Tigidali Nai Gagalama Nigali Side 13:7 - Godigo dwagi yai po buku7 Tama wado po te Lot de Abram augwa si hasa tonalubo sę ebo bidi dabe tomode pedelali. Te sogo te Kenan dabe me, te Peres dabe me tede bidalubadi dao. Gade chapit la |
tama Abram te tǫ tomodu ma pelama, tama aga te gasa pesage te hanu nogi Sekem teba saboligi pai. Tama te bulude te gasa moni ni mu deli nogi More te elaluali. Tama te sogo te Kenan hani bidi dabe te bulude bidibadi dao, tama augwaligo augwa tibo god dabebolo te moni ni pagede te augwa lotu po weyu, bidaluali.
Tama dage te God konesiąwai we bidi tomode bidiyu, tama dwagi yai kolesaga naga yao. Magi baso meni. Augwaligo dage dali nogi posobo po weyu, “Dage dwai sę ebo we bidi dao,” po weyu da, teda augwaligo dagego dwagi yai sę naga ebo sulama, tama nosali te Godigo po tų yagasabo sogo asobo si augwaligo aga nogi ugwaba siyu te po waibao, “Ao, agai po wali pabo we bidi augwaligo dwagi yai sę yalio.”
Te duga hasi te boi bidi yabo homu dali, te wado po wabo homu dali te si menadu pedalobo dawe? Woo, dage bidi deli deligo magi nai sulama, te nai eno tigi tau somainogo, te saio homu eyu, dini ebo dao. Te tama te ebo sęgo dagego homu hodolama, tama homu si eyu, tama duga hasi konila po weyu, wado po idu gebo dao.
te Godigo nogi aba munama tama gasa naigo nogi ugwaba sabo kolesaga me, te animani sabo dwai pobi wabo kolesaga me, tama boi bidi ebo kolesaga me, te wado po wabo me, te dwai homu eyu, te konila po wabo kolesaga me, te mena nai gedugo sulama godolo eyu sabo kolesaga me, te sębę ebo kolesaga me, te nai yogo ebo homu me, te bidi hani si pedebo kolesaga me,
Jekopgo Simeon de Livai augwali sibolo te po wai, “Dage sigo ena te dwai ilalio. Te tigidali we bidi tede bidalubo, augwali te Kenan hani me Peres hani, augwaligo te ena godolo ma egobeo. Eno bidi dabe te hauwa me elalube, tama te bidi dabe augwa hasi te deliba sisiniyu da, teda augwaligo ena dali, te eno we wai dabe dali tigidali ela silaibao,” te po wai.
Magi baso meni. Polobadu da me, nage me da tigidali Godigo po odisąbadi tama da te homu kolesaga meni yai bidi tiwai bidai dao. Tama dago me po sela sąwai dao, tama tibo po odolama, tama dago pabo tųde geda muyu tama bilai dao. Tama bidibadi tama dena tigigo ebo haniani dwai kolesaga dali te tigi pusu ilibo sę me, te tobage sę ebogo da kalabus mu yai dao. Dago te bidi hasi dali dwai homu ebo kolesagade biliyu, tama dago augwaligo nai dabe pesą eyu yai dao. Tama bidi meba augwaligo da dali boi bidi eyu, tama dena hasi tomode me boi bidi naga elalua pai dao.
Tama Kenan dabe bidali tǫ dąį te Saidon tedu gagalama, tama pelama, te Gerar tǫba dąį igi pai, tama te Gasa nogi wabo tǫ te pedai badu me dąį igi pali. Tama sesegedu begelama, te Sodomba, me Gomora, me Atma, me Seboim, te hanu dabeba sabaligi palima, tama pelama, te tǫ Lasa teba sabaligi pai.
teda dagego e tiwai po agabolo waiąo, ‘Genuai bidi, dago te bulmakau me sipsip tonalubo sę te da dwasianu ogomani elalubadi gagalama, te megi e sogoba usu nagasali, te dago dena aya dede hanigo polobadu yali tiwai te dago me yai.’ Te dagego te tama tiwai po weyu da, teda dage te Gosen tǫ pedaide bida po waibao. Eno tama tiwai po wali, magi baso meni, te Isip bidi dabe augwaligo te sipsip tonalubo bidi dabe te augwaligo godolo me ebo meni, tama tedali bidimainao homu ebo dao,” Josepgo aga hani bagebolo te po wai.