Tigidali Nai Gagalama Nigali Side 13:12 - Godigo dwagi yai po buku

¹² Abram te Kenan tǫde bididuali. Tama Lot te Jordan malu elalubo hanu dabe tomoba bidigi pelama, tama aga bidabo ugwa be dabe te Sodom moni hanu pąba pidubadi geanima, tama munama, bidai.

Tigidali Nai Gagalama Nigali Side 13:12 Referans Kwoze

Tigidali Nai Gagalama Nigali Side 19:29

Godigo te tigidali malu tǫde elaluali hanu dolali. Tiali goli, agai te Abrahamba homu kone palama, tama agai te Lot dali, te aga bidali hanu dali, te me dolobeo. Te dolobo sę ebogo te Lot polobadu bidali hanu dabe mu dola silalio.

Tigidali Nai Gagalama Nigali Side 19:1

Te bidi Lot te we bidi sisinibo pesagede te Sodom hanu genuai sunumi elalubo madigi bididuai, tama piode te mobo bidi ensel si teba pedelai. Lotgo te bidi si asobo sulama, tama aga hogodama, augwali si pąba pai. Aga te bogoli sugunu pogiluama, tama aga gesabidi te tǫba mu pogulama,

Tigidali Nai Gagalama Nigali Side 14:12

Tama Lot te Abram aga amago ogwa te Sodomde me bidai, tama augwaligo aga me aga doado bage dali tigidali sela pali.

1 Korin 15:33

Augwaligo dage te tobage tibo po ola mabo gogolamuo! Bidi me deligo te dwai kolesaga ebode polobadu wali po te mu po naga dao. Agai te po wai, “Te da dwai bidi dabe dali kisasa biliyu da, teda augwaligo dwai kolesagago dago wiegi yai kolesaga ebo dolaibao,” agai te po wai.

Godigo Nogi Ugwaba Sabo Tęąbi Po Wabo Buku Dabe 26:5

Ena te dwai sę ebo bidi dabe dali bilabo te hagela homu mu ebo da. Eno augwali ela soabo dao.

Tigidali Nai Gagalama Nigali Side 19:25

Tama Yawego te hanu si dali, te malu tǫ me, te hanu side bidali we bidi tigidali badi, tama te tǫde pedelali nai tigidali te siago delama, mu dolalio.

Tigidali Nai Gagalama Nigali Side 13:11

Tama tibaso, Lot te giliga pedalubo pedai badu pelama, tama agai te wę Jordan sese badu elalubo tǫ malu tigidali sali. Tama tibaso, te augwali si hodobo ma bidibeo.

Tigidali Nai Gagalama Nigali Side 19:24

Tama Yawego digi te posolo yai masigi, me te sia dali te Sodom de Gomora hanu siba te dagaludu aiyaba tula palali.