Tigidali Nai Gagalama Nigali Side 16:13 - Godigo dwagi yai po buku

¹³ Hagargo te homu yai, ‘Sesemane sogo Godigo ena sudu geyu, tama megi eno aga suali, tiali goli, te ena bidibo ula me elaluba, isibeo,’ te homu yali. Tama agai te agabolo po wali Yawe nogi gasa me wali, “Nage da, te ena subo God dao.”

Tigidali Nai Gagalama Nigali Side 16:13 Referans Kwoze

Tigidali Nai Gagalama Nigali Side 32:30

Tama nosali aga noma sobaso, Jekopgo te po wai, “Eno God sualio, tiali goli ena me isibeo.” Tama tibaso, agai te bulu nogi Peniel poai.

Bugagia Bidibo Kolesagade Po Asęai Buku 5:21

Magi baso meni. Genuai Bidigo te dago ebo sę tigidali te sulama, tama agai te dago ebo kolesaga tigidali te bugagia osola subo dao.

Bugagia Bidibo Kolesagade Po Asęai Buku 15:3

Genuai Bidigo te tigidali we bidigo ebo sę te tigidali habu badu pedalubo te subo dao. Agai te wiegi yai bidi me, dwai bidi me, subo dao.

Tigidali Nai Gagalama Nigali Side 31:42

Tama eno ayago aya Abrahamgo God, te Bidi Wi Ilibo Godibolo te Aisakgo lotu po wabo God, te ena dali me bidigi menigi sogo da, teda nago ena olo ma tagala paligi dao. Tiali goli, Godigo eno homu sęgę ebo, me te eno ebo sę dabe suali, tama tiyu, hulide te aga digi te po bomonama, nage dali te po wali,” Jekopgo te po Labanbolo wai.

Tigidali Nai Gagalama Nigali Side 16:7

Hagar te bidi meni yai pedai badu te Sur pabo sunumidu pai. Aga te wę ulu tubo madi dulalubadi, te Yawego Ensel Mobo Bidi te agaba pedelali.

Tigidali Nai Gagalama Nigali Side 22:14

Tialima, Abrahamgo te bulu nogi poali “Yawego mawaibao.” Tama bidi dabego megi tama me te po wabo, “Yawego aga bulu dude te sǫą pabo nai mawaibao.”

Tigidali Nai Gagalama Nigali Side 28:17

Aga wi elama te po wali, “Ena e bulude wi mu ebao! Te e da, Godigo be mu dao. Awe, te dagalugo sunumi dao,” te po wali.

Te Israel Tobolu Bidi Dabe 6:24

Tama tibaso, Gideongo Genuai Bidigo alta me deli te bulude nigilama, tama agai te alta nogi weyu, “Te Genuai Bidi aga te homu nagame dua ebo bidi da,” wali. Te nigali alta te Abiesergo hani bagego tǫ pedai badu e po asębo sogode me elalubao, augwaligo te bulu nogi Ofra wai dao.

Ma Dobola Sali 24:11

Mu tama, augwaligo God suai, tiali goli agai augwali dolobeo. Tama nosali augwaligo nai te bulude tuai.

Tigidali Nai Gagalama Nigali Side 32:31

Te giliga pedelama, tama Jekopgo te Peniel bulu taga soai. Tiali goli, aga dolo bugagia me soabeo, aga te haiagalu ela soali, magi baso meni, te sili si wadolali te guda palio.