Tigidali Nai Gagalama Nigali Side 14:20 - Godigo dwagi yai po buku

²⁰ Dago aga nogi ugwaba sao. Magi baso meni, nago te boi bidi dabe dali hwįbadi, tama agai nage tau selama, te nago te boi bidi dabe augwali aiyaba elalualio,” te po wai. Tama Abramgo te ma dobola sali doado bage tigidali dodolama, tama nogo si badu togolama, tama Melkisedekbolo me deli pedai mani.

Tigidali Nai Gagalama Nigali Side 14:20 Referans Kwoze

Tigidali Nai Gagalama Nigali Side 28:22

Te e masigi eno ugwaba dualali, te e da nago be elalubo bulu da olama, sa muani. Tama tigidali ena mani nai, te eno nogo si badu togolama, te eno me deli pedai te nagebolo mawaibao,” Jekopgo te po wai.

Malakai 3:10

Dagego duga doado bage tigidali dobolama, te nogo si pedai elaluyu, te me deli te eno beba sesao wali. Tama eno sę bidi dabego nai hauwa elaluaibao. Dagego tama tibaso da, te eno wiegi yai doado bage hauwa umabo dageba mayu, te dage me sǫą pogobeo, te nai mubo madi te usu egobeo. Te sunumi wali pobaso da, te dagego koneyu, te eno po tigidali mu po dao waibao.

Dwagi Yai Gesi Po Lukgo Asęani 18:12

Te Sarere deli tomode si sogo ena tubo nai gisilibo dao. Tama eno doado bage nogo si selama, te me deli nagebolo mabo dao, me badu nogo a olama, me badu nogo me si me si ena sabo dao,’ te Farisi hani bidigo te po wali.”

Tigidali Nai Gagalama Nigali Side 24:27

Tama agai te po wai, “Dago Yawe nogi ugwaba sao, te eno genuai bidi Abrahamgo God dao. Agai te eno genuai bidibolo dąų wali po te mu usu nanio, te aga dwagi yai tau sabo kolesaga ebo me, te Abraham dali homu kolesaga kęą pai bidi kolesaga ebo me, te Yawego tagalobeo. Yawego te eno genuai bidi aga amago hanigo beba dolo ena sela asama, tagalagasali dao,” tama wali.

Efesus 1:3

Dago Godibolo usu da po weyu, agai nogi ugwaba sao. Aga dago Genuai Bidi Jisas Kraisgo Aya dao, agai God dao. Tama da te Krais dali wadolama, tama te da we bidigo gedugo susiąbo bomo elalubo naide, te tobage naide Godigo wiegi yai homu ilibo sę tigidali da dali yai dao. Agai te dago homu noma bidi tau somainogo eyu te wiegi yai homu ilibo sę yai dao.

Polgo Po Pas Rom Dabeba Asęani 15:16

Tama agai ena te Krais Jisasgo sę ebo bidi bidimainogo ilama, te Juda hani isąwai gasa hani augwali tomode sę emainogo yai. Ena te Godibolo lotu po weyu sę ebo bidi pris tiwai elama, tama eno Godigo wiegi yai gesi po pusubo sę ebao. Eno te gasa hani augwali te Godiba sela aselama, tama Tedali Mobo Bidigo augwali wiegi yai mu doloba pai we bidi ilibo si, tama eno augwali Godibolo te usu si yai ofa tiwai elama mawaibao.

Malakai 3:8

Tialima eno dagebolo obao, dagego eno nai wi sali. Dagego homugo te dwagi yai kolesaga da homu eba, agawe? Mu menio. Tialima dagego e tama tebo dao. Nosali dagego enaba ma hanalu wai, ‘Magi ilama nago nai dago wi saliwe?’ Te bomai pode enaba mao wabo nai te dagego ma tolalubo dao.

Amos 4:4

God, Tigidali Bomo Elalubo Genuai Bidigo te tama po wali, “Dage Israel we bidi dabeo, tegoba, dage polo pepela yao. Dagego dwai sęgę sabo sę te lotu wabo pesage taun Betelba egi piąo. Te dage te lotu wabo pesage te taun Gilgalba pelama, te dwai sęgę sabo sę genuagia umabo sę egi piąo. Tama tiyu, tigidali sogo kigamude dagego te ofa yabo hasa dabe sela piąo. Te sela wabo sogo tigidali side, dagego te nogo si wali naide te me deli togolama, enaba mawainu sesao.

Godigo Nogi Ugwaba Sabo Tęąbi Po Wabo Buku Dabe 144:1

Eno te God nogi ugwaba sobao. Agai ena bomo elama, tonalubo dao. Agai enabolo te hwįbo kolesaga bugagia ola mobaso, tama agai eno te hwįabo sisi elalumainu yalio.

Godigo Nogi Ugwaba Sabo Tęąbi Po Wabo Buku Dabe 68:19

Dago te Genuai Bidi nogi ugwaba sao. Tigidali side agai dago sęgę tolobo dao. God deligo naga da ma siyu ebo dao.

Godigo Nogi Ugwaba Sabo Tęąbi Po Wabo Buku Dabe 44:3

Te wąį nǫų dabego hwįani, tiali goli augwaligo te tǫ te hwįnama me sabeo. Te augwa digi augwa bomogo te hwįbo tau selama, te boi bidi aiyaba me elalubeo. Menio. Nago augwali wei mu yali, tama tiyu, nage augwali dali bidiyu, tama augwaliba ula mani. Tama nago bomogo digi te boi bidi aiyaba elaluai dao.

Nehemia 13:12

Tialima, tigidali Judago te wit, me wain, me oliv wel te bugai pedai me deli te ma gagalama, sela aselama, tama te Godigo nai doado bage mubo be habuba ma muai dao.

Nehemia 10:37

“Tama te tigidali kibu bede dago te hasia nigali bret nigabo plaua dage selama, te dago gide te polasa tau elama inayani naigo te agaga pali wit dao, tama te wain, me oliv wel, tama te tedali tobage ni wai dabe selama, tama dago te nai dabe te pris dabebolo te Godigo beba mawaibao.” “Tama te Livai dabego te dago gide holali nai dabe me deli te nogo si walide sagasainu ebo sogo da, teda dago augwaliba mawaibao.

Tuni Bidi Dabego Po Elalubo Buku Si 31:12

Tama augwaligo te we bidigo Genuai Bidibolo mani te nai dabe me meba gasa nai dabe selama, te be habu dabe tomoba muani. Tama Livai bidi me aga nogi Konaniago te sę tonaluali, tama aga ama Simei aga tudi badu namba tu dolaluali.

Josua 10:42

God, te Israel dabego Genuai Bidigo, te augwali tau sobaso, tama augwaligo te tigidali tǫde bidali tuni bidi dabe tigidali augwali aiyaba elaluama, tama augwaligo tǫ te hwįanigo naga sai dao.

Bomai Po 14:28

Te tigidali kibu be sela ebo sogo, dagego te bugulali muani tubo nai dabe sese sela pelama, tama te bakstuaba muagasao, te duga hanu dabede tama tiao.

Bomai Po 14:23

Nosali dagego te nai dabe te Genuai Bidigo lotu wabo pesage deli sa muaibao, te pesageba sela pao. Tama te pesagede Genuai Bidigo gedude dagego te nai dabe te wit, me wain dabe, me ni oliv wel me dagego te nai pesage deli te sesali te nai tula siliąo. Tama me ma, dagego te kau kibu me sipsip kibu dabego gomunai wai dabe tede elama tuiąo, te lotu wabo pesagede. Dagego te tama tiyu da, teda dagego tigidali sogo God dologode naga bidibo kolesaga elaluaibao, te God dago Genuai Bidi.

Bomai Po 12:17

Dagego te nai dabe da tuiagameo. Tiali goli, dagego Genuai Bidigo ofa duga bulude tulamuo. Te ofa nai dabe da e dao. Te nogo si wabo te wit dabe, me te wain, me oliv wel, me te kau kibugo gomunai wai, me sipsip kibugo gomunai wai, me te dagego Genuai Bidi dali dąų wali po usu nabo, te nai dabe me te duga homugo mabo, te ofa me te gasa meba ofa dabe.

Israel Hanigo Namba 28:26

Tama Genuai Bidigo Mosesbolo te we bidibolo e tama po wao po wali, “‘Te gide nai siyu, wiegi yai homu ebo genuai sogo da, teda dagego te nai hasia inayali te selama, Genuai Bidibolo mao. Tama dage sisinama, lotu po wao. Tama te tedali gasagi yai sogo dagego sę me elamu dao.

Tigidali Nai Gagalama Nigali Side 9:26

Tama Noago te tiwai po me wali, “Dago te Yawego nogi ugwaba sinao, te Siemgo God da. Kenan da, te Siemgo olo sę ebo bidi elaluaibao.

Tigidali Nai Gagalama Nigali Side 14:21

Tama elama, tama Sodom tuni bidigo te tiwai po Abrambolo wali, “Naga hwįyu sali nai tigidali te naga selama, tolaluao. Tiali goli, te eno hani da, te enaba ma asomainogo yao,” wali.

Ma Dobola Sali 18:10

Tama agai te po wai, “Genuai Bidi Yawego nogi ugwaba sao. Agai dage te tuni bidigo nogode me, te Isip we bidi dabe augwaligo nogode me, te dage ma sai. Agai aga we bidi dage tau selama, tama dage te dwai kalabus sęde bidali tagalai dao.

Tigidali Nai Gagalama Nigali Side 47:24

“Nosali te gide bulali nai tau elama, sabo si, teda dagego te nai bugulama, pesage a naga holama, tama a wali pesage Ferobolo mao. Te me si me si nama pesage te dagego sao, meba te wai bulao, me badu duga we wai dali tuabo nai muao,” wali.

Tigidali Nai Gagalama Nigali Side 47:26

Tialima, Josepgo te tiwai bomo yai po me deli te Isipde muani. Te gide nai inabosi da, teda augwaligo gide sabo nai bugulama, pesage a naga holama, tama a wali pesage te Ferogo nai dao, te bomai po te megi me elalubao. Te prisgo tǫ naga te Ferogo me sabe.

2 Samuel 18:28

Tialima, Ahimas te pąba asiyu, tama aga te kingba i weyu, te tama po wai, “Da te bugagia bidibao.” Tama aga te kingba sabolama, tama te tobolu tǫba basigulama, tama aga te po wai, “King, nage eno genuai bidi da, dago te dena Genuai Bidi God nogi ugwaba sinao. Te augwaligo nage dali hwįnama, te nage sela sąwainu yali, tiali goli Genuai Bidigo augwali te dago nogoba munama, tama dago augwali aiyaba elalualio,” wali.