Tigidali Nai Gagalama Nigali Side 17:14 - Godigo dwagi yai po buku

¹⁴ Te bidi me deligo hagela homu eyu, tama augwaligo aga tigiwali togosiąbaso da, te agai eno bomai dąų wali po sela sąbao. Tama tibaso, te bidi aga te aga hani dali hodobo me bidilamuo,” wali.

Tigidali Nai Gagalama Nigali Side 17:14 Referans Kwoze

Ma Dobola Sali 12:19

Tama te 7 sogo elalubadi, te yis dagego bede me munaluamo dao. Tama dage hani bidi me deli, ma te gasa bulu bidi dage dali bidibo bidi, te niwai bidigo te yis elalubo bret te sogo tubaso da, teda te bidi aga te dage Israel hanide sela sąyao.

1 Korin 11:29

Magi baso meni, bidigo te dago Genuai Bidigo tigide homu kone bugagia palisiąma, tama agai te bret me te wę me olo subigila tuyu da, teda agai bret me wę me tuali tede Godigo agabolo te sęgę menama tama dwai sę agaba pedalaibao.

1 Korin 11:27

Tama tibaso, bidi me deligo hasia bugagia homu kone palisiąma tama Genuai Bidigo te bret dali te kapde ąį dali olo subigila tuali da, tebogo agai te Genuai Bidigo tigi me kaneme te dolobo tiwai ilali, tama aga tede sęgę elalubao.

Jeremaia 31:32

Te dąų wabo bomo yai po te polobadu eno duga wąį nǫų dabe dali yali tobage tiwai meni, te eno augwali te Isipde selama, te augwali nogo tolasa odasa asai. Augwali te eno we tiwai bidibaso, te ena, Genuai Bidi, ena te augwa bidi tiwai bidali. Tiali goli, augwaligo te polasa dąų wai elaluali bomo ya i po te bolai dao.

Jeremaia 11:10

Augwaligo ena tagalama, te augwa wąį nǫų dabego dwai kolesaga wali ma pobao. Te augwaligo eno po sela sąyu, te augwa wąį nǫų dabego yali tiwai ebao. Te Israel hani me, Juda hanigo me, te tibo godiba lotu weyu, tama eno augwa wąį nǫų dabe dali dąų wali bomo yai po te bolobo dao.

Aisaia 33:8

Te genuai sunumi dabe olo elalubao, te we bidi te sunumidu ugwa eda me bilibo menio. Te boi bidi dabego augwa dąų walali po bogi pelama, tama augwaligo gasa hani bidi dabego hanu dabe dolali. Augwaligo gasa bidi dabe tonobo da, te olo nai dabe tonobo tiwai ebao.

Aisaia 24:5

Te tǫ te we bidigo dwai meda yai kolesagago meda ilalio. Augwaligo te Godigo bomai habu selali poba tudi ola menama, tama agai po sela sąnama, tama augwaligo God aga dali dąų walali po toga sąyu yai dao. Teda te aga dali tigidali sogo bidiabo dąų wali po augwaligo sela sąwai dao.

Godigo Nogi Ugwaba Sabo Tęąbi Po Wabo Buku Dabe 55:20

Eno te abagigo agai te aga abagi dabe dali digi hwįani. Tama agai te augwali dali polobadu te dąų walali bomai po bolalio.

Pris Sę Ebo Bomai Po 19:8

“Mena bidigo te sela wali sogoba usu nani munaluali kibu mi tuali bidi da, te ena mani nai digi agai dwai ilibao, te aga yali sę dagede sęgę elalubao. Tama tialima, eno we bidi hanide aga sela sąwaibao,” wali.

Pris Sę Ebo Bomai Po 18:29

Te dage Israel mena bidi ma wego te tobage dwai sę ebaso da, teda eno aga te eno hani we bidi tomode bidali sela sąwaibao,” te po wali.

Pris Sę Ebo Bomai Po 7:27

Bidigo ma wego te dąų wali bomai po bolobaso da, teda aga te Genuai Bidigo hani tomode munu me bidigobeo,” wali.

Pris Sę Ebo Bomai Po 7:25

Te augwaligo Genuai Bidiba ofa ebo kau kibu ili te bidi me deligo tubaso da, teda aga te Genuai Bidigo we bidi hani tomode me bidigobe dao,” wali.

Ma Dobola Sali 30:38

Ma, bidi me deli aga homugo naga agai te denami ebo nai sanda tiwai me deli odainogo nigali da, teda te bidi aga te eno we bidi hani tomode me bidigobeo,” wali.

Ma Dobola Sali 30:33

Ma, te bidi me deligo te deli tigi poai wel nigilama, te pris meni yai olo bidi mebabolo te wel gelibaso da, teda te bidi aga te Godigo we bidi hani bidibo tomode me bidigobeo,’ te po pusao,” wali.

Ma Dobola Sali 12:15

Genuai Bidigo po ma weyu, te po wai, “Te nosali bidada peyu, tama dagego te Pasova bret tubosi da, teda dagego te a naga olama, me badu nogo si, te tama side te bo disiąwai nai bret tuao. Te hasia mu dagego bede munalubo te bret bo dabo nai yis tigidali selama, tagalao. Magi baso meni, niwai bidi me deli agai hasia sogo te bo dabo nai yis tudu pelama, te a naga olama, me nogo si usu nigi pobaso da, teda aga dagego te Israel hanide sela sąyao.

Tigidali Nai Gagalama Nigali Side 17:15

Tama Godigo Abrahambolo te po wai, “Nago naga we nogi Sarai nosali me nogigio. Megi agai nogi Sara dao.

Tigidali Nai Gagalama Nigali Side 34:14

Augwaligo te po wali, “Dago abe te aga tigiwali togosiąwai bidi dali pomainogo me egobeo. Te dago tama tiyu da, teda da hale dwai mu yaibao.

Pris Sę Ebo Bomai Po 23:29

Bidi me deligo te side nai tuali da, te aga eno we bidi hanide sela sąwaibao.

Israel Hanigo Namba 9:13

Tialima, bidi me deli aga eno gedude wiegi yai elama, me ma augwali digibulu pisąma yai me augwaligo te namba wan poluade te nai ulisąma yali da, teda dagego augwali eno we bidi hanide sela sąyao. Magi baso meni, augwaligo enaba ofa nai mabo sogo masiąma ebaso. Tama tibaso, augwali sęgęgo sęgę augwa ma tolomainao.

Esekiel 44:7

dagego te gasa meba kantri bidi hani dabe eno be tomoba asomainu sula tagalai dao. Te dagego te kibu ili me kaneme ofa eyu, te eno nai mu dao olama, ulubo sogo tama tiai dao. Te Israel hani isąwai bulu badu bage, augwaligo augwa tigi hale ebo nai togisąwai bidi dabe dao. Tama augwaligo ena homugo me konebo menio. Augwali eno be tomoba aselama, tama augwaligo eno gedude te be meda ilai dao. Dagego te dwai damua pai kolesaga tama yaligo dao, teda dagego eno dąų walali po hųgia sąwai dao.