Tigidali Nai Gagalama Nigali Side 15:16 - Godigo dwagi yai po buku

¹⁶ Te nago wąį dabe augwali te e tǫba polo ma asogobeo. Te megi ede bidalubo Amor hani augwaligo te dwai kolesaga hauwa me isiąbadi. Te nosali mu te Amor hani augwaligo dwai sę ela silai digi, teda eno augwali dolobo sę elama, tama augwali ela gudulaibao. Tama te sogo, nosali mu, te nago wąį hani dabe augwaligo wąį hani dabe tama pedalubode, te sogo augwali ma begasa aselama, e tǫde bugagia bidaibao,” Yawego te po wai.

Tigidali Nai Gagalama Nigali Side 15:16 Referans Kwoze

Te Israel me Juda Hani Sigo Tuni Bidigo Po Elalubo Buku Deli 21:26

Ahapgo te tibo god dabeba lotu weyu, tama agai te Amor dabego kugumini yai kolesaga dabe wali pali, te augwali te tǫde polobadu bidali we bidi dabe da. Tialima, Genuai Bidigo augwali ela gudulama, tama te tǫ Israel dabe augwaliba mawai dao.

Daniel 8:23

“Te bulu tǫ kantri dabe te tulaluainu ebo sogo, te augwali we bidigo dwai sęgę sabo sę mu pedalubaso, teda te sogo naga, te king me deli pedelaibao. Aga te bidi dwai mu dao. Aga te hagoma ebo bidi, tama tibo po wabo bidi dao.

1 Tesalonaika 2:16

Tama boi bidi mu bidiyu, augwaligo dago sę yabo tų pania sabo sę ebo dao. Tama te Juda hani isiąwai we bidi Godigo augwali ma somainogo, dago Godigo po augwalibolo pusainogo ebadi, te Juda bage augwaligo da dali “Te po wagio,” wabo dao. Tama tiyu, augwaligo dwai sę yali te hauwa mu yai dao, te genagi naigo pągąwai tiwai. Tialima, God agai moni sębę ebo augwali pąba mu bidagasai elalubao.

Ma Dobola Sali 12:40

Tama te Israel hani augwali Isip tǫde kibu be bidi sese hauwa 430 mu bidai.

Tigidali Nai Gagalama Nigali Side 15:13

Tama edubadi, Yawego agabolo tama po wali, “Mu tama koneao, te nago wąį dabego wai dabe te augwali gasa hani bidi dabego tǫde te bulu meni yai bidi dabe te bulu wau bilibo bidi dabe pedelaibao. Te augwaligo olo sę ebo bidi dabe pedaliyu, tama gasa hanigo dolobo sę ebo dologode augwali bididubadi, te bidi sese nogo si sągą si 400 kibu be tama usu naibao.

Pris Sę Ebo Bomai Po 18:24

“Dagego te dwai kolesaga dabe me elamuo. Te sę dagego eyu da, teda dage eno gedude meda pedelaibao. Te ena Genuai Bidigo po odisąwai hani bidi dabe te Kenan tǫde bidaluyu, augwaligo te tobage dwai kolesaga dabe elama, te augwali meda mu pedelalio. Te megi eno augwali ela gudulubo sę ebao, te dagego augwaligo tǫ somainogo ebo dao.

Te Israel me Juda Hani Sigo Tuni Bidigo Po Elalubo Buku Si 21:11

“Te king Manase agai te haniani dwai dwai kolesaga mu yali, te polobadu te Amor bagego yali kolesaga aiyaba elaluali. Agai te tibo god noma nigilama, tama agai teba lotu po wali. Tama agai te tibo kolesagago te Juda hani umabo mu agai kegelama, tama augwaligo me ena gedude sęgę sabuo.

Tigidali Nai Gagalama Nigali Side 10:16

tama Jebus bidi dabe me, Amor me, Girgas,

Tigidali Nai Gagalama Nigali Side 48:21

Nosali Jekopgo Josepbolo te po wali, “Odao! Te pąde ena isainu ebao. Tiali goli, God te nage dali bidama, tama agai nage te naga aya dedego tǫba ma odasa paibao.

Tigidali Nai Gagalama Nigali Side 50:24

Josepgo te tiwai po aga ama dedebolo wai, “Te sia sabode ena isaibao,” wai. “Tiali goli, te Godigo dage tonalueibao, tama agai dage e bulude bidali sela peyu, taga paibao. Tama agai dage odasa peyu, te Abrahambolo me, Aisak me Jekop, te augwalibolo mawaibao olama, te po dąų wali tǫba dage odasa tagaligi paibao,” wali.

Ma Dobola Sali 13:3

Mosesgo te we bidi augwalibolo te po wai, “Dage te Isipde bidali, te kalabus sę ebo bulu dao. Tama aga bomogo digi, Genuai Bidigo dage Isip bulude selama, odasa asai. Tama tibaso, tigidali kibu be dagego agai te tama tiali side homugo koneama, tama dagego te bo dai nai bret dali tugio.

Ma Dobola Sali 13:4

Tama megi dagego te Isip taga sobao, te side e polua delide, augwaligo te nogi Abip wai.

Bomai Po 9:4

“Te God dago Genuai Bidigo augwali polo sela sąbo side, tiyu duga hasi duga digi te po olamuo, ‘Godigo da te tǫ mani, magi baso meni, agai da suali, da te wiegi yai doloba pai bidi tiwai suali.’ Te tobage homu ebo te mu po menio. Genuai Bidigo suali, megi te tǫde bidibo we bidigo augwaligo dwai kolesaga hauwa mu ebo, tama tibaso agai augwali tede sela sąwaibao.

Bomai Po 9:5

Dagego homugo tilamuo, dago wiegi yai doloba pai kolesaga ebo dao homu elamuo, tama te tama tibo pagede Genuai Bidigo dago te tǫ somainogo sula tagalali dao homu elamo dao. Menio. Agai augwali sela sąwaibao, magi baso meni, augwali te dwai bidi dabe dao. Me ma, agai te wąį dabe dali dąų wali po usu nainogo te ebao, te dago wąį Abraham, me Aisak, me Jekop dali.

Godigo Nogi Ugwaba Sabo Tęąbi Po Wabo Buku Dabe 105:43

Tama tiyu, agai we bidi augwali agai te Isip buludu odasa pai. Tama augwaligo tęąbi ela peyu, dwagi yai homu dali pai. Te we bidi augwali aga digi dąį muyu sa muai, augwaligo i weyu, dwagi yai homu elama, augwali pai.