Tigidali Nai Gagalama Nigali Side 15:15 - Godigo dwagi yai po buku

¹⁵ Tiali goli, te sę esiąbadi, te nage digi te nage homu nagame bugagia elama, bidiyu elama, te nage monu dabe mu elama, te nage isibaso, tama augwaligo nage pubulaibao.

Tigidali Nai Gagalama Nigali Side 15:15 Referans Kwoze

Jopgo Po Asęani Elalubo Buku 5:26

Tama tibo si, nage monu dabe mu elama, tama nage isaibao. Nage te gide wit nai inabo tiwai elama, tama te bidi dabego sabo sogo saibao.

Tuni Bidi Dabego Po Elalubo Buku Si 34:28

Tama eno te dolobo sę Jerusalemde pedalobo sumainu polo sula tagalogobeo. Menio. Nage bugagia naga mu bidaibao. Tiali goli nosali nage isilama, tama augwaligo nage polo pubulai digi da, teda eno te Jerusalem me tede bidibo we bidi dali sę tama dolaibao,” te po te dage tagala palali bidibolo walao,’ God Genuai Bidigo te po wai,” te we Huldago te po wali. Profet we Huldago Genuai Bidigo po te bidi dabe augwalibolo polo pusa silibo si, teda augwaligo te po king pageba ma sela pali.

Israel Hanigo Namba 27:13

Nago bolo suao, tama nosali nage isaibao. Te naga ama Aron isali tiwai nage me isaibao.

Daniel 12:13

Tama Daniel, megi nage te bomo elama dolalu, te dagalu me tǫ silibo siba usu nao. Te nage isaibao, tiali goli nosali te nage ma hodaluama, tama te tigidali nai siligi pabo side, te Godigo nageba sa muani nai dabe saibao,” te wiegi yai name ugwa beali bidigo te po wali.

Godigo Sęba Tagala Palai Bidigo Po 13:36

Tama Devit agai Godigo sę aga hani we bidi tomode elama, tama aga nosali isai. Tama isąma, augwaligo aga wąįgo masigi dudulaweba mugi pai. Tama tede aga tigi damua pai. Tama dago Devitgo polobadu wali po koneao, te po wali Devit aga tigide wabe. Agai tigide wabeo.

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Jopgo Po Asęani Elalubo Buku 42:17

Tama Jop bugagia bidama, tama aga monu dabe mu elama, tama aga isali.

Tuni Bidi Dabego Po Elalubo Buku Deli 29:28

Aga te we bidi augwaligo gedude genuai nogi elaluai, te agai mone me doado bage hauwa elalualio. Aga bidali sogo pęwadage meni, aga bidada pelama, monu dabe mu elama aga isalio. Nosali aga ogwa Solomongo agai sę yali pesage selama, te king pedelai dao.

Te Israel Tobolu Bidi Dabe 2:10

Te Josua aga deli hani me te augwali isila pali, tama gesi noma we bidi pedelai. Te gesi hani we bidigo te Genuai Bidi konesiąyu, tama agai te Israel dabede yali sę me te munu me konesiąyu gegeda pali.

Tigidali Nai Gagalama Nigali Side 49:29

Nosali Jekopgo te po aga ogomanibolo wai, “Enade, te pąde megi tama eno ena hani isali bage dabe sisinigi paibao. Dagego eno tigi te ena wąį dabe dali te bidi Hit hani dabego te Efrongo tǫ pedai badu te ola be tomoba mugi pao.

Israel Hanigo Namba 20:24

“Aron, nage eno te Israel dabebolo mawaibao wali te tǫba nage pogobeo, nage isaibao. Magi baso meni, dage sigo eno po te bulu Meribade sela sąwai dao.

Tigidali Nai Gagalama Nigali Side 35:29

Aga te monu dabe mu elama, tama mobo kegebo silama, tama aga isali hani bage dali bidigi pai. Tama aga ogwa si, Iso me Jekop, augwali sigo aga pubulai dao.

Matyu 22:32

‘Ena da, te Abrahamgo God me, ena te Aisakgo God me, ena te Jekopgo God me bidalubo dao,’ Godigo te po wai. Tama te po page e dao, God aga te isila silali bidi dabego God menio. Aga te ula dali megi bidibo bidi dabego God dao,” Jisasgo te po wai.

Kolesaga Koneai Bidigo Pusali Po Elalubo Buku 6:3

Te bidi me deligo wai dabe te bidi sese a naga, te 100 elaluali bidi te kibu be hauwa bidali. Tiali goli, aga wiegi yai doado bagede wiegi yai pemene isąyu, tama te aga isibo sogo augwaligo aga bugagia me pubalusiąyu da, teda te dwai mu yali. Eno mu po tama obao, te wai bǫų me deli aga idago haligade isali waigo, agai te bidi aiyaba elalualio, te bidi te umabo hauwa kibu be te tǫde bidali digi tagalao.

Godigo Nogi Ugwaba Sabo Tęąbi Po Wabo Buku Dabe 37:37

Nago te magi dwai sę me deli isąwai bidide homu kone paliyu, tama te doloba pai bidi suabo homu yao. Te gasa we bidi dabe dali dua digi bidibo bidi yaibaso da, teda aga hani te sesemane sogo bidaibao.

Tuni Bidi Dabego Po Elalubo Buku Deli 23:1

Te Devit te monu dabe mu ebaso, agai aga ogwa Solomon sa munama tama Solomon te Israel dabego king pedelai dao.

Tigidali Nai Gagalama Nigali Side 50:13

Augwaligo aga te Kenan tǫba tolasa pelama, tama augwaligo aga te Makpela ola bede pubulali, te bulu te Mamre te giliga pedalubo badu elaluali. Abrahamgo te tǫ te Efrongo tǫ pedaide abelali, aga te Hit hani bidi me deli da. Agai te tǫ abelali, te gų page nigabo pesage abelali.

Tigidali Nai Gagalama Nigali Side 49:31

Augwaligo Abraham de aga we Sara si te gų pagede pubulali. Tama augwaligo Aisak me aga we Rebeka te gų pagede pubulali. Tama eno te Lea me te gų pagede pubulali.

Tigidali Nai Gagalama Nigali Side 23:19

Nosali Abrahamgo aga we Sara te ola be gų page te Makpela tǫde pubulai dao. Te tǫ bulu Mamre pąde dao, te augwaligo megi gasa nogi wabo Hebron, te Kenan tǫ pedai badu tomode elalubao.

Tigidali Nai Gagalama Nigali Side 23:4

“Ena te bulu wau bilibo bidi ede bidibaso, tama eno be tede me elalubeo. Eno te dage tomode te gų page nigabo tǫ pedai me badu mu abelama, tama eno we tede muainogo obao,” wali.

Tigidali Nai Gagalama Nigali Side 47:30

Eno homugo nago ena te ena aya dede pąba pubaligi pao. Te ena Isipdu ugwaba tolasa pelama, tama ena te augwali muani gų pageba pubaligi pao,” wali. Josepgo te tiwai po wei ponani, “Te eno nago po wabo gilama tama tiaibao,” wali.

Bomai Po 31:16

Tama Mosesbolo Genuai Bidigo te po walali, “Pąde tama nage isaibao. Tama nosali te Israel we bidigo eno augwali dali dąų wali po togolama, ena tagalaibao, te bidi me aga we tagalama, te penani ebo weba pabo tiwai gilama. Tama tiyu augwaligo ena tudiba togolama, tama augwaligo tibo godiba lotu po waibao, te augwaligo megi sigi painogo ebo te bulude bidiyu tiaibao.

Godigo Nogi Ugwaba Sabo Tęąbi Po Wabo Buku Dabe 49:19

Tialima, aga isilama, tama te hasia isali wąį dabe augwali dali te giliga ula isąwai bulude bidada peyu, bidada paibao.

Jopgo Po Asęani Elalubo Buku 41:32

Tama aga te pali sunumi da, te wę tedela mu elama, te monu dabego ili nisi tonobo ąǫ ebo dao.