Tigidali Nai Gagalama Nigali Side 14:19 - Godigo dwagi yai po buku

¹⁹ Tama Melkisedekgo dwagi yai po e tiwai te Abrambolo wali, “Eno homugo te God Ugwadu Mu Bidibo Bidigo te dagalu dali tǫ dali nigali, agai te wiegi yai sę nage dali yao.

Tigidali Nai Gagalama Nigali Side 14:19 Referans Kwoze

Tigidali Nai Gagalama Nigali Side 14:22

Tiali goli, Abramgo te po wali, “Yawe da, te Ugwadu Mu Bidibo God da, agai te dagalu dali tǫ si nigali. Tama eno nogo me deli ugwaba siyu, tama aga gedude te dąų wabo po wai, ‘Eno te Sodom bidigo doado bage me sogobeo, te dwasianunu nai me deli sogobeo. Eno tiyu da, teda Yawe nago ena ela muao,’ eno te dąų wabo bomai po wali. Magi baso meni, nage Sodom tuni bidi nago te po weyu, ‘Ena digi eno te Abram te doado bage hauwa elalubo bidi pedalumainu ilai da,’ po waidalio.

Efesus 1:3

Dago Godibolo usu da po weyu, agai nogi ugwaba sao. Aga dago Genuai Bidi Jisas Kraisgo Aya dao, agai God dao. Tama da te Krais dali wadolama, tama te da we bidigo gedugo susiąbo bomo elalubo naide, te tobage naide Godigo wiegi yai homu ilibo sę tigidali da dali yai dao. Agai te dago homu noma bidi tau somainogo eyu te wiegi yai homu ilibo sę yai dao.

Efesus 1:6

Tama Godigo aga ogwa Jisasde dwagi yai homu eyu, tama da aga ogwade wadolo baso, tama agai da dali wiegi yai homu ilibo sę yai dao. Tama God agai da olo mu tau siyu agai te genuai sę ebaso, te dago God aga ula yai bomo elalubo nogi ugwaba sao.

Matyu 11:25

Tama te sogo Jisasgo Godibolo te po wai, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu, nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao.

Godigo Nogi Ugwaba Sabo Tęąbi Po Wabo Buku Dabe 24:1

Te tǫ dali, tigidali tǫde elalubo nai, te tigidali Godigo nai naga dao. Tigidali bulu me, te Godigo nigali nai dao. Tama tigidali bulude bidibo we bidi me, augwali me te Godigo hani we bidi naga dao.

Rutgo Po Elalubo Buku 3:10

Tama Boasgo te po wai, “Eno homugo wiegi yai sę Genuai Bidigo nagebolo emainogo, nage gesi wegi we dao. Magi baso meni, te kolesaga megi nago yali, te nago enabolo hanalu wali te nage eno somainogo, te nago naga bidigo ida bugagia tonaluali kolesaga te aiyaba elalualio. Te gesi bidi hauwa bidalubo, mebago doado bage hauwa elalubo, mebago doado bage menio, tiali goli, nage augwali me deli dali te augwaligo somainogo pabo homu te nago ebeo. Menio! Nago naga auwa wede homu naga me yai, te nago enabolo hanalu walio.

Godigo Sęba Tagala Palai Bidigo Po 16:17

Tama te wegigo agai da dali Pol dali sulama, wali asali. Wali asobadi, agai po bomonama mu wali, agai te po weyu, we bidi dabebolo te po wali, “E bidi dabe te Genuai Bidi Godigo sę ebo bidi dao,” wali. “Augwali asali da, dagebolo Godigo dage ma sabo tų po ola mawai hagede asalio,” te po wai.

Dwagi Yai Gesi Po Lukgo Asęani 10:21

Te sogo naga tama Godigo Dwagi Yai Mobogo Jisas dwagi yai homu mu ilali. Tama agai te po wali, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao. Awe, Aya, nago te tiwai yaibao homu elama, tama tede dwagi yai homu eyu nago tama tiwai naga yai dao,” wali.

Maika 6:6

Te ena te dagalude Genuai Bidi Godiba lotu wainu asobo sogo da, teda eno mena nai sesaibawe? Eno aga gesbidide kidu sugunama, eno magi maiabo nai elaluaibawe? Te eno wiegi yai bulmakau wai mu selama, te siaba ulugi pabo ofa yaibawe? Ma, eno te kibu be me deli elalubo dwagi yai kau kibu wai dabe sesiyu, tama siago dela silibo ofa mobaso da, teda te usugowe, ma meniwe?

Godigo Nogi Ugwaba Sabo Tęąbi Po Wabo Buku Dabe 115:16

Dagalu te Godigo pesage naga elalubao, tama agai te tǫ da we bidiba mawai dao.

2 Samuel 2:5

Tama tialima, te aga bidi meba tagala palama, te Jabes dabeba te tama po wagi pomainu yali, “Genuai Bidigo te dage wiegi yai bugagia ilimainao, magi baso meni, dagego wiegi yai homu ebo kolesaga te Solba ola mayu, te duga kingba tiali, tama dagego aga tigi pubulali dao.

Tigidali Nai Gagalama Nigali Side 49:28

Te e da, te Israel hani nogo si olama, sągągo si, tama te dwagi yai bidabo po dabe te aga ayago augwalibolo wali. Tama agai augwali tigidali deli delibolo usu nama, te po augwa ayago augwalibolo wali.

Tigidali Nai Gagalama Nigali Side 47:10

Tialima, Jekopgo Ferobolo nage tao po olama, tama aga pali.

Tigidali Nai Gagalama Nigali Side 47:7

Tialima, Josepgo te aga aya Jekop te Fero pageba odasa pali. Tama Jekopgo agabolo te “Eno homugo nage bugagia bidao,” wabo po te Ferobolo mani.

Tigidali Nai Gagalama Nigali Side 27:4

Te nago gegelama, subosi da, teda nage pelama, te eno godolo ebo nai ulama, tama nago enaba selasa asao. Te eno te nai tulama da, tama eno nagebolo te Yawego nage dali dwagi yai tau sabo sę emainao po menama, tama nosali ena isaibao.” Aisakgo te po Iso dali wali.

Dwagi Yai Gesi Po Makgo Asęani 10:16

Tama olama, tama agai nogogo te wai puluba tolalu, tama augwali deli deliba nogo ugwadu munama, tama augwaliba te wiegi yai mobo mawai.

Godigo Nogi Ugwaba Sabo Tęąbi Po Wabo Buku Dabe 50:10

Magi baso meni, te tigidali buside bidibo uni hasa, tama te tigidali bulu dude bidibo bulmakau me, te tigidali te eno naga dao.

Tigidali Nai Gagalama Nigali Side 24:3

Nago te Yawego nogide te po bomo yai po dąų wao, te dagalu de tǫ dali sigo God dao, te tama tibaso, nago eno ogwago we te Kenan tomode we dabe me te noma sigio, te ena e bidibo tǫde.

1 Samuel 15:13

Tialima, Samuel pelama, te Sol sugi pobadi, tama Solgo agabolo te tiwai siade da po wali, “Samuel, te Genuai Bidigo wiegi yai sę bugagia nageba emainao. Eno te Genuai Bidigo po wali pai dao,” wali.

Bomai Po 10:14

Dagalu ugwanu mu elalubao, te da te Godigo dao. Tama te tǫ, me te tǫde elalubo nai dabe sese tama, te Godigo naga dao.

Tuni Bidi Dabego Po Elalubo Buku Deli 29:11

“Nago tigidali bomo kolesaga mu elalubao. Nago nogi genuai elalu, te nage ugwadu mu bidibao. Nage mu polalubao. Magi baso meni, tigidali dagalude me tǫde elalubo nai tigidali te nago nigai nai naga elalubao. Tama nage te tigidali naigo tuni bidi king bidibao.

Tuni Bidi Dabego Po Elalubo Buku Si 31:8

Tama nosali Hesekia me te tobolu bidi dabe augwaligo te nai dabe sugi pali, te we bidigo sesali nai dabe, tama augwaligo Genuai Bidigo nogi ugwaba siyu elama, tama augwaligo te Israel we bidi dabe dali wiegi yai homu pemene yali.

Godigo Nogi Ugwaba Sabo Tęąbi Po Wabo Buku Dabe 115:15

Genuai Bidigo te dagalu de tǫ si pedalumainu ilali, tama eno homugo agai te wiegi yai sę ebo kolesaga dageba emainao.