Tigidali Nai Gagalama Nigali Side 18:14 - Godigo dwagi yai po buku

¹⁴ Te eno magi sę me ebo usugobewe? Nosali kibu bede, te mani bodolude, te sogo asama, te Sarago wai ogwa ame nai madi, tama ena ma asaibao,” wali.

Tigidali Nai Gagalama Nigali Side 18:14 Referans Kwoze

Dwagi Yai Gesi Po Lukgo Asęani 1:37

Godigo me isiąwai sę me menio,” te ensel bidigo te po wali.

Matyu 19:26

Tama Jisasgo augwali dolo mu ponama tonalu, tama te po augwalibolo wali, “Te e tǫde bidi dabe augwaligo te sę ebo te usu me egobeo. Tiali goli God da, te tigidali sę ebo usu yaibao,” wali.

Dwagi Yai Gesi Po Makgo Asęani 10:27

Tama Jisasgo augwaliba dolo ponama tonalu, te po wai, “Te we bidi dabe augwa digi tede augwali usu egobe, tiali goli God agai da, te usu yaibao. Godigo te tigidali sę yainu ebo usu dao.”

Jeremaia 32:27

“Ena digi ena Genuai Bidi, ena te tǫde we bidi hani tigidaligo God dao. Eno tigidali sę ebo usu dao.

Efesus 3:20

Te dago Godigo nogi ugwaba mu sinao. Tama agai te wiegi yai kolesaga ebo bomogo da we bidi tomode genuai sę ebo dao. Te sę ebo bomogo te da Godibolo hanaluyu gedu haluasa po wabo me, te dago homude ebo kolesaga te tigidali agai aiyaba elaluyu, tama agai wiegi yai kolesagade sę ebo te genuai mu ebo dao.

Jopgo Po Asęani Elalubo Buku 42:2

“Genuai Bidi, megi da eno koneanio. Nagaduba deli naga tigidali sę ebo usu yaibao. Tama nago magi sę me yainu yali da, teda nage magi nai mego nage dąų me wagobeo.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Jeremaia 32:17

“O God, Genuai Bidi, te nago genuai bomogo nago te dagalu me tǫ nigai dao. Te nago isą yabo sę deli me elalube dao.

Polgo Po Pas Rom Dabeba Asęani 4:21

tama kuna koneanio, God agai te sę yabo usu yaibao, te agai polobadu wali po tiwai wali pelama te sę mu yaibao.

Israel Hanigo Namba 11:23

Tama Genuai Bidigo Mosesbolo po wei ponoyu, e tama po wali, “Te eno bomo usu meni yali bogo. Te pęwadage sogo tama nago suaibao. Tama nago koneama, nago homugo eno nagebolo mawaibao wali te nai te yabao po waibao. Te nai pedalogowe, ma meniwe?” wali.

Te Israel me Juda Hani Sigo Tuni Bidigo Po Elalubo Buku Si 4:16

Tama Elisago te webolo e tiwai po tama wali, “Te nosali kibu bede, megi te polua mude, te nago ogwa me deli ame naibao, tama nago naga nogo tuaibao,” wali. Tiali goli, te wego te po wei e tiwai po tama ponani, “Mu tama o, genuai bidio, nage Godigo po pusubo bidi dao. Nago enabolo ili po ola magio,” wali.

Bomai Po 7:21

“Tama tialima, dage te bidi hanide wi elamo dao. Magi baso meni, God dago Genuai Bidi dage dali bidibao. Agai bomo genuai mu elalubao, tama tigidali bidi dabe augwali agade wi mu yao.

Matyu 14:31

Tama polo mu Jisasgo nogo munama, Pita nogogo tola sali, tama agabolo te po wai, “Nago naga homu tigidali enaba mubeo, dwasianu naga mawai. Magi baso nago homu si ebawe?”

Sekaraia 8:6

Te Tigidali Bomo Elalubo Genuai Bidigo e po me wali, “Te me bidibo we bidi dabe augwali te dwasianu hani naga bidibao, tama augwaligo homugo eno te po wali sę dabe pedalugobe da homu yali bogo. Tiali goli ena Genuai Bidi Tigidali Bomo Elalubo Bidigo, eno te tiwai homu me egobeo. Menio. Eno tigidali sę ebo usu yaibao.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Godigo Nogi Ugwaba Sabo Tęąbi Po Wabo Buku Dabe 95:3

Magi baso meni, Genuai Bidi aga te bomai God dao. Aga te bomai king, tama te tigidali tibo god daide aga ugwadu daide bidibao.

Bomai Po 30:3

teda Genuai Bidi dago God agai dage hobede yaibao. Tama agai dage aga digi te dobola palali te bulude dabe ma oda saibao, tama agai dage duga buluba mu ma odasa asaibao. Tama agai dagego tigidali nai dabe wiegi yai ma pedalomainogo yaibao.

Tigidali Nai Gagalama Nigali Side 18:10

Tialima, augwali me deligo te po wali, “Nosali te kibu be me deli silama, tama naga we Sarago wai ogwa me deli ame naibao, tama mu tama ena ma asaibao,” wali. Sara te bidi tudibadu te ugwa be sunumi pąde bidai, tama agai te po wabo odali.

Dwagi Yai Gesi Po Lukgo Asęani 1:13

Tiali goli, te enselgo agabolo te po wali, “Sekaraia, nage wi tagalao. Te Godigo nago agabolo hanalu wali po odalio. Naga we Elisabetgo nago ogwa me deli ame naibao.

Jopgo Po Asęani Elalubo Buku 36:5

“God aga genuai bomo elaluyu yaide, agai te bomogo agai homugo yainu yali sę eyu naga ebo dao. Tama agai we bidi dabego ebo kolesaga hobede mu ebo dao.

Tigidali Nai Gagalama Nigali Side 17:21

Tiali goli, e tobage sogo te nosali kibu bede te Sarago nago wai ogwa te Aisak ame naibao, tama eno aga dali naga te dwagi yai tau sabo bomai po dąų walaibao.” Te po wai.

Hibru 11:19

Magi baso meni, agai e homu yai, “Awe, te eno aga ela munama tama Godibolo mobaso, teda Godigo te aga ma hodolama enabolo ma mabo bomo usu mu yaibao,” te homu yai. Tama mu tamao, dago te sęde po digi po begelama e tiwai po wai: “Abrahamgo aga ogwa Aisak te gų pagede ma sabo tiwai ąǫ yai dao.” Te po wai.

Dwagi Yai Gesi Po Lukgo Asęani 8:50

Tiali goli Jisasgo te po odama, Jairusbolo te po wali, “Wi egio. Enaba naga homu beaduao. Nago wegi ma hodaluaibao,” wali.

1 Samuel 14:6

Tialima, Jonatan te masigi elalubo pesageba sabolama, tama aga te aga dali hodobo asali bidibolo te tiwai po wali, “Ae, da u badu pedai badu pelama, tama da te Genuai Bidigo po odisiąbo bage, te Filistia dabe bidalubo pesageba paibao. Te Genuai Bidigo da tau siyu, te dago augwali aiyaba elaluabo homu ebao. Te Genuai Bidigo te hwįabo bidi hauwa selama, te boi bidi dabe augwali aiyaba elalumainu me egobeo. Menio. Te dwasianu hani naga te usu dao,” wali.

Filipai 3:21

Magi baso meni. Agai bomo te gasa tigidali bomo aiyaba elalubo dao. Tama agai bomogo agai tigidali nai deliba sisinama, tama aga dologoba muabo te bomo tede usu dao. Tama aga tǫba ma asama, tama dago bomo meni yai polo isibo tigi, te tigi agai bomogo hasegelaibao, tama dago tigi aga wiegi yai ula elalubo tigi tiwai si pedalaibao.

Dwagi Yai Gesi Po Lukgo Asęani 1:18

Te po olama, Sekaraiago te ensel bidibolo hanalu te po walio, “Te eno we me, ena me, te da si mosi dabe monu dabe yai dao. Mena tama ma nago te po eno mu dao wagowe?”

Matyu 3:9

Dagego eno pode geda siyu, dagego homude te homu me egimio: ‘Te Abraham da, te dago aya da, tama tibaso da bugagia bidibao, te dago dena homu magi baso begelaibawe,’ te wagio. Eno dagebolo te po obao, God agai da e masigi dabego te Abrahamgo wai pedala wali da te pedalobo usu yaibao.

Godigo Nogi Ugwaba Sabo Tęąbi Po Wabo Buku Dabe 93:1

Genuai Bidi king bidibao. Agai genuai nogi mu elalubao, tama genuai bomo me elalubo. Agai e tǫ te aga bidibo pesagede bomo elama, mu elalumainu yai dao.

Godigo Nogi Ugwaba Sabo Tęąbi Po Wabo Buku Dabe 90:13

Genuai Bidi, nisu naga nago haliga sębę ebo me elaludaibawe? Nago naga sę bidi da homu dene yao.

Tigidali Nai Gagalama Nigali Side 18:13

Tama Yawego Abrahambolo hanalu wali, “Magi baso Sarago gisugu weyu, tama po wali, ‘Te ena mosi dabe yai madi, te magi ilama eno te wai ame naibawe?’

Tigidali Nai Gagalama Nigali Side 18:15

Tama Sara wi ebaso, tama agai tibo po weyu, te po wai, “Eno gisugu me wabeo,” wali. Tiali goli, Yawego te po wai, “Menio! Nago gisugu walio.” Te po wali.

Tigidali Nai Gagalama Nigali Side 21:1

Te Yawego agai polobadu dąų walali po wali peyu, tama agai wiegi yai olo tau sabo kolesagago te Sara dali dwagi yai sę yali.

Tigidali Nai Gagalama Nigali Side 21:2

Tama tiyu, Sara haliga elama, ogwa ame nani, te sogo Abraham monu dabe yai madi dao. Sarago te wai te polobadu Godigo agabolo te bodolu mani sogo tama naga ame nanio.

Aisaia 50:2

“Eno dage gegagasali sogo, magi baso eno te bidi me deli bidibo subewe? Te eno dage i wali sogo, magi baso dagego eno i wali wei ponobewe? Dagego homugo te eno dage ma sabo bomo meni da homu yali da, agawe? Odao. Eno te po obaso, te tamu ąį tigidali mu sula saibao. Eno te po obaso, te genuai soabo ąį te masigi sane olo elalueibao. Te sųgų dabe isilama, kugumini dwai yaibao.

Daniel 6:20

Te siligi pelama da, teda aga haliga sęgę mu elama, tama te tiwai i wali, “Daniel, nage te sesemane sogo bidibo Godigo sę bidi, odao. Nago te wali pelama, te agaba sesemane sogo lotu udubo God, agai te laion dabego pedauwali paniama, te nage gąų kelama tubewe, ma meniwe?” te po wai.

Tigidali Nai Gagalama Nigali Side 17:16

Te eno Sara wiegi yai tau sabo po menama, tama agai nago ogwa me deli ame naibao. Te eno Sarabolo wiegi yai homu elama, dwagi yai tau sabo po mayu, tama aga te we bidi hauwa hanigo auwa mosi pedelama, tama meba te gavman tuni bidi pedelama, bidaibao,” wali.

Te Israel Tobolu Bidi Dabe 13:3

Me sogode te Genuai Bidigo Ensel Bidi te weba asama, tama agabolo te tiwai po wali, “Polobadu nago wai me ame nesiąwai, tiali goli nage haliga elama, tama nago ogwa ame naibao,” wali.