Tigidali Nai Gagalama Nigali Side 17:1 - Godigo dwagi yai po buku

¹ Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Tigidali Nai Gagalama Nigali Side 17:1 Referans Kwoze

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Efesus 3:20

Te dago Godigo nogi ugwaba mu sinao. Tama agai te wiegi yai kolesaga ebo bomogo da we bidi tomode genuai sę ebo dao. Te sę ebo bomogo te da Godibolo hanaluyu gedu haluasa po wabo me, te dago homude ebo kolesaga te tigidali agai aiyaba elaluyu, tama agai wiegi yai kolesagade sę ebo te genuai mu ebo dao.

Tigidali Nai Gagalama Nigali Side 6:9

Te Noade po da te tiwai dao. Agai ogwa sela elaluali, Siem, Ham, me Jafet. Noa da dwagi yai bidi, te sogo bidali we bidi tomode te Noa deli digi aga bilibo kolesaga te Godigo gedude dolo mu yali. Aga te God dali deli homu naga eyu, tama Godigo abagi mu dao.

Dwagi Yai Gesi Po Lukgo Asęani 1:6

Te bidi Sekaraia dali aga we dali si te God gedude dolasa bidiyu, te God tonaludubadi, te augwali sigo dwai sę me ebeo. Augwa si Godigo bomo yai po tigidali wali pidu digi, te Genuai Bidigo po dabe me tigidali wali palio, tama augwali sigo dwai sę me ebeo.

Godigo Nogi Ugwaba Sabo Tęąbi Po Wabo Buku Dabe 116:9

Tama ena te Genuai Bidi dali te tigidali sogo ena te tǫde bidibo bilaibao.

Matyu 5:48

Tiali goli dage, te dage wiegi yai kolesaga dali bugagia doloba pai mu bidiąo, te duga dagalude bidibo Aya aga bugagia doloba pai mu bidibo tiwai gilama yao,” Jisasgo te po wai.

Aisaia 38:3

“Genuai Bidi, ena nage wali mu aselama, te nago sę yalio. Sesemane sogo eno te nago homu wali pai. Tama tialima, nago eno te yali sę dabe homu kone palama, tama nago ena isimainu me elamuo.” Aga te gedu haluasa po ola silama da, te aga gela umabo mu walio.

Jopgo Po Asęani Elalubo Buku 1:1

Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Tigidali Nai Gagalama Nigali Side 18:14

Te eno magi sę me ebo usugobewe? Nosali kibu bede, te mani bodolude, te sogo asama, te Sarago wai ogwa ame nai madi, tama ena ma asaibao,” wali.

Bomai Po 18:13

Te tigidali kolesaga ebode dagego Genuai Bidi wali naga piąo,” wali.

Matyu 19:26

Tama Jisasgo augwali dolo mu ponama tonalu, tama te po augwalibolo wali, “Te e tǫde bidi dabe augwaligo te sę ebo te usu me egobeo. Tiali goli God da, te tigidali sę ebo usu yaibao,” wali.

Jeremaia 32:17

“O God, Genuai Bidi, te nago genuai bomogo nago te dagalu me tǫ nigai dao. Te nago isą yabo sę deli me elalube dao.

Tigidali Nai Gagalama Nigali Side 28:3

Te eno homugo te Tigidali Bomo Mu Elalubo Godigo nage dali wiegi yai sę elama, tama nago wai hauwa ame naibao. Tama tibaso, te nage bidi hani hauwago aya monu pedelaibao.

Te Israel me Juda Hani Sigo Tuni Bidigo Po Elalubo Buku Si 20:3

“Genuai Bidi, ena nage wali mu peyu, tama eno nago sę mu yai dao. Tigidali sogo eno nago homu godolo ebo kolesagadu naga wali pai dao,” wali. “Tama teyu, nago te eno te sę yaliba kone palama, tama nago ena isimainogo sula tagaligio.” Tama agai tama gedu haluasa po olama, tama aga gela genuai mu wali.

Te Israel me Juda Hani Sigo Tuni Bidigo Po Elalubo Buku Deli 3:6

Solomongo po wei ponoyu, te tama po wai, “Eno aya Devitgo te nage wali mu peyu, tama te wiegi yai doloba pai kolesaga yali, tama tiyu, sesemane sogo nago aga godolo mu elama, tama agaba wiegi yai sę bugagia mu yai. Tama megi me, nago te tiwai sę me idu, tama nago ena, te aga ogwago, te aga hasegelama, tama te king bidimainu ilama bidibo dao.

Maika 6:8

Genuai Bidigo dabolo te wiegi yai kolesaga yabo po walio. Tama agai homugo dago te tiwai kolesaga naga emainu yai. Dago te doloba pai kolesaga wali pao, te gasa bidi dabe homu dene eyu, tau sao, te dena homu kolesaga digi tegaluama, te dena God dali deli haliga elama bidiyu, tama aga wali pabo usu dao.

Tigidali Nai Gagalama Nigali Side 35:11

Tama Godigo agabolo te po wali, “Ena da, te Tigidali Bomo Mu Elalubo God dao. Nago te wai hauwa pedalumainu yao. Te nage hauwa we bidigo wąį hani pedelama, tama te bidi dabe meba augwali te gavman tuni bidi pedelaibao.

Hibru 7:25

Tama tibaso, agai nogide te God pąba asobo we bidi augwali te agai ma siyu, tama dwagi yai madiba mubo sę bugagia ebode aga usu mu dao, tede sǫą pabo meni. Magi baso meni, te agai bidibo ula sesemane sogo elalubo, tama agai gedu haluasa po te Godigo da tau somainogo wabo dao.

Hibru 12:28

Te dago sali te bidibo digi te magi naigo munu me dologobeo, usu egobeo. Tama te tebode dago Godibolo usu da olama gedu haluasa po wao. Tama dago agaba lotu po weyu, tama agai godolo ebo kolesagade sę tulama yao. Tama tiyu dago aga nogi ugwaba siyu, tama agade wi yao.

Godigo Sęba Tagala Palai Bidigo Po 24:16

Tama tigidali sogo eno tigidali we bidibolo dwai kolesaga ebo ena mu hagelabo. Eno Godigo gedude me, we bidi tigidaligo gedude me dwagi yai kolesaga naga yai hagede, eno te sę bomo ebo da,” Pol agai te po wai.

Tigidali Nai Gagalama Nigali Side 48:15

Tialima, agai augwali si mobo te tiwai mani, “Te eno wąį Abraham, me te eno aya Aisak, augwali si te God gedude bugagia bilali. Eno homugo te Godigo te e wai si dali dwagi yai sę emainao. Te Godigo ena bugagia tonaluyu, ena odasa asali, te megi ede ena bidibao, agai te augwali mobo momainao.

Tigidali Nai Gagalama Nigali Side 12:1

Te Yawego Abrambolo te tiwai po wai, “Nago te nago tǫ badi, te naga ayago hani me, te naga ayago bulu me, taga pao. Tama nage eno ola mabo digi gasa pedai badu me bidigi pagameo.

Tigidali Nai Gagalama Nigali Side 5:24

Aga te God dali sesemane sogo deli homu eyu bidali, tama Godigo aga selama, tama bidi dabego aga ma subeo.

Godigo Sęba Tagala Palai Bidigo Po 23:1

Tama te moni po mibode Pol dolalu, te kaunsil tobolu bidi dabe bomonama gedugo tonalu, tama agai te po wali, “Dage eno deli hani dao. Eno te tiwai kolesaga Godigo susa aselama, megi eba usu naga sobao. Eno God dali dwai kolesaga me ebeo. Te tibo kolesaga yalide ena ma po tų ela mabeo,” wali.

Godigo Nogi Ugwaba Sabo Tęąbi Po Wabo Buku Dabe 115:3

Dago God te dagalude bidibao. Te agai magi sę me deli yabo homu ebaso da, teda agai te sę eyu naga ebo dao.

Jopgo Po Asęani Elalubo Buku 11:7

“Nago homugo nago tigidali dwagi yai kolesaga dabe nago saiba weyu obawe? Tama te Godigo homu kolesaga dali, te bomo dali si nago usu nugi pelama, tama nago agai bomo dali usu nigi paibawe?

Te Israel me Juda Hani Sigo Tuni Bidigo Po Elalubo Buku Deli 2:4

Genuai Bidigo te bomai po me deli enaba dąų waliyu, tama enabolo te tiwai po wai, ‘Devit, te nago hani ogomanigo te sesemane sogo ena wali pabo bomo eyu, tama augwa homu sese teba muyu, tama eno gedude te bugagia dolo bilibaso da, teda sesemane sogo eno te nago hani me deli te Israelde king pedalumainogo ilaibao.’ Genuai Bidigo te tama po wai. Tama tialima, Solomon, nago agai po tigidali te bugagia wali peyu, tama agai te enaba dąų walali bomai po te togolidali weyu te tama tiao,” Devitgo te po wali.

Bomai Po 10:17

Magi baso meni, God dago Genuai Bidigo te tigidali te tibo god dabe me te tigidali bomo elalubo te tigidali nai dabego bomo edelai mu elalubo. Aga te genuai bomai mu dao, tama tiyu tigidali nai dabe aga dologode naga elaluao. Agai te po tų ebode te abagi si ebo kolesaga wali peyu, me te we bidigo agaba magi nai mayu, aga homu bea sabo homu ebo kolesaga emainogo sula tagalobo menio, te haniani sę ebo kolesagade.

Israel Hanigo Namba 11:23

Tama Genuai Bidigo Mosesbolo po wei ponoyu, e tama po wali, “Te eno bomo usu meni yali bogo. Te pęwadage sogo tama nago suaibao. Tama nago koneama, nago homugo eno nagebolo mawaibao wali te nai te yabao po waibao. Te nai pedalogowe, ma meniwe?” wali.

Ma Dobola Sali 6:3

Polobadu kibu be hauwa ena te Abraham, Aisak, Jekop, te bageba pedelali, te augwaligo koneai, ena te Tigidali Bomo Elalubo God dao. Tiali goli, eno te tama po augwali dali wabe, Genuai Bidi Yawe te eno nogi da, te po wagi sogo da, teda te nogi page augwaligo konegi dao.

Tigidali Nai Gagalama Nigali Side 18:1

Nosali Yawe te Abraham bidibo madi, te bidi Mamrego genuai ni dabe elalubo digi, teba pedelali. Te giliga sesane mu ebaso, tama Abraham te aga ugwa be sunumi mabode dulaludai.

Tigidali Nai Gagalama Nigali Side 12:7

Te Yawe Abram bidiboba pedelama, tama tobo po wai, “Te e genuai tǫ da, te eno nago wąį hani wai dabebolo mawaibao,” te po wali. Tama tibaso, Abramgo te Yawe agaba pedelali madi te pesagede te Yawebolo lotu po weyu, ofa nai mayu yabo alta sai nigai.

Daniel 4:35

Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”

Te Israel me Juda Hani Sigo Tuni Bidigo Po Elalubo Buku Deli 8:25

“Tama megi da, te God, te Israel dabego Genuai Bidi, eno nageba te nago gasa bomai po te eno aya Devit dali dąų wali pode te nageba hanalu obao,” wali. “Nago agaba te tama po wali, ‘Devit, te nago wai puluba hanigo te wali po sesemane sogo bugagia wali peyu, tama eno gedude dolo biliyu, te nago ebo tiwai gilama ebaso da, teda sesemane sogo te eno nago hanide te bidi me deli te Israel bagego king pedalumainu yaibao,’ wali.

Tigidali Nai Gagalama Nigali Side 16:16

Tama te sogo Abramgo kibu be te 86, te tama kibu be elalubadi dao.

Tigidali Nai Gagalama Nigali Side 5:22

Tama Enok aga te God dali deli homu naga eyu bilali. Tama tiyu, aga te kibu be 300 ma bidibadi, tama aga te gasa ogwa wegi dabe me ame nai.

Tigidali Nai Gagalama Nigali Side 24:40

Tama agai te po wai, ‘Ena te Yawego po wali pabo bidi dao. Te agai aga mobo bidi ensel te nage dali tagala palama, tama nago sę wiegi yai bugagia ilaibao. Te nago eno ogwago we me deli te eno ayago hani tomode sesaibao.

Tigidali Nai Gagalama Nigali Side 26:2

Yawe te Aisakba pedelama, tama agabolo te tiwai po wai, “Nage te Isipba munu me pelamuo. Nage te eno nagebolo bida wabo bulude bidagameo,” wai.

Tigidali Nai Gagalama Nigali Side 43:14

Eno gedu haluasa te tiwai, te Tigidali Bomo Elalubo Godigo te bidigo homu begelibaso, te agai dage homu dene yaibao. Tama eno homugo agai te duga gasa ama Simeon me, te Benjamin badi, te si dagebolo ma mawaibao. Te eno ogomani tagalu da, eno bomogo te sę hasegelainu ebo te usu me egobeo,” Israelgo te po wai.

Tigidali Nai Gagalama Nigali Side 46:3

Tialima, Godigo te po wali, “Ena God dao. Ena te nago ayago God dao. Nage te Isipba pabo wi me elamuo. Te eno nago hani sibi wąį dabe te genuai hani mu pedelimainu ilaibao.

Bomai Po 30:20

Dagego Genuai Bidi dago God godolo mu elama, tama agai po wali pelama, tama agaba mu homu tigidali sogo kęą peyu yao. Tama tilama da, dage me duga wai puluba dabe me, dage bobobage sogo mu te Genuai Bidigo dago wąį dabebolo mawaibao wali te tǫde dage bugagia mu bidaibao, te Abraham, me Aisak, me Jekopbolo mawaibao olama, po dąų walali tǫde bugagia bidaibao,” Mosesgo te po wali.

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

Tigidali Nai Gagalama Nigali Side 48:3

Josep sabalubosi, tama Jekopgo agabolo te po wali, “God te Tigidali Bomo Elalubo te enaba te hanu Lusde te Kenande pedelali, tama agai ena wiegi yai mobo menama,

Israel Hanigo Namba 24:16

Tama eno Godigo pusubo po eno odobo dao. Tama eno God Dagalude Bidibo Bidigo mabo kolesaga sabo dao. God Tigidali Bomo Elalubo Bidigo enabolo te nade ebo sę tiwai enabolo haninani, tama eno te nai hania mu suali.

Bugagia Bidibo Kolesagade Po Asęai Buku 10:9

Te doloba pai bidi dabe te bugagia bidaibao. Tiali goli, te dwai sę ebo bidi dabe te geme me duala sobaso, te usu me egobeo.