da, teda da we bidi tigidali da bugagia bidaibao. Gasa bidi augwaligo dabolo sęgę magobeo, tama da tigidali homu nagame wiegi yai elama Godigo homu naga wali peyu, tama gasa we bidi dali bugagia bidaibao.

Jeremaia 18:20

Te wiegi yai kolesaga ebo bidiba, te bidi dabego dwai kolesaga agaba wei ponobaso usu da, agawe? Menio. Tialima, te boi bidi dabego ena dolainogo ebao, augwali te tǫ dedage dogobo bidi tiwai ebao, te hasa dabe teba tulalumainogo tiaibao. Nago te eno polobadu yali kolesaga homu kone palao. Te ena nage pąba aselama, te nageba hanalu, te nago haliga sębę tagalama, te bidi dabeba wiegi yai sę bugagia yao po wai dao.

Jeremaia 15:1

Tialima, Genuai Bidigo enabolo te tiwai po wali, “Jeremaia, odao. Te Moses de Samuel si te ena pąba asama, te enaba hanalu, te we bidi dabeba te olo mu tau sabo wiegi yai kolesaga yao wagi sogo da, te tagalao, eno usu menigi da. Te we bidi dabe sela sąyao! Eno augwali subo, te ena hagela homu mu ebo dao.

Tigidali Nai Gagalama Nigali Side 18:16

Tama te bidi sela hogodama, palio. Tama Abrahamgo te augwali pabo sunumidu dwasianu tama aga augwali dali pai. Tama augwali pelama, meba me sabaligi pelama, tama augwali doligi pelama, tama Sodom hanuba aba tonononaluali.

Tigidali Nai Gagalama Nigali Side 18:17

Tama Yawego tama homu yali, ‘Te genuai sę eno yainogo ebo, te eno Abrahambolo geme dualubo te usugobe da,’ te po wali.

Tigidali Nai Gagalama Nigali Side 19:27

Te kigamu digi mu Abraham te Yawe dali dolalu polobadu te po miani pesageba palio.