Biblia Todo Logo
Bib sou entènèt

- Piblisite -




Tigidali Nai Gagalama Nigali Side 12:7 - Godigo dwagi yai po buku

7 Te Yawe Abram bidiboba pedelama, tama tobo po wai, “Te e genuai tǫ da, te eno nago wąį hani wai dabebolo mawaibao,” te po wali. Tama tibaso, Abramgo te Yawe agaba pedelali madi te pesagede te Yawebolo lotu po weyu, ofa nai mayu yabo alta sai nigai.

Gade chapit la Kopi




Tigidali Nai Gagalama Nigali Side 12:7
55 Referans Kwoze  

Tama Godigo agai po dąų weyu, tama Abrahambolo te tobage po wai, “Eno nage dali, nago wąį me deli dali, te dage sibolo dwagi yai sę yaibao,” te po dąų weyu wali. Tama Godigo wali po bukude augwaligo te po asębeo, “nago wąį dabe,” te bidi hauwa badi wabo menio, te wąį bidi deli nagade Godigo agai dąų wali po wai dao, tama te wąį deli te Krais naga dao.


Te nage megi e bulu wau biliyu, te e bidibo tǫ da, te eno nagebolo, me te nago hani wai dabe nosali pedalabo bage augwalibolo maiabo tǫ dao. Tigidali te Kenan tǫ dabe da, te sesemane sogo dagego tǫ elaluaibao, tama ena da, ena te nago wai puluba hani dabego God bidaibao,” wali.


Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.


Nosali Yawe te Abraham bidibo madi, te bidi Mamrego genuai ni dabe elalubo digi, teba pedelali. Te giliga sesane mu ebaso, tama Abraham te aga ugwa be sunumi mabode dulaludai.


“Te megi nago subo tǫ tigidali, te eno nagebolo mayu, tama nago nosali ame nabo hani wai dabebolo mobadi yaibao. Tama te tǫ dagego sesemane sogo mu elalua paibao.


Tama tede aga te alta sai polobadu nigali madi pelama, tama aga Yawego nogi weyu, lotu po te Yawebolo wali.


Tama tibaso, Abramgo aga ugwa be dabe gudulama, tama te bidali bulu tagalama, tama pidubadi geanima, tama aga pelama, te nosali te Hebron buluba bidigi pali, tama aga bidabo pesage te bidi Mamrego genuai ni dabe elalubo pąde te pesage nigali. Tama aga ugwa be dabe tede dodolama muyu, tama agai te Yawebolo lotu po wabo alta te bulude nigali.


Megi da, Genuai Bidigo Mosesbolo e tiwai po wai, “Nage dali, te nago Isipde odasa asali we bidi me, dagego e bulu taga peyu, tama eno dagebolo po dąų weyu, dagebolo te mawaibao wali, te buluba piąo. Polobadu eno Abrahambolo, me Aisak dali, me Jekop dali, te tiwai po wai, ‘Tama eno te tǫ te duga hani wąį nǫų dabe augwalibolo mawaibao,’ wai dao.


Tama nosali aga noma sobaso, Jekopgo te po wai, “Eno God sualio, tiali goli ena me isibeo.” Tama tibaso, agai te bulu nogi Peniel poai.


Aisakgo te ofa maiabo alta me deli te bulude dodolama, tama agai Yawebolo lotu wai. Nosali agai te bidabo pesage tede nigilama, tama aga sę bidi dabego tede tǫ diganama, tama te wę ulu me deli nigali.


‘Te bidi dabe te kibu be 20 elama, me te kibu be 20 edelai bidi dabe te Isip tagalama te asali da. Augwaligo homu dąų olama, tama augwaligo ena wali me asobeo. Tama tialima, mu tama, augwali me deli te eno te Abraham, me Aisak, me Jekopbolo mu mawaibao wali te buluba augwali me pogobeo.


Nosali Abramgo te More bulu tagalama, ma pelama, tama dolo nogo pedai badu, te saut wabo, te badu peyu, tama te bulu du elalubo buluba sabolali. Te bulu du dabe elalubo badu te sia ge pedalubo pedai badu, te Betel hanu pąde elalubo madi, te badu bidigi pai. Tama agai te pesage me deli te Betel de Ai hanu si tomode aga ugwa be dabe dodolama, muani. Te hanu Ai te giliga dulubo badu elaluali, te Betel hanu te giliga pedalubo pedai badu elaluali. Tama Abramgo alta sai te bulude me nigilama, te Yawe nogi weyu, agabolo lotu po wai dao.


Tama te Abraham dali Sara dali, te Aisak me Jekop, te we bidi augwaligo konealubo po dąų olama Godide tią peyu bidaluama tama augwali isalio. Tama augwali e tǫde bidali sogo, te Godigo polobadu augwalibolo te nai mawaibao po wali, te wiegi yai nai augwaligo me sabeo. Menio. Augwali digibulu dolaluyu, tama augwaligo augwa homugo naga te Godigo augwalibolo maiabo nai sulama, wiegi yai homu pemene yai. Tama augwaligo te gasa we bidibolo te po haninama hania wai, “Da e tǫde bidibao te gasa bulu bidi tiwai bidibao. Da e tǫde dwasianu sogo naga bidagasai dao.”


Te po page e dao, te Godigo gedude te tigigo ebo kolesagade naga pedalali wai dabe augwali te Godigo wai dabe me egobeo. Menio. Te Godigo Abraham dali dąų wali pode ame nani wai dabe, te augwali Abrahamgo hanide nogi elaluai dao.


Augwali si te Godigo po wali pesageba sabolama, tama Abrahamgo te alta sai masigigo nigilama, tama sia ugwadu daide dodolama muani. Tama agai aga ogwa Aisak te bonogo nogo sągą duanio. Tama agai aga te alta te isi daiba muai.


Tialima, Abram aga basi giluama, tama aga gesabidi tǫba pubaligiluali. Tama Godigo agabolo tama tiwai po wai,


Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.


Eno ama dedeo, dage te bidi Aisak tiwai dao. Godigo te we Sarabolo dąų wali po mobaso, tama nosali te ogwa Aisak ame nani. Tama dagede me Godigo agai dąų wali po wali pelama, tama agai dage ma dobola sai dao.


Dagego Genuai Bidi dago God godolo mu elama, tama agai po wali pelama, tama agaba mu homu tigidali sogo kęą peyu yao. Tama tilama da, dage me duga wai puluba dabe me, dage bobobage sogo mu te Genuai Bidigo dago wąį dabebolo mawaibao wali te tǫde dage bugagia mu bidaibao, te Abraