Tigidali Nai Gagalama Nigali Side 17:21 - Godigo dwagi yai po buku

²¹ Tiali goli, e tobage sogo te nosali kibu bede te Sarago nago wai ogwa te Aisak ame naibao, tama eno aga dali naga te dwagi yai tau sabo bomai po dąų walaibao.” Te po wai.

Tigidali Nai Gagalama Nigali Side 17:21 Referans Kwoze

Galesia 3:29

Tama tiyu, dage Krais aga dali wadolama, tama dage agai hani we bidi bidibaso, te dage Abrahamgo wai me bidibao. Tama tibaso, te polobadu Godigo Abrahambolo sa muyu sagameo wali te hagea sali nai, te nai dagego sabo bidi dabe dao. Godigo dage ma dobola sai dao.

Tigidali Nai Gagalama Nigali Side 18:10

Tialima, augwali me deligo te po wali, “Nosali te kibu be me deli silama, tama naga we Sarago wai ogwa me deli ame naibao, tama mu tama ena ma asaibao,” wali. Sara te bidi tudibadu te ugwa be sunumi pąde bidai, tama agai te po wabo odali.

Hibru 11:9

Tama aga Godide tią peyu, tama Godigo agabolo polobadu te mawaibao po wali te tǫde bidaluali. Tama aga te tǫde bidali te gasa bidi hanigo tǫde bidibo tiwai yai. Aga te ogwa Aisak de Jekop si dali te osogo bidabo ugwa bede bidaluali. Te agabolo te tǫ saibao wali po, te Godigo te tiwai po polobadu wai dao, tama Godigo te po te bidi sibolo me nosali ma dąų walali.

Polgo Po Pas Rom Dabeba Asęani 9:9

Tama te kolesagade homu paliyu, Godigo te dąų wali po e tiwai hasia polobadu te Abrahambolo wai, “Te eno te bodolu mani sogo ena ma asaibao, tama nago we Sarago te wai ogwa ame naibao,” te po wai.

Godigo Sęba Tagala Palai Bidigo Po 1:7

Tama Jisasgo augwalibolo te po wei ponai, “Menio. Te eno Aya deli naga konealubo, te sę ebo sogo me, te agai bodolu mabo. Agai homugo. Dagego nai menio, tama tibaso dagego Ayago bodolu mani sogo si dabe konegobeo.

Dwagi Yai Gesi Po Lukgo Asęani 1:72

Agai dago wąį dabe moni hobede eyu, tau saibao wali bidi te asalio. Tama agai polobadu bodolu mani aga me konealubao.

Dwagi Yai Gesi Po Lukgo Asęani 1:55

God agai dago nǫų dabebolo te po wali, ‘Te eno Abraham hobede eyu, te aga hani me, ibaba ame nabo ogwa me, tama naga tede paibao.’ Tama te wali po agai kegeda pabeo,” Mariago te po wali.

Jopgo Po Asęani Elalubo Buku 14:13

“Eno homugo nago ena te isila pali bidi dabego buluba geme dualigi sogo dao, te usigi da, ena tede bidiyu, te nago sębę homu kilabo sogoba usu nigi pigi dao. Tama eno homugo nago te enade homu ma kone palabo sogo bodolu muao. Ma, bidi me deli isibaso da, aga ma bidigowe? Mu meni. Tiali goli ena tonalu da goli, te nago ena ma bidimainu bodolu muani usu nagasabo si.

Ma Dobola Sali 3:6

Tama ena te nago wąį dabego God dao. Ena te Abraham, me Aisak, me Jekop, te bagego God dao.” Mosesgo te po odolama, aga gesabi halua sali, magi basowe, agai te God subo wi ebaso, tiwai dao.

Ma Dobola Sali 2:24

Tama Godigo augwaligo te gela wabo odoyu, tama Godigo te bomo yai po Abraham, me Aisak, me Jekop, augwali dali dąų wali, te agai koneai, tama agai te augwaligo wąįgo wai dabe augwali tau saibao te po wai, polobadu.

Tigidali Nai Gagalama Nigali Side 46:1

Te Jekopgo aga doado bage tigidali sisinama, tama aga te Berseba teba pelama, tama agai te aga aya Aisakgo Godiba ofa igi pali.

Tigidali Nai Gagalama Nigali Side 48:15

Tialima, agai augwali si mobo te tiwai mani, “Te eno wąį Abraham, me te eno aya Aisak, augwali si te God gedude bugagia bilali. Eno homugo te Godigo te e wai si dali dwagi yai sę emainao. Te Godigo ena bugagia tonaluyu, ena odasa asali, te megi ede ena bidibao, agai te augwali mobo momainao.

Tigidali Nai Gagalama Nigali Side 17:19

Tiali goli, Godigo te po wai, “Awe. Tiali goli, nago we Sarago te wai ogwa me deli ame naibao, tama nago aga nogi Aisak poao. Te eno aga dali, me te aga hani wai dabe dali, te dwagi yai tau sabo bomai po dąų waibao. Te dąų wabo bomai po te sesemane sogo bomo elaluaibao.

Tigidali Nai Gagalama Nigali Side 18:14

Te eno magi sę me ebo usugobewe? Nosali kibu bede, te mani bodolude, te sogo asama, te Sarago wai ogwa ame nai madi, tama ena ma asaibao,” wali.

Tigidali Nai Gagalama Nigali Side 21:1

Te Yawego agai polobadu dąų walali po wali peyu, tama agai wiegi yai olo tau sabo kolesagago te Sara dali dwagi yai sę yali.