Tigidali Nai Gagalama Nigali Side 15:18 - Godigo dwagi yai po buku

¹⁸ Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.

Tigidali Nai Gagalama Nigali Side 15:18 Referans Kwoze

Tigidali Nai Gagalama Nigali Side 12:7

Te Yawe Abram bidiboba pedelama, tama tobo po wai, “Te e genuai tǫ da, te eno nago wąį hani wai dabebolo mawaibao,” te po wali. Tama tibaso, Abramgo te Yawe agaba pedelali madi te pesagede te Yawebolo lotu po weyu, ofa nai mayu yabo alta sai nigai.

Tigidali Nai Gagalama Nigali Side 24:7

Yawe, te dagalude bidibo Godigo ena te eno ayago bede, me te ena hani dabego tǫde selama, asali. Tama agai bomai dąų wabo po wali, te agai e elalubo tǫ te eno hani wąį dabebolo mawaibao wai. Yawego digi te aga mobo bidi ensel te nage pabodu polasa tagala palaibao. Tama tibaso, nago tede te eno ogwago we gegela sueibao.

Tigidali Nai Gagalama Nigali Side 13:15

“Te megi nago subo tǫ tigidali, te eno nagebolo mayu, tama nago nosali ame nabo hani wai dabebolo mobadi yaibao. Tama te tǫ dagego sesemane sogo mu elalua paibao.

Aisaia 27:12

Tama te sogo Genuai Bidigo aga we bidi gasabulude dabe bidibo we bidi ma oda saibao. Te węYufretisdu gagalama, te Isip buluba usu nigi paibao. Agaiaugwali deli deli saibao, te bidigo aga wit dili dali bo dalisela sąnama, te du naga elalubo tiwai yaibao. Tama tewiegi yai wit du selama, te tǫgo nigai senede mubo tiwaiyaibao.

Nehemia 9:8

Nago agai homu haliga tomode suali, te nage naga wali pabo homu bomo yai, tama tibaso nago aga dali te bomai po dąų walali. Tama nago agabolo te po dąų waliyu, te Kenan dabego tǫ, me Hit dabego tǫ, me Amor dabego tǫ, me te Peres dabego tǫ, me Jebus dabego tǫ, me te Girgas dabego tǫ, te maiabo po dąų wai. Tama nago te po wali, te tǫ te aga wąį nǫų dabego tǫ pedalaibao wali. Tama nago naga te dąų wali po me togobeo, magi baso meni, nago kolesaga te doloba pai mu elalubo dao.”

Bomai Po 11:24

Tama tigidali tǫ dage bilaiba tǫ, te tigidali tǫ duga tǫ gagawaibao. Dagego tǫ dąį te olo kemi sane bulu te saut badu gagalama, tama pelama, te Lebanon bulu duba usu nigi paibao, te not badu usu nigi paibao. Tama dąį te giliga asobo badu te wę Yufretisdu gagalama, tama pelama, te genuai tamu ąį Mediterenian te giliga dega sabo badu te usu nigi paibao.

Israel Hanigo Namba 34:5

Tama te magi te Asmon bulu tagalama, Isip dali dąį wę dulu dulama, tama moni tamu ąį Mediterenianba usu nigi paibao,” wali.

Hibru 13:20

God aga te da we bidi homu nagame ilibo page bidi elalubao. Agai te dago Genuai Bidi Jisas te gų pagede ma hodolama, tama aga ma bidimainu ilali. Hasia Jisasgo aga digi bidibo ula olo mayu, tama Godibolo ofa tiwai mani, te da we bidi tau somainogo yali. Tama tebogo agai te Godigo te we bidi tau sabo dąų wali gamonabo po te mu dąų walali. Tama tiyu, aga te da sipsip tiwai bidibo we bidi tonalubo te polalubo bidi pedalai dao. Tama eno homugo te God agai te tigidali wiegi yai kolesaga dagebolo mao, te dagego agai homu kolesaga wali pabo usu ilimainogo yao. Tama eno homugo me da tomode agai tigidali te aga digi godolo yabo kolesaga tigidali pedalomainogo yao, te Jisas Kraisgo nogide tama tiao. Aga genuai nogi te sesemane bidada pabo sogo elalua peyu, elalua paibao, te eno homugo. Mu dao.

