Tigidali Nai Gagalama Nigali Side 17:8 - Godigo dwagi yai po buku

⁸ Te nage megi e bulu wau biliyu, te e bidibo tǫ da, te eno nagebolo, me te nago hani wai dabe nosali pedalabo bage augwalibolo maiabo tǫ dao. Tigidali te Kenan tǫ dabe da, te sesemane sogo dagego tǫ elaluaibao, tama ena da, ena te nago wai puluba hani dabego God bidaibao,” wali.

Tigidali Nai Gagalama Nigali Side 17:8 Referans Kwoze

Pris Sę Ebo Bomai Po 26:12

Te ena dage tomode biliyu, te ena dagego God bidaibao. Te dage eno we bidi dabe bidaibao,” te po wai dao.

Godigo Nogi Ugwaba Sabo Tęąbi Po Wabo Buku Dabe 105:11

Agai Jekop dali te po wai, “Nage eno te Kenan tǫ mawaibao,” wai, “tama te tǫ naga tǫ, te naga hani dali.”

Ma Dobola Sali 6:7

Te dage selama, tama dage ena we bidi mu pedelama, tama ena te dagego God bidaibao. Nosali dage te Isip bagego kalabus sęde bidali tagalama, tama dage olo mu bidaibao. Tama te sogo dagego mu koneyu, ena te Genuai Bidi da weyu, tama ena dagego God da, te homu yaibao.

Tigidali Nai Gagalama Nigali Side 12:7

Te Yawe Abram bidiboba pedelama, tama tobo po wai, “Te e genuai tǫ da, te eno nago wąį hani wai dabebolo mawaibao,” te po wali. Tama tibaso, Abramgo te Yawe agaba pedelali madi te pesagede te Yawebolo lotu po weyu, ofa nai mayu yabo alta sai nigai.

Bomai Po 29:13

Tama tiyu da, Genuai Bidigo dage aga we bidi pedalomainu elama, tama aga dagego God bidaibao. Te agai dagebolo dąų waliyu, me duga wąį dabebolo dąų waliyu yali gilama, te Abraham, me Aisak, me Jekopbolo wali gilama.

Bomai Po 26:18

Tama megi da, Genuai Bidigo dage aga we bidi mu tiwai te sali dao, te aga digi dagebolo wali gilama. Dage da, te agai dila pai wiegi yai nai mu tiwai dao. Tama agai dagebolo agai tigidali bomai po wali piąo po te wali dao.

Bomai Po 14:2

Dage Genuai Bidi dago Godigo tedali gasagi yai we bidi dao. Magi baso meni, agai dage tigidali tǫde we bidi tomode selama, tama dage aga we bidi bidimainogo dage sa muai dao. Dage da, agai dila pai wiegi yai nai tiwai elalubao,” wali.

Tigidali Nai Gagalama Nigali Side 13:15

“Te megi nago subo tǫ tigidali, te eno nagebolo mayu, tama nago nosali ame nabo hani wai dabebolo mobadi yaibao. Tama te tǫ dagego sesemane sogo mu elalua paibao.

Godigo Nogi Ugwaba Sabo Tęąbi Po Wabo Buku Dabe 105:9

Polobadu agai Abraham dali te po augwali si dąų wai, tama agai te dąų wali po Aisak po wai.

Bomai Po 4:37

Genuai Bidigo duga wąį dabe godolo mu elama, tama agai dage aga we bidi mu bidimainu sa muai dao. Tama tialima, aga dage dali bidiyu, agai genuai bomogo dage Isip bulude oda selama, tama dage e buluba te odasa asali dao.

Tigidali Nai Gagalama Nigali Side 28:4

Tama eno homugo te Godigo nage dali dwagi yai sę eyu, te nago wąį te wai dabe me tiyu, te Abraham dali dwagi yai tau sabo sę yali tiwai gilama yaibao. Tama tiyu, tama nago megi naga te bidibo tǫ sobadi yaibao, magi basowe, Godigo e tǫ te naga wąį Abrahambolo maiabo po wai dao,” wali.

Tigidali Nai Gagalama Nigali Side 13:17

Tialima, nage hogodama, tama biliyu, tama te tǫ tigidali nago susa bilao. Magi baso meni, te tigidali tǫ te eno nagebolo mawaibao,” te po wai.

2 Samuel 23:5

“Tama Godigo te eno hani sibi bomo ilama, bidimainu ilali, magi baso meni, agai te bomai po me deli te ena dali dąų wali, tama agai te dąų wali po te togolama, me ma bologobeo. Menio. Teda te dąų wali po te sesemane sogo elalueibao. Te eno godolo ebo nai tigidali, te Godigo ena mawaibao. Tama agai te ena te sesemane sogo ugwaba ela holomainu ilali.

Bomai Po 32:8

God ogwa dagalu bidi, aga digi te tigidali we bidi hani bidabo pesage dobola menama, tama augwali bidabo digi dąį elama, mawai dao. Tama hasia bolo agai te Israel dabe nedama, augwaligo namba wali pelama, tama augwaligo tǫ dąį elama, tama tebogo gasa hani we bidi bidabo digi nosali dąį ilai dao.

Israel Hanigo Namba 25:13

Tama tialima, aga aga wąį wai dabe augwali pris sę sesemane sogo elalua pidu mu elalua paibao. Magi baso meni. Agai homugo te Israel dabe ena hasegelama, te tibo godiba lotu wabo hagela mu yalio. Tama agai te we bidi dabego sęgę sela sąyabo sę me deli yalio,” te po wai.

Ma Dobola Sali 40:15

Tama augwali te welgo mumuyu, te nago augwa aya sa muani gilama tiao, tama augwa enade te pris sę emainogo yao. Nago augwali te tiwai te welgo sa muao, tama nosali augwa digi, me te augwa hani dali, augwa te pris sę sesemane bidada pabo sogo te sę ela pomainao.” Genuai Bidigo te po wai dao.

Tigidali Nai Gagalama Nigali Side 48:4

tama agai te po wali, ‘Te eno nagebolo wai hauwa mawaibao, tama nago waigo wąį dabe te bidi hani hauwa pedelaibao. Te augwalibolo te e tǫ menama, tama augwaligo tǫ gagalama, sesemane sogo bidaibao.’

Tigidali Nai Gagalama Nigali Side 23:4

“Ena te bulu wau bilibo bidi ede bidibaso, tama eno be tede me elalubeo. Eno te dage tomode te gų page nigabo tǫ pedai me badu mu abelama, tama eno we tede muainogo obao,” wali.

Hibru 9:15

Tama Krais te gesi dąų wali po dąų walobo tomode bidibo bidi pedalai. Magi baso meni. Aga isilama, te we bidi augwali ma abelama, tama augwaligo te hasia sogo dąų wali pode me elaluali te bomo yai po bolali dwai sę tigidali yali te sela sąwai, tama megi augwali olo bugagia bidibao. Tama te Godigo i wabo odama te wali pali we bidi tigidali augwaligo te polobadu Godigo aga wai pulubabolo mawaibao wali te bidibo ula somainogo yaibao. Tama augwali tama eyu sesemane sogo bugagia bidada peyu, bidada pomainogo Krais agai te gesi dąų wali po dodolobo tomode bidibo bidi pedalai dao.

Godigo Nogi Ugwaba Sabo Tęąbi Po Wabo Buku Dabe 103:17

Tialima, Genuai Bidi agai nogi ugwaba sabo we bidi augwali sesemane bidada pabo sogo agai godolo mu ebo dao. Tama aga te dwagi yai aga wąį dabe augwali nosali pedalobo te dwagi yai yaibao.

Pris Sę Ebo Bomai Po 16:34

“Augwaligo te bomai po sesemane sesemane sogo wali pidubadi geao. Hetprisgo te tobage ofa te tigidali kibu bede deli sogo yao, te Israel we bidigo sęgę sela sąyu tiao, te augwali eno gedude wiegi yai pedalumainu ebao,” wali. Genuai Bidigo te po Mosesbolo mobaso, te po tigidali Mosesgo wali pai dao.

Godigo Sęba Tagala Palai Bidigo Po 7:5

Tama te sogode Godigo dwasianu tǫ me deli agabolo mabe, te agai tǫ tiwai elalumainu ebeo, te menio. Tiali goli, Godigo agabolo bodolu mayu, te po wai, ‘Nosali te tǫ eno nagebolo mawaibao, te nago hani wai dabe augwaligo te tǫ aya mu elama, tonaluaibao,’ te po wai. Tiali goli, Godigo te po mu wali sogode, Abrahamgo wai menibadi dao.

Kraisgo Geme Dualali Sę Pedelabo Po Jonbolo Ola Mani 21:7

Tama niwai bidi agai bomogo te dwai sę ebo kolesagago bomo aiyaba elalubo bidi, te bidi agai te tama siyu, tama ena agai God bidiyu, tama aga eno ogwa bideibao.

Tigidali Nai Gagalama Nigali Side 26:24

Te sogo hulide Yawe te agaba pedelama, tama te po wai, “Ena naga aya Abrahamgo God dao. Nage wi me elamuo. Ena nage dali bidibao. Te eno nage tau siyu, nage dali dwagi yai sę elama, tama nago wąįgo wai dabe hauwa pedalumainu yaibao, magi baso meni, eno te ena sę bidi Abraham godolo mu yali dao, tama aga tobade eno tama tiaibao,” wali.

Tigidali Nai Gagalama Nigali Side 36:7

Te Jekop de Iso augwali si bidali tǫ te augwali sigo kibu dabe pągąna selama, tama augwali si talua bidabo te usu me ebeo. Tama tibaso, Isogo Jekop taga peyu,

Tigidali Nai Gagalama Nigali Side 37:1

Jekop te aga aya polobadu biliyu bidali bulu, te Kenan tǫde bididuai. Te Jekop aga ogomani dali augwali bidibadi, tama e tobage kolesaga augwalide pedelali. Odao.

Ma Dobola Sali 13:11

Te Mosesgo po ma weyu, te po wai, “Genuai Bidigo dage te Kenan dabego tǫba odasa paibao. Tama agai dagebolo me, te dagego waigo wai dabe, te dagego wąį dabe, augwalibolo me te tǫ maiabo po polobadu digi dąų wai dao.

Ma Dobola Sali 29:45

Tama ena dage Israel dabe tomode bidiyu, tama ena dagego God bidaibao.

Ma Dobola Sali 32:13

“Nago naga sę bidi Abraham, me Aisak, me Jekop, te homugo koneao. Tama nago te bomo yai po augwali dali dąų wali po, te homude koneao. Nago bomo yai po dąų mu weyu, e tiwai po wai, ‘Eno mu po obao, eno te dagego wąį nǫų dabe te dagebolo hauwa mu, te hǫ tiwai dageba mawaibao. Tama eno po dąų weyu, te eno dagebolo mawaiba wali te tǫ, teda te tǫ te eno duga wąį nǫų dabe augwaliba mawaibao. Tama augwali sesemane sogo mu te tǫde bidada paibao,’ nago te po wai.”

Bomai Po 9:5

Dagego homugo tilamuo, dago wiegi yai doloba pai kolesaga ebo dao homu elamuo, tama te tama tibo pagede Genuai Bidigo dago te tǫ somainogo sula tagalali dao homu elamo dao. Menio. Agai augwali sela sąwaibao, magi baso meni, augwali te dwai bidi dabe dao. Me ma, agai te wąį dabe dali dąų wali po usu nainogo te ebao, te dago wąį Abraham, me Aisak, me Jekop dali.

Jeremaia 25:5

Te profet dabego te tiwai po wali, ‘Dage deli deligo homu begelama, te dagego dwai sunumi wali pabo tagalama, te dagego dwai kolesaga ebo me tagalao. Dagego te kolesaga tagalobaso da, teda Genuai Bidigo duga wąį nǫų dabeba te polobadu mu mani tǫde bugagia bidimainogo ilaibao, te tǫ te dage Israelgo tǫ sesemane sogo elaludaibao, te po wai dao.

Jeremaia 31:1

Genuai Bidigo te tama po wai, “Te eno bodolu muani sogo yagasobode, teda ena te Israel hani tigidali augwa God bidaibao, te augwali eno we bidi hani mu pedelaibao.

Tigidali Nai Gagalama Nigali Side 35:27

Jekop te aga aya Aisak bidibo digi, te moni ni sili nogi Mamre, teba sabolali. Te bidi mebago te bulu nogi te Kiriat Arba nogiyu, tama nosali te gasa nogi me elaluali, te Hebron nogi yali. Te bulu te Abraham me Aisak te polobadu bidai bulu dao.

Ma Dobola Sali 6:4

Tama eno bomo yai po augwali dali dąų weyu, te tǫ Kenan augwali mawaibao, te po wai. Augwali te bulude te tǫ page bidi hani bidisiąwai goli, eno te tǫ augwalibolo mabo homu yai.

Pris Sę Ebo Bomai Po 14:34

“Nosali dage te tǫ kantri Kenanba bidigi paibao, te eno dageba mawainogo homu ebo bulu, te dagego tǫ mu sesemane elalueibao. Tama dage te Kenan tǫba sabolama bidibo sogo, te eno nai me deli te oiyabe pedalubo tiwai elama, te dagego masigigo nigai be mebade pedelama, te be dolobo sę ilaibao.

Israel Hanigo Namba 10:29

Augwali painogo Mosesgo aga base Hobap, Jetrogo ogwa, Midian bulu bidibolo e tiwai po wali, “Megi da, da te Genuai Bidigo dabolo mawaibao wali te buluba hogodama paibao. Agai dabolo polo wai dao, da te bulude bugagia mu bidaibao po wai dao. Tama tibaso, eno homugo nage da dali aselama, tama dago wiegi yai nai hauwa nage dali dobolama saibao,” wali.

Israel Hanigo Namba 27:12

Genuai Bidigo Mosesbolo te po wali, “Nage te bulu du Abarimba pelama, tama nago eno te Israel dabebolo mawainogo ebo te tǫba nago tonao.

Bomai Po 32:49

“Nage te Moap dabego bulu du te Abarim bulu duba dabe pao. Te bulu du dabe te Jordan wę pąde elalubao, tama Jeriko hanu te ąį u badu dolo si elalubao. Nage te bulu du Neboba holama, tama eno dage Israel dabebolo mawainogo ebo te buluba tonao.

Bomai Po 34:4

Te tama tialima, Genuai Bidigo Mosesbolo te po walali, “Eno te tǫ te Abraham, me Aisak, me Jekop, augwalibolo te tǫ te augwa wąį dabebolo mawaiba po eno augwali dali dąų walai dao, polobadu mu. Megi eno nago sumainu sula tagalali dao. Tiali goli, eno nage te tǫ tomoba pomainogo sula tagalogobeo,” wali.

Josua 1:2

“Eno sę bidi Moses isalio. Tialima, nage megi da, sisi yao. Nage dali te Israel we bidi tigidali dage e Jordan wę nogelama, tama eno dage mawainogo ebo te tǫba sabolao.

Tuni Bidi Dabego Po Elalubo Buku Deli 16:18

Genuai Bidigo te tama po wali, ‘Eno te Kenan tǫ nageba mawaibao, tama te tǫ te nago wąį nǫų dabe augwali hani wai dabego tǫ elalueibao,’ wali.

Esekiel 11:20

Tialima, dagego te eno bomai po, me eno po dali te dagego bugagia wali paibao. Tama dage eno we bidi hani dabe dolo mu pedelebaso da, teda ena dagego God bidaibao.

Esekiel 33:24

“Tǫde bidio, Israel dabego taun polo dolalio. Tiali goli, te we bidi te taunde me bidibao. Augwaligo e tama po wabo dao, ‘Abraham aga te bidi deli goli dao, tama Godigo te tǫ tigidali tama agabolo mawai dao. Tiali goli, megi da, dago we bidi hauwa te elalubao. Tama tilama, Godigo te tǫ mu tama dabolo mawai yali bogo.’ Augwaligo te po wabo dao.