Tigidali Nai Gagalama Nigali Side 14:10 - Godigo dwagi yai po buku

¹⁰ Tama te Sidim odogo tǫde te kolta sabo tǫ dedage hauwa elaluai. Tama te Sodom de Gomora gavman tuni bidi si augwa bidi dabe dali te boi hwįbaso, wi painogo homu yali, tiali goli augwali meba te kolta sabo tǫ dedage dabeba tulaluali, tama isali. Te augwaligo ami bidi dabe meba te bulu du bageba wi pai.

Tigidali Nai Gagalama Nigali Side 14:10 Referans Kwoze

Tigidali Nai Gagalama Nigali Side 19:17

Te mobo bidi ensel sigo te augwali bulubadu dilama, tama mego te po wai, “Dage wi piąo. Tiyu, dage isabuo! Dagego tudiba begelama, ma tonogio. Tama dage te malu elalubo madi toma me nenamuo. Te dage udada pelama, te bulu duba ugwa holali da, teda dage me isigobeo,” wali.

Tigidali Nai Gagalama Nigali Side 19:30

Te Lot te Soarde me bidibo wi yai. Tama tibaso, aga te bulu duba te aga wegi si dali holali. Tama augwali te ola be me delide bidai.

Jeremaia 48:44

Te bidi wi ilibo naide te bidi me deli wi pobaso da, teda aga te genuai dedageba tulalueibao. Te aga dedage tagalama, te buluba teda holobo si da, teda aga te hagani mubo wago tola saibao. Ena Genuai Bidigo te Moap dabe dage dolabo sogo bodolu te tama muai, tama tiyu, eno dage doalibao,” wali.

Aisaia 24:18

Tama bidigo te dwai sogo te asobao wabo po odama, wi pobaso da, aga te tǫ dedageba tulaluaibao. Tama aga te tǫ dedagede ma hola aselama, ma wi painu yali da, teda aga te sųgų sabo wade ma tola saibao. Te dagalude sunumi dabe dala pelama, tama te wę e tǫba gealuaibao. Tama tǫ pagede mali yaibao.

Tigidali Nai Gagalama Nigali Side 11:3

Nosali augwa hasi po minama, augwaligo tama tiwai po wai, “Awe, abagi dedeo! Dago te dwagi yai mama yai tǫ meba begelama, te siaba ulama, te masigi tiwai pedalumainu ilinao,” wai. Tama tilama, te be sę yabo masigi meni baso augwaligo te be sę ebo nai tama nigali. Tama te masigi dąų wabo simen meni baso, augwaligo te be sę eyu, dąų walobo nai kolta me selama, elaluai.

Godigo Nogi Ugwaba Sabo Tęąbi Po Wabo Buku Dabe 83:10

Te sogo nago augwali te Endor bulude dolama, tama augwa tigi te tǫde munaluama, tama damua pai dao.

Josua 8:24

Te Israel dabe augwaligo te augwa boi bidi dabe tigidali te augwali pobeasa asali, te kemi tǫ bulude ela silai. Nosali augwali te Ai hanuba ma pelama, tama augwaligo te hanu tomode bidali we bidi tigidali ela muai.

Tigidali Nai Gagalama Nigali Side 14:11

Tama Kedorlaomer aga abagi dabe dali, augwaligo te boi bidi dabe augwali aiyaba elaluai. Tama augwaligo te Sodomde me Gomora te hanu side te tigidali doado bage sobadi, tama augwaligo tigidali tubo nai dabe me sela pai.

Tigidali Nai Gagalama Nigali Side 14:17

Abramgo te Kedorlaomer gavman bidi dali, te aga abagi dabe dali boi hwįani silama, tama aga ma geasa asai. Tama te Sodom gavman tuni bidi aga Abram tiąba asali, te odogo tǫ elalubo teba sisinani, te nogi augwaligo koneai, me te Tuni Bidi Dabego Odogo Tǫ da wai.

Tigidali Nai Gagalama Nigali Side 14:21

Tama elama, tama Sodom tuni bidigo te tiwai po Abrambolo wali, “Naga hwįyu sali nai tigidali te naga selama, tolaluao. Tiali goli, te eno hani da, te enaba ma asomainogo yao,” wali.