Tigidali Nai Gagalama Nigali Side 16:11 - Godigo dwagi yai po buku

¹¹ Tama Mobo Bidi Enselgo po ma wali, “Te dwasianu sogo pąde tama nago te wai ogwa ame naibao. Tama nago aga nogi Ismael poao. Magi baso meni, nage sęgę elalubadi, tama Yawego nago gela wabo odai.

Tigidali Nai Gagalama Nigali Side 16:11 Referans Kwoze

Ma Dobola Sali 3:7

Tama Genuai Bidigo aga dali te po wali, “Eno suali, augwaligo eno we bidi Isip bulude mu dolobao. Tama eno we bidi augwali ena i wabo sę ebao, te augwali dwai tonalubo bidigo nogode ma somainogo yai. Eno te i wabo odoyu, tama eno mu koneani, te augwali dene me te sęgę mu sabo dao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

1 Samuel 1:20

Tama te Hana haliga elama, tama nosali agai te wai ogwa ame nani. Tama agai te po wai, “Eno Genuai Bidiba hanalu, te wai ena mao obaso, mawai. Tama teyu, eno aga nogi Samuel poali.”

Tigidali Nai Gagalama Nigali Side 17:19

Tiali goli, Godigo te po wai, “Awe. Tiali goli, nago we Sarago te wai ogwa me deli ame naibao, tama nago aga nogi Aisak poao. Te eno aga dali, me te aga hani wai dabe dali, te dwagi yai tau sabo bomai po dąų waibao. Te dąų wabo bomai po te sesemane sogo bomo elaluaibao.

Dwagi Yai Gesi Po Lukgo Asęani 1:63

Tama Sekaraia agai nogogo bagi eyu, “Te buku asębo nai me sesao,” olama, tama agai e tama asęanio, “Agai nogi Jon dao.”

Jopgo Po Asęani Elalubo Buku 38:41

Tama te sisi yai kotkot ba dabe tuabo nai menia sobaso, tama nai gege bilibadi yaide, tama augwa wai dabe ena Godiba nai sainu hanalubadi, tama dego mu augwali nai mabo dawe?” te po wali.

Ma Dobola Sali 3:9

Mu tama, eno te Israel hani we bidigo gela odolama, eno suali, te Isip dabe augwaligo dwai kolesaga mu augwali dali ebo dao.

Dwagi Yai Gesi Po Lukgo Asęani 1:31

Edao! Nage haliga yaibao. Nage haliga elama, ogwa tega paibao. Te ogwa nogi nago Jisas poao. Aga genuai bidi bidaibao.

Dwagi Yai Gesi Po Lukgo Asęani 1:13

Tiali goli, te enselgo agabolo te po wali, “Sekaraia, nage wi tagalao. Te Godigo nago agabolo hanalu wali po odalio. Naga we Elisabetgo nago ogwa me deli ame naibao.

Godigo Nogi Ugwaba Sabo Tęąbi Po Wabo Buku Dabe 22:24

Agai te magi doado bage meni yai bidi dabe tudiba me mubeo. Agai te augwalide sęgę me dene ebo te olo nai da homu me egobeo. Tama aga te augwalide digibulu me bidigobeo. Menio. Agai te augwaligo usu da weyu, gedu haluasa po wabo odobo dao.” Eno tama po waibao.

Tigidali Nai Gagalama Nigali Side 37:25

Tama nosali augwali dugulama, tama toma neyu, nai tuali. Te augwali nai tuyu bidalubadi, tama augwaligo te Ismael bidi hani aselabo suali, te gasa nogi me elalubo te Midian bage dao. Augwali te Gileat tedu aselama, tama te Isipba painu soali. Tama augwaligo kamelgo te gasagi yai denami ebo ni kaneme, me te haniani sanda dabe, te sela soali, magi baso meni, augwali te Isipba pelama, tama tede te augwa dobu si ebo bisnis sę yaibao.

Tigidali Nai Gagalama Nigali Side 21:17

Godigo te ogwa gela wabo odali. Tama Godigo mobo bidi ensel te dagalude bidiyu, tama i olama, Hagarbolo te po wai, “Magi yaliwe, Hagar? Nage wi me elamuo. Godigo te ogwa aga bidibo madide gela wabo odalio.