Tigidali Nai Gagalama Nigali Side 15:6 - Godigo dwagi yai po buku

⁶ Tama Abramgo te po mu po naga dao homu eyu, tama te Yawego wali po aga homude dąų wai. Tama tibaso, Yawego aga doloba pai bidi nogi poai dao.

Tigidali Nai Gagalama Nigali Side 15:6 Referans Kwoze

Jems 2:23

Tama tiyu, Abraham agai tama tiai, tama nosali Mosesgo te Godigo po meba te bukude agai asęai, “Abraham agai te Godigo pode konealubo po dąų wai. Tama tibaso, Abraham aga te Godigo gedude wiegi yai doloba pai bidi mu pedalai,” Mosesgo tama po asęai. Tama me, te Godigo Abrahamde dali te po wai, “Aga eno abagi dao.”

Polgo Po Pas Rom Dabeba Asęani 4:9

Tama te tigiwali togwali Juda bidi dabe augwali naga augwali te tiwai wiegi yai homu pemene emainogo yaibawe? Ma te tigiwali togosiąwai bidi dabe, te Juda hani isąwai bage, augwali me te wiegi yai homu pemene egowe? Woo, te tigiwali togosiąwai bidi dabe augwali me te wiegi yai homu pemene yaibao. Magi baso meni. Dago te po tama wabo dao: “Abrahamgo homugo te Godigo agabolo nai maiabo dąų walali po te mu po dao. Tama tiyu, Abrahamgo te agade konealubo po dąų wali kolesaga te Godigo sulama, tama Godigo homugo ‘Te Abraham te doloba pai bidi dao,’ te po wali.”

Hibru 11:8

Te bidi Abrahamgo konealubo po Godide dąų olama tama agade tiąluyu bidali. Tama tibaso, Godigo aga i obaso, tama Abrahamgo Godigo po wali pai. Tama tiyu, aga bidali bulu tagalama, tama Godigo aga tǫ mu dolo te agabolo mawaibao wali tǫ teba pabo gagalali. Abraham aga menaba pogowe te agai me konebeo. Tiali goli aga Godigo agabolo wali pode aga homugo tiąluama, tama aga page bulu taga pai dao.

Godigo Nogi Ugwaba Sabo Tęąbi Po Wabo Buku Dabe 106:31

Tama megi sogoba usu nagasu dago agai te doloba pai kolesaga yali homu kone palubao, tama nosali nosali me, tigidali we bidigo te tiwai homu emainu ebo dao.

Polgo Po Pas Rom Dabeba Asęani 4:11

Aga te tigiwali togosiąbadi, tama agai Godide konealubo po dąų obaso, tama Godigo aga doloba pai bidi nogi wai. Tama nosali te sa muyu, te tigiwali togobo kolesaga mayu tebogo Godigo hania hanilali, te agai Abraham te doloba pai bidi nogi polali dao. Abraham agai hasia tama tilama, tama nosali gasa bidi dabe augwa tigiwali togosiąbadi goli, te Godigo augwalibolo te doloba pai bidi nogi omainogo eyu, tama augwaligo Godide te konealubo po dąų wai. Tama Abraham aga te kolesagade polasa pai bidi dao, tama augwali nosali wali asai. Tama tibaso aga da augwaligo hasia wąį monu bidai.

2 Korin 5:19

Dago pusubo po e tama tiwai: God agai te Kraisgo yali sęgo te tigidali we bidigo te boi bidi sę ebo kolesaga tagalama, tama aga dali abagi homu pedalomainogo yai. Agai te augwaligo yali dwai sęde homu kone ma ebeo. Tama agai dabolo te boi bidi dabe aga dali abagi homu ilabo po pusubo sę dabolo mawai dao.

Nehemia 9:8

Nago agai homu haliga tomode suali, te nage naga wali pabo homu bomo yai, tama tibaso nago aga dali te bomai po dąų walali. Tama nago agabolo te po dąų waliyu, te Kenan dabego tǫ, me Hit dabego tǫ, me Amor dabego tǫ, me te Peres dabego tǫ, me Jebus dabego tǫ, me te Girgas dabego tǫ, te maiabo po dąų wai. Tama nago te po wali, te tǫ te aga wąį nǫų dabego tǫ pedalaibao wali. Tama nago naga te dąų wali po me togobeo, magi baso meni, nago kolesaga te doloba pai mu elalubo dao.”