Tigidali Nai Gagalama Nigali Side 18:2 - Godigo dwagi yai po buku

² Agai tonono pobadi, tama bidi sela dolalubo suali. Agai augwali sulama, tama aga ugwa be tagalama, tama udada pelama, augwali pageba sabolali. Aga kidu sugunu gulama, tama aga gesabi te tǫba mu pogiluama,

Tigidali Nai Gagalama Nigali Side 18:2 Referans Kwoze

Hibru 13:2

Dagego te duga beba digibulu asobo bidi dabe augwali tau sabo homu ebo te dagego me gegeda pigio. Duga koneani, polobadu bidi mebago te tiwai elama, tama augwaligo te ensel mobo bidi meba te augwa beba odasa pelama, augwali gesali. Augwaligo te ensel bidi asobo me konebeo. Augwaligo te bidi naga da te homu yai dao.

Tigidali Nai Gagalama Nigali Side 18:22

Nosali te bidi si hogodama, tama Sodom hanu pali. Tiali goli, Yawe te Abraham dali bidai.

Tigidali Nai Gagalama Nigali Side 19:1

Te bidi Lot te we bidi sisinibo pesagede te Sodom hanu genuai sunumi elalubo madigi bididuai, tama piode te mobo bidi ensel si teba pedelai. Lotgo te bidi si asobo sulama, tama aga hogodama, augwali si pąba pai. Aga te bogoli sugunu pogiluama, tama aga gesabidi te tǫba mu pogulama,

Te Israel Tobolu Bidi Dabe 13:3

Me sogode te Genuai Bidigo Ensel Bidi te weba asama, tama agabolo te tiwai po wali, “Polobadu nago wai me ame nesiąwai, tiali goli nage haliga elama, tama nago ogwa ame naibao,” wali.

Tigidali Nai Gagalama Nigali Side 23:7

Tama Abraham dolalu, tama aga tobolu te bulu page we bidi gesabiba aga tobolu aiyaba basi gulai.

Josua 5:13

Josua te hanu Jeriko pąde bidali sogo, agai bidi me deli te bainat hwą ge tolaluyu, dolalubo suai. Tama Josua aga dwai noma mu selama, tama agaba pelama, tama agabolo hanalu wali, “Nage te dago ami bidi me deli dawe, ma nage te boi bidi me deli dawe?” te po wai.

Tigidali Nai Gagalama Nigali Side 44:14

Juda aga ama dede dali te Josepgo beba sabolama, tama augwaligo aga te bede me bidalubo suali. Tama augwali wi mu ebaso, tama augwaligo augwa digi te Josep gesabidiba gedude te tǫba degasa dulali.

Tigidali Nai Gagalama Nigali Side 43:28

Augwaligo te po wali, “Dago aya, nago sę bidi, aga te bugagia bidibao.” Augwaligo kidu sugunama, tama agaba mage basi gulali.

Tigidali Nai Gagalama Nigali Side 43:26

Augwali te bede bidaludubadi tama Josep asali. Tama augwaligo te wiegi yai homu ilibo nai dabe te agaba sela pelama, tama augwaligo agaba kidu sugunama, tama mage tǫba basi gulali.

Tigidali Nai Gagalama Nigali Side 32:24

Tama agaduba deli naga bididuai. Tialima, hulide bidi me deli pedelama, tama aga dali nogogo pelegebo hwįdubadi, be posobo siba usu nani.

Tigidali Nai Gagalama Nigali Side 18:16

Tama te bidi sela hogodama, palio. Tama Abrahamgo te augwali pabo sunumidu dwasianu tama aga augwali dali pai. Tama augwali pelama, meba me sabaligi pelama, tama augwali doligi pelama, tama Sodom hanuba aba tonononaluali.

Rutgo Po Elalubo Buku 2:10

Agai po silibo si, tama Rut aga tobolu tǫba mu aiyaba pǫgųlali, te tiwai agai te Boas aga digi aga homu pemene wiegi yai mu emainu te agabolo ola mani. Tama agai Boasbolo te po wali, “Ena gasa bulu we dao. Magi baso nago homugo ena koneama, tama nago wiegi yai sę enabolo bugagia ilibawe?”

1 Pita 4:9

Tama tibaso te kolesaga yao. Tama te kolesaga eyu, te dwagi yai homu eyu, tama duga hasi dage deli deligo te gasa we bidi dali te nai gesebo sę yao.

Polgo Po Pas Rom Dabeba Asęani 12:13

Tama te Godigo we bidi meba augwali te nai dabe meni baso da, teda dagego augwali tau sao. Me ma, te gasa bulu bidi dabe dage bidiboba pedalobo si da, teda dagego augwali bugagia geseyu tonaluao.

Te Israel me Juda Hani Sigo Tuni Bidigo Po Elalubo Buku Si 2:15

Te 50 profet bidi dabe te augwali te Jeriko bulude bidibo bidi dabe da, tama augwali te bulude me bidaluali. Te bidali bage magi baso meni, augwaligo homugo te Elisago ebo sę page suainu bidaluali. Tama augwaligo te po wai, “Suao. Te bomo te polobadu te Godigo Elaijabolo mawai bomo dao, te bomo megi te Elisa dali bidibao,” wali. Tama augwali asama, tama aga tiąba aselama, augwaligo kidu sugunama, tama augwaligo tobolu me tǫba naga basilali, tilama augwaligo te Elisa genuai nogi mani.

Tigidali Nai Gagalama Nigali Side 17:3

Tialima, Abram aga basi giluama, tama aga gesabidi tǫba pubaligiluali. Tama Godigo agabolo tama tiwai po wai,

Tigidali Nai Gagalama Nigali Side 18:3

tama agai te po wai, “Genuai bidi dedeo, dagego usu da wida, eno dage tau saio. Dagego eno be ela solamuo. Ena dagego sę ebo bidi dao.

Tigidali Nai Gagalama Nigali Side 24:63

Te nosali me sogo be pio ebode aga te nosai elalubo digi pebeli dilide biliduai, tama agai te kamel meba aselabo suali.

Tigidali Nai Gagalama Nigali Side 23:12

Tama Abrahamgo aga tobolu te bulu page we bidi augwaliba basi gulai.

Tigidali Nai Gagalama Nigali Side 42:6

Te Josep aga te polalubo gavman bidi te Isipde bidali, tama tigidali Isip tǫ badu bidalubo bidi dabe te aga bidibo digi pelama, tama te wit abeligi pai. Tama te Josepgo ama dede te aga bidibo madi sabolama, tama augwali te aga gedude kidu sugunama, tama augwali te gesabidi te tǫba basi gulali.

Tigidali Nai Gagalama Nigali Side 48:12

Tama Josepgo te aga ogwa si te Jekopgo sągą pagede bidali te ma dobola siyu, tama agai Jekop gedude te agai gesabidi te tǫba basi gulali.