Tigidali Nai Gagalama Nigali Side 13:9 - Godigo dwagi yai po buku

⁹ “Suao, te genuai tǫ pedai elalubao. Te naga pedai badu bidabo madi me deli dodolama, tama nago ena taga peyu, naga teba bidigi painu te usu da. Te nage dolo nogo pedai badu painogo da, teda ena te pobase nogo pedai badu paibao. Ma, nage te pobase nogo badu painogo eyu da, teda ena te dolo nogo badu bidigi paibao,” Abramgo te po wai. Te augwa ama nami si tama po dodolali.

Tigidali Nai Gagalama Nigali Side 13:9 Referans Kwoze

Hibru 12:14

Dage deli deligo te tigidali bidi dali te homu nagamea pabo kolesaga wali pabo sę bomo elama yao. Tama dagego te Godiba homugo kęą peyu, te dwai sę me isąwai kolesaga me wali pabo sę bomo elama yao. Magi baso meni. Te bidigo te tobage kolesaga meni yani da, teda agai dago Genuai Bidi me sugobeo.

Tigidali Nai Gagalama Nigali Side 34:10

Tama dage da dali te e tǫ pedaide bidagameo. Tama duga te bidainu yali, te tǫ pedaide bidagameo. Tama dagego dabolo nai dabe abeliyu, tama dago dageba nai abeliyu yaibao. Tama dagego te duga sainu wei yali nai te sagameo,” wali.

Tigidali Nai Gagalama Nigali Side 20:15

Tama agai Abrahambolo tama po wai, “Suao. Te tigidali tǫ te eno dao. Te nage me badu pedai badu bidabo homu ebaso da, te nago sę dao.”

1 Korin 6:7

Awe, dagego duga hasi te ama dabe po tų ilibo, tama te kolesagade digi te dage tulalualio. Magi baso augwaligo te dwai sę dagebolo emainu gogolobewe? Magi baso te augwaligo dagego doado bage anoma elama somainogo gogolobewe? Dagego te tiwai egi sogo da, teda tebogo dagego te Godigo po odisąwani bidigo gedude po tų ebo kolesaga aiyaba elalugi da.

Polgo Po Pas Rom Dabeba Asęani 12:18

Duga digi te hwįabo homu me egio. Te tų elalubaso da, teda dagego deli homu tigidali bidi dali elama bidiąo.

Godigo Nogi Ugwaba Sabo Tęąbi Po Wabo Buku Dabe 120:7

Te eno augwali bugagia dugaya wabo sogo, augwaligo hwįainu naga yai dao.

Tigidali Nai Gagalama Nigali Side 13:8

Tialima, Abramgo Lotbolo te po wai, “Dadi si te deli kaneme si dao. Tiyu, da si wado po wabuo, tama da si go sę ebo bidi dabe augwa hasi me wado po wabuo,” Abramgo te po wai.

Tigidali Nai Gagalama Nigali Side 13:10

Tialima, Lot dolugulama, tonono bilali. Agai te tigidali tǫ malu te wę Jordan sesegedu tonono pali, te tigidali pedaiba usu nama, te Soar te pedaiba usu nigi palio. Te tǫ tigidalide te dwagi yai wę hauwa te gasa sawi yai, te Yawego Iden gide elalubo tiwai, me tama te Isip dabe tǫde elalubo tiwai elaluali. (Tama te sogo te Yawego te Sodom de Gomora te hanu si dolisiąbadi dao.)

Jeremaia 40:4

Tialima, odao. Megi da, te eno augwaligo nage nogode kęąni sen pisigina sąbao, te nage olo bidagameo. Te nage ena dali Babilonba asabo homu ebaso da, teda nage asao, te eno nage bugagia tonalueibao. Tialima, te nago hagela homu ebaso da, te usu da, nage bidao. Te tǫ kantri pedai mena badu te nage pabo homu yali da, te nage peyu naga yagameo,” wali.