Tigidali Nai Gagalama Nigali Side 17:7 - Godigo dwagi yai po buku

⁷ Te eno nage dali me, te augwali nosali pedalubo hani dabe dali me, te eno dwagi yai tau sabo bomai po dąų walobao. Ena da, nago God me, te ena nago nosali pedelabo hani wai dabe augwaligo God me dao. Te dąų wali bomai po da, te sesemane bidada pabo sogo elalua piduaibao.

Tigidali Nai Gagalama Nigali Side 17:7 Referans Kwoze

Tigidali Nai Gagalama Nigali Side 26:24

Te sogo hulide Yawe te agaba pedelama, tama te po wai, “Ena naga aya Abrahamgo God dao. Nage wi me elamuo. Ena nage dali bidibao. Te eno nage tau siyu, nage dali dwagi yai sę elama, tama nago wąįgo wai dabe hauwa pedalumainu yaibao, magi baso meni, eno te ena sę bidi Abraham godolo mu yali dao, tama aga tobade eno tama tiaibao,” wali.

Godigo Sęba Tagala Palai Bidigo Po 2:39

Tama Godigo polobadu mawaibao olama polo dąų walai po dagebolo me, te duga ogomani dabe nosali ame nabo tebolo me, tama te digibulu bidibo we bidibolo me, te dago Genuai Bidi God aga pąba i wabo we bidi tigidalibolo me, agai te tigidali we bidibolo aga Dwagi Yai Mobo mawaibao,” Pitago te po wali.

Tigidali Nai Gagalama Nigali Side 15:18

Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.

Hibru 8:10

Tama Genuai Bidigo po ma wai, “Te tama tiali sogo te hasia silali. Tama nosali eno gasa augwali tau somainogo dąų wabo po augwalibolo mawaibao. E tiwai yaibao. Te eno bomo yai po dabe tigidali te eno augwaligo homu tomoba munama, tama eno augwaligo homu kolesaga tomode te po asęaibao. Tama ena augwaligo God bidiyu, tama augwali te eno we bidi bidiyu yaibao.

Hibru 11:16

Tiali goli augwaligo te tiwai me ebeo. Menio. Augwaligo homu gasa tǫba paiba homu elaluali, tego te augwaligo taga soali bulu aiyaba elaluama tama wiegi yai mu yalio. Te dagalude elalubo dao. Tama te po wabo bidi dabe dali te Godigo hale homu me egobeo, “Nage dago God dao,” te po wabo. Menio. Agai te agade konealubo po dąų wali bidi dabe dali hale homu me isąbaso, agai te augwali bidabo hanu me deli sisi elama elaluai dao.

Pris Sę Ebo Bomai Po 26:12

Te ena dage tomode biliyu, te ena dagego God bidaibao. Te dage eno we bidi dabe bidaibao,” te po wai dao.

Tigidali Nai Gagalama Nigali Side 28:13

Tama Jekopgo suali, te Yawe aga pąde dolalu tama po wai, “Ena Yawe, te nago wąį Abrahamgo God, me Aisakgo God dali dao. Te megi nage e pilamubo tǫ te eno nagebolo mayu, te nago ame nabo waigo wai dabebolo me mawaibao.

Polgo Po Pas Rom Dabeba Asęani 9:4

Augwali da, te Abraham aga ogwago ogwa Jekop aga hani dao, tama Godigo augwali aga wai dabe nogi poali. Tama tiyu aga agai ula yai bomo augwali dali bidagasidu geai dao, te bidi meni yai kemi tǫ bulude. Aga digi agai dąų wali po augwalibolo madu geai. Godigo agai bomai po me augwalibolo mani. Tama agai te augwaligo agabolo lotu po wabo kolesaga te agai ola mani. Tama agai aga sa muani bidi Krais nosali augwaligo hanidu pedalaibao po augwali dali dąų walali.

Dwagi Yai Gesi Po Makgo Asęani 10:14

Jisasgo te tebo sulama, tama agai homu dwai yai. Agai augwalibolo te po wai, “Dagego te dwasianu wai puluba augwali enaba asomainu emainao. Dagego augwali panigimio. Te Godigo bomo dologoba peyu tede bidabo we bidi, augwaligo homu kolesaga te e wai pulubago homu kolesaga tiwai si dao.

Matyu 22:32

‘Ena da, te Abrahamgo God me, ena te Aisakgo God me, ena te Jekopgo God me bidalubo dao,’ Godigo te po wai. Tama te po page e dao, God aga te isila silali bidi dabego God menio. Aga te ula dali megi bidibo bidi dabego God dao,” Jisasgo te po wai.

Maika 7:20

Te nago naga po tigidali wali pelama, te nago da Israel dabeba te olo mu tau sabo wiegi yai kolesaga yaibao, te Abrahamgo wąį nǫų hani, te nago we bidi dabe dao. Te nago polobadu dago wąį nǫų dabebolo te dąų walali po tigidali te mu usu nubo dao.

Esekiel 28:26

Tama augwali bugagia bidiyu, augwa be dabe sę eyu, augwa wain gi buluyu yaibao. Tama eno gasa hani bidi dabebolo eno dene mawaibao, te augwaligo te Israel dabe dali dwai sę yali bage. Tama te sogo te Israel dabe augwali bugagia bidiyu, tama augwaligo e tama koneaibao, ena deli naga God augwaligo Genuai Bidi dao homu yaibao,” te po wai.

Ma Dobola Sali 6:4

Tama eno bomo yai po augwali dali dąų weyu, te tǫ Kenan augwali mawaibao, te po wai. Augwali te bulude te tǫ page bidi hani bidisiąwai goli, eno te tǫ augwalibolo mabo homu yai.

Ma Dobola Sali 3:15

Nago tama po te Israel we bidi dali weyu, te Yawe Genuai Bidi, aga te dagego wąį dabe augwaligo God, te Abraham, me Aisak, me Jekop, te agai nage tagala palama, tama nage augwali bidibo digi asai dao po wao.” Tama Godigo po Moses dali ma wali, “Eno nogi Genuai Bidi, te eno nogi sesemane bidada pabo sogo, tama nosali pedalobo wąį dabe augwaligo ena nogi tama nogi yaibao.”

Ma Dobola Sali 3:6

Tama ena te nago wąį dabego God dao. Ena te Abraham, me Aisak, me Jekop, te bagego God dao.” Mosesgo te po odolama, aga gesabi halua sali, magi basowe, agai te God subo wi ebaso, tiwai dao.

Efesus 2:2

Tama te sogo dage e tǫde bidibo we bidigo ebo dwai kolesaga wali bilaluai dao. Tama tiyu, dagego te dwai haubo noma tobolu bidigo kolesaga wali pai dao. Agai te dagalude bidibo dwai haubo noma bage tonalubo dao, tama megi me agai te Godigo po sela sąbo we bidigo homu kolesaga tonalubo dao.

Godigo Nogi Ugwaba Sabo Tęąbi Po Wabo Buku Dabe 81:10

Ena naga ena Genuai Bidi da, ena dagego God dao. Ena digi dage selama, te Isip taga soyu asai. Dagego pedauwali a olalubadi, tama eno te dage pedauwaliba nai muaibao,” walio.

Tigidali Nai Gagalama Nigali Side 6:18

Tiali goli, eno nage dali da, te eno bomai po dąų walaibao. Nage da, naga we dali badi, te naga ogwa dabego augwa we dabe dali, dage da te moni geba sip tomoba bula sao.

Tigidali Nai Gagalama Nigali Side 17:19

Tiali goli, Godigo te po wai, “Awe. Tiali goli, nago we Sarago te wai ogwa me deli ame naibao, tama nago aga nogi Aisak poao. Te eno aga dali, me te aga hani wai dabe dali, te dwagi yai tau sabo bomai po dąų waibao. Te dąų wabo bomai po te sesemane sogo bomo elaluaibao.

Ma Dobola Sali 6:7

Te dage selama, tama dage ena we bidi mu pedelama, tama ena te dagego God bidaibao. Nosali dage te Isip bagego kalabus sęde bidali tagalama, tama dage olo mu bidaibao. Tama te sogo dagego mu koneyu, ena te Genuai Bidi da weyu, tama ena dagego God da, te homu yaibao.

Pris Sę Ebo Bomai Po 11:45

Ena Genuai Bidigo, eno dage te Isipde selama, odasa asali, te ena dagego God bidainogo yali. Tialima, dage te tedali gasagi yai mu bidu, te wiegi yai doloba pai kolesaga naga wali piyąo, magi baso meni, ena digi ena te tedali gasagi yai mu bidiyu, te eno kolesaga wiegi yai doloba pai mu elalubo dao,” wali.

Pris Sę Ebo Bomai Po 25:38

Ena God, duga Genuai Bidi, eno po dagebolo walio. Ena dagego God bidibao homu yai, tibaso eno dage te tǫ kantri Isipde selama, odasa asali, dagebolo te tǫ kantri Kenan mawai hagede yai dao,” wali.

Pris Sę Ebo Bomai Po 26:9

“Te eno dage wiegi yai iliyu, dagebolo eno te wai hauwa menama, te dage genuai hani pedalumainogo ilaibao. Te eno polobadu dage dali te dąų wali bomai po kontrak usu naibao.

Pris Sę Ebo Bomai Po 26:45

Eno dageba homu koneama, eno te dagego wąį nǫų dabe dali dąų wali bomai po kontrak ma homu kone palaibao. Te bidi dabe eno polobadu te tǫ kantri Isipde selama odasa asali, te gasa tǫ kantri we bidi tigidaligo te eno genuai bomo suali. Eno dage sela asali, te Genuai Bidi ena hani bage pedalumainu yali, ena dage Israelgo God bidainogo yai dao,” te po wai dao.

Bomai Po 29:13

Tama tiyu da, Genuai Bidigo dage aga we bidi pedalomainu elama, tama aga dagego God bidaibao. Te agai dagebolo dąų waliyu, me duga wąį dabebolo dąų waliyu yali gilama, te Abraham, me Aisak, me Jekopbolo wali gilama.

Te Israel Tobolu Bidi Dabe 2:1

Te Genuai Bidigo Mobo Bidi Ensel te Gilgal bulu tagalama, te Bokim buluba pali. Tama agai te Israel dabebolo te po wali, “Eno dage te Isip tǫde odasa, te eno duga wąį dabebolo mawaibao wali bulu tagaligi soali. Tama eno te po wali, ‘Te eno dage dali dau wali po te eno togogobeo.

Aisaia 61:8

Magi baso meni. Genuai Bidigo te po wai, “Eno te doloba pai kolesaga naga godolo ebao. Eno te bidi elama nai wi sabo kolesaga, me te gasa bageba dwai sę ebo kolesaga, te hagela mu ebao. Te eno we bidi dabe te gasa bidi dabego augwaliba mani dwai sę ebo sęgę hauwa tolali, te mu tama te megi eno augwaliba wiegi yai nai mu mawaibao. Te eno bomo yai po me deli augwali dali dąų walaibao, tama te dąų walali bomo yai po sesemane elalua paibao.

Jeremaia 31:1

Genuai Bidigo te tama po wai, “Te eno bodolu muani sogo yagasobode, teda ena te Israel hani tigidali augwa God bidaibao, te augwali eno we bidi hani mu pedelaibao.

Tigidali Nai Gagalama Nigali Side 9:16

Te eno te unigi bidi te dagalude pedalubo subo sogo da, teda eno te elalua pabo gamonabo dąų wali po sesemane sogo kone palu, te megi eno te tigidali tǫde bidibo ula elalubo nai dabe dali me tiaibao.”

Pris Sę Ebo Bomai Po 26:44

Tiali goli, dage te boi bidi dabego tǫ kantride bidibo sogo, te dage mu tagalisąma, te eno dage tigidali mu me dologobeo. Mu menio. Eno te tiwai egi sogo da, teda eno dage dali te dąų wali bomai po kontrak dąų wali, te siligi da. Tiali goli, ena God, duga Genuai Bidi, eno te tama tiwai kolesaga me egobeo.

2 Samuel 7:24

Genuai Bidi, nago da Israel hani we bidi dabe te naga hani we bidi mu pedelama, tama da te tiwai sesemane sogo bidaibao. Tama Genuai Bidi naga digi nage te dago God pedelai dao.”

Tuni Bidi Dabego Po Elalubo Buku Deli 16:14

Genuai Bidi aga dago God tama da. Agai e tǫde we bidi tigidali tonalubao.