Jeremaia 32:40

Te eno gesi noma dąų wabo bomo yai po te augwaliba yaibao. Tama te dąų wali bomo yai po sesemane elalueibao. Eno te augwali wiegi yai bugagia ilibo kolesaga me tagalogobe po dąų walaibao. Te eno wiegi yai homu kolesaga augwaliba menama, te augwali ena dologode bidiyu, te augwaligo ena munu ma tagalogobeo.

Tuni Bidi Dabego Po Elalubo Buku Si 9:26

King Solomongo te tigidali kantri king bidi dabe tonaluali, te moni pabo ąį nogi Yufretis gagalasa pelama, kantri Filistiadu pelama, kantri Isip dąį usu nigi pali.

Bomai Po 34:4

Te tama tialima, Genuai Bidigo Mosesbolo te po walali, “Eno te tǫ te Abraham, me Aisak, me Jekop, augwalibolo te tǫ te augwa wąį dabebolo mawaiba po eno augwali dali dąų walai dao, polobadu mu. Megi eno nago sumainu sula tagalali dao. Tiali goli, eno nage te tǫ tomoba pomainogo sula tagalogobeo,” wali.

Ma Dobola Sali 23:23

Eno sę ebo Ensel Mobo Bidi agai te dagego polasa pabo bidi pedelama, tama dage te Amor dabe, me te Hit dabe, me Peres, me te Kenan dabe, me te Hivi dabe, me te Jebus dabe, te hani augwaligo tǫba dage odasa pelama, tama eno augwali hani mu ela silaibao.

Tigidali Nai Gagalama Nigali Side 26:4

Te nago wąį hani augwali te umabo mu pedalumainu yaibao, te dagalude elalubo hǫ dabe tiwai gilama yaibao. Tama eno e tǫ pedai te tigidali eno augwalibolo mawaibao. Tama te tǫde tigidali bidi dabego te augwali da dali dwagi yai sę yao wabo po enabolo hanalu, te eno nago hani wąį dabe dwagi yai sę yali tiwai gilama yao po waibao.

Te Israel me Juda Hani Sigo Tuni Bidigo Po Elalubo Buku Deli 4:21

Solomon te tigidali tǫ pedai te wę Yufretisdu gagalasa, te giliga pedaluboba usu nama, tama te giliga dega sigilubo te Filistia dabego tǫ pedaiba usu nigi pelama, te tigidali tǫ tomode te king bidali. Tama te Isip tǫ te saut badu dąį igi pali. Te bulu tǫ pedai bidi dabego te Solomonba takis mone mayu, tama augwali te aga dologode bidada pali te aga isibo sogoba usu nai dao.

Godigo Nogi Ugwaba Sabo Tęąbi Po Wabo Buku Dabe 105:11

Agai Jekop dali te po wai, “Nage eno te Kenan tǫ mawaibao,” wai, “tama te tǫ naga tǫ, te naga hani dali.”

Josua 15:4

tama pelama, te Asmonba sabolama, tama te Isip dąį badu te dwasianu wę wali peyu, tama te wę nogi Mediterenian Tamu Ąį teba dąį igi pali. Te Judago tǫ dąį yali te saut badu siligi pai dao.

Bomai Po 7:1

Te Mosesgo po geninama weyu, te po wali, “God dago Genuai Bidigo dagebolo megi sainogo ebo te tǫba odasa paibao. Tama agai te bidi hani hauwa te tǫde bidibo bidi hani sela sąwaibao. Dage tǫba pabo sogo, agai te a naga olama si, te 7 bidi hani sela sąwaibao, te tǫde bidali bidi hani. Te bage augwaligo bomogo da, dagego bomo edelai bage dao. Te hani te Hit, me Girgas, me Amor, me Kenan, me Peres, me Hivi, me Jebus, te tama hani dao.

Tigidali Nai Gagalama Nigali Side 50:24

Josepgo te tiwai po aga ama dedebolo wai, “Te sia sabode ena isaibao,” wai. “Tiali goli, te Godigo dage tonalueibao, tama agai dage e bulude bidali sela peyu, taga paibao. Tama agai dage odasa peyu, te Abrahambolo me, Aisak me Jekop, te augwalibolo mawaibao olama, te po dąų wali tǫba dage odasa tagaligi paibao,” wali.

Tigidali Nai Gagalama Nigali Side 35:12

Te tǫ eno polobadu te Abrahambolo me Aisakbolo mani tǫ, te megi eno nagebolo mobao. Tama eno nago hani wąį dabebolo me mawaibao.”

Tigidali Nai Gagalama Nigali Side 28:4

Tama eno homugo te Godigo nage dali dwagi yai sę eyu, te nago wąį te wai dabe me tiyu, te Abraham dali dwagi yai tau sabo sę yali tiwai gilama yaibao. Tama tiyu, tama nago megi naga te bidibo tǫ sobadi yaibao, magi basowe, Godigo e tǫ te naga wąį Abrahambolo maiabo po wai dao,” wali.

Ma Dobola Sali 34:11

Tama megi eno dagebolo te mawainogo ebo bomai po tigidali te dagego odoyu, wali piąo. Ena te dage pabo madi te ena polasa pelama, tama eno te Amor dabe badi, te Kenan dabe me, te Hit dabe me, te Peres dabe me, te Hivi dabe badi, te Jebus, te hani dabe augwali eno sela sągi paibao.

Ma Dobola Sali 6:4

Tama eno bomo yai po augwali dali dąų weyu, te tǫ Kenan augwali mawaibao, te po wai. Augwali te bulude te tǫ page bidi hani bidisiąwai goli, eno te tǫ augwalibolo mabo homu yai.

Ma Dobola Sali 3:8

Tama ena dulai dao, tama te augwali te Isip dabego nogode ma selama, tama augwali te genuai tǫ me deli te tǫ ili hauwa elalubo, te nai bugagia dwagi yai mu holobo tǫba odasa paibao. Te tǫde megi te Kenan bidi hani me, te Hit hani me, te Amor hani me, te Peres, me Hivi, me Jebus, te tama hani augwali te tǫde megi bidibo dao.

Tuni Bidi Dabego Po Elalubo Buku Deli 5:9

Augwali te tǫ pedai Gileat badu bidalu, tama augwaligo bulmakau me sipsip hauwa umabo pedelalio. Tibaso, augwali meba pelama, te giliga pedalubo badu te wa pai bulu tǫde bidali, te wa pai bulugo dąį pali te wę Yufretisba usu nigi pai dao.

2 Samuel 23:5

“Tama Godigo te eno hani sibi bomo ilama, bidimainu ilali, magi baso meni, agai te bomai po me deli te ena dali dąų wali, tama agai te dąų wali po te togolama, me ma bologobeo. Menio. Teda te dąų wali po te sesemane sogo elalueibao. Te eno godolo ebo nai tigidali, te Godigo ena mawaibao. Tama agai te ena te sesemane sogo ugwaba ela holomainu ilali.

Tigidali Nai Gagalama Nigali Side 2:14

Te sela wali ąį nogi Taigris nogi yai. Te ąį pali, te Asiria moni tǫ te giliga pedalubo badu pabo. Te me si me si wali ąį augwaligo te nogi Yufretis nogi yai dao.

Aisaia 55:3

“Odao, dage eno we bidi dabe dao. Dage bugagia bidimainu eyu, enaba asiąo. Te eno dage dali bomo yai po dąų walama, tama te dąų wali bomai po sesemane elalueibao. Te sesemane sogo eno dage godolo homu mu elama, te dageba wiegi yai sę yaibao. Te polobadu eno te bomo yai po te king Devitba dąų wali tiwai gilama yaibao wali.

2 Samuel 8:3

Tama nosali, Devit dali, te aga ami bidi dali, augwa te Soba tǫ kingba boi hwįgi pali, aga te Hadateser, te Rehopgo ogwa dao. Soba bulu tǫ te Siria hani bage me deligo tǫ pedai elaluai. Te sogo Hadatesergo aga ami bidi dabe selama, tama te wę Yufretis pedai badu pidubo sę elama, te boi bidi dali hwįainu yali, te aga tǫ pedai ma sainu yali. Tama Devitgo hanigo augwali sisinama,

Godigo Sęba Tagala Palai Bidigo Po 7:5

Tama te sogode Godigo dwasianu tǫ me deli agabolo mabe, te agai tǫ tiwai elalumainu ebeo, te menio. Tiali goli, Godigo agabolo bodolu mayu, te po wai, ‘Nosali te tǫ eno nagebolo mawaibao, te nago hani wai dabe augwaligo te tǫ aya mu elama, tonaluaibao,’ te po wai. Tiali goli, Godigo te po mu wali sogode, Abrahamgo wai menibadi dao.

Kraisgo Geme Dualali Sę Pedelabo Po Jonbolo Ola Mani 9:14

Agai te a olama me badu nogo deli wali te ensel mobo bidi dali te po wali, “Te ensel mobo bidi me si me si olama augwali te genuai pabo ąį nogi Yufretisde kalabus elalubo da wali, tama nago augwali olo tagala palao,” te po wai.

Ma Dobola Sali 6:8

Eno dage te tǫ Abraham, Aisak, Jekop, augwali dali bomo yai po dąų weyu, te tǫ mawaibao wai. Tama te tǫ eno dagebolo menama, tama te dagego tǫ mu elaluaibao. Ena da, te Genuai Bidi Yawe dao,” God agai te po wai,’ nago te po augwalibolo pusao,” wali.

Ma Dobola Sali 13:11

Te Mosesgo po ma weyu, te po wai, “Genuai Bidigo dage te Kenan dabego tǫba odasa paibao. Tama agai dagebolo me, te dagego waigo wai dabe, te dagego wąį dabe, augwalibolo me te tǫ maiabo po polobadu digi dąų wai dao.

Ma Dobola Sali 32:13

“Nago naga sę bidi Abraham, me Aisak, me Jekop, te homugo koneao. Tama nago te bomo yai po augwali dali dąų wali po, te homude koneao. Nago bomo yai po dąų mu weyu, e tiwai po wai, ‘Eno mu po obao, eno te dagego wąį nǫų dabe te dagebolo hauwa mu, te hǫ tiwai dageba mawaibao. Tama eno po dąų weyu, te eno dagebolo mawaiba wali te tǫ, teda te tǫ te eno duga wąį nǫų dabe augwaliba mawaibao. Tama augwali sesemane sogo mu te tǫde bidada paibao,’ nago te po wai.”

Bomai Po 12:20

“Nosali Genuai Bidigo dagego bulu genuai mu igi pabo si da, te agai te po polo dąų walali gilama ebo si da, teda duga homugo mena sogo duga hasa dabe tuabo homu ebaso da, tuiagameo.

Bomai Po 19:8

“Nosali Genuai Bidigo dagego bulu tǫ genuai ugwanu ma dąį igi paibao. Te agai duga wąį dabebolo po dąų wali gilama tiaibao. Tama agai augwalibolo te mawaibao wali te tǫ sese tama mawaibao.

Tuni Bidi Dabego Po Elalubo Buku Si 7:8

Tama te sogo Solomon aga te Israel dabe dali augwali te Jerusalemba te nogo a naga olama me badu nogo si, te tama 7 sogo te Osogo Bidabo Bede Bidibo Genuai Sogo augwali tede sisinama bidali. Te genuai we bidi hauwa augwali te tigidali kantri badu asali. Te not badu te hanu Hamatba pabo sunumidu dąį elama, tama u badu te saut badu te kantri Isip usu nama tama asali. Te 7 sogo ma sisinama bidai dao, te alta te Godigo nai mu dao olama sa muainogo. Augwali te 14 sogo sisinama bidali. Tama te sogo nosali augwali deliba genuai mu ma sisinani.

Tuni Bidi Dabego Po Elalubo Buku Si 8:7

Te kantri Israelde te gasa bulu we bidi me bidali. Te augwali te Hit hani, me Amor hani, me Peres hani, me Hivi hani, me Jebus hani augwali dao.

Esra 4:20

Polobadu te bomai king dabe te Jerusalemde bidiyu, tama augwaligo te wę Yufretis te badu provins dabe tigidali badu tonaluai. Tama augwaligo te we bidi tigidalide takis mone sai dao.

Ma Dobola Sali 2:24

Tama Godigo augwaligo te gela wabo odoyu, tama Godigo te bomo yai po Abraham, me Aisak, me Jekop, augwali dali dąų wali, te agai koneai, tama agai te augwaligo wąįgo wai dabe augwali tau saibao te po wai, polobadu.

Ma Dobola Sali 34:24

Nosali da, eno dagego tǫde megi te bidibo we bidi hani augwali sela sąnama, tama dagego tǫ dąį genuai ilaibao. Tama dagego enabolo lotu wagasobo sogo, te tigidali kibu bede sela sogo naga te lotu po weyu, tama dagego tama tibadi, te boi bidigo dagego tǫ sainogo homu me egobeo.”

Pris Sę Ebo Bomai Po 26:42

teda eno te Jekop, me Aisak, me Abraham augwali dali te dąų wali bomai po kontrak homu ma koneaibao, te Kenan tǫ augwa wąį nǫų dabebolo mawaibao po wai dao.

Pris Sę Ebo Bomai Po 26:45

Eno dageba homu koneama, eno te dagego wąį nǫų dabe dali dąų wali bomai po kontrak ma homu kone palaibao. Te bidi dabe eno polobadu te tǫ kantri Isipde selama odasa asali, te gasa tǫ kantri we bidi tigidaligo te eno genuai bomo suali. Eno dage sela asali, te Genuai Bidi ena hani bage pedalumainu yali, ena dage Israelgo God bidainogo yai dao,” te po wai dao.

Josua 13:3

te tǫ te dwasianu wę Sihor te Isip tǫ sesede elalubo, tedu gagalasa, te palio olama, te Eklon tǫ bogo baduba dąį igi pelama, hasia bolo te Kenan dabe bidaluai madi. Te Filistia dabe tonalubo bidi dabe te bulu Gasade me, te Asdot, me te Askelon, me Gat, me Eklon, me tama te Av dabego moni tǫ te giliga dega sabo bogo badu elalubao.

Te Israel me Juda Hani Sigo Tuni Bidigo Po Elalubo Buku Deli 5:1

Polobadu Hiram te Tair hanu king bidigo te Devit dali wiegi yai abagi olama bidai. Tama Hiramgo odali, te Solomongo te Devit hasegelama, tama te king pedelali po odobaso, agai te tobolu bidi mebago te Solomon sugi pomainogo tagala palai dao.

Tuni Bidi Dabego Po Elalubo Buku Deli 16:16

Genuai Bidigo te dąų wali bomai po Abraham dali yai. Tama agai bomai po bodolu selama dąų wali po Aisak dali weyu te dąų wali bomai po wali pao wali.

Jeremaia 32:22

Tama nago te tǫ dabolo mani, te nago dago wąį nǫų bomai po dąų wali gilama yali. Te tǫ ili hauwa elalubaso, te nai dabe wiegi yai bugagia mu holai dao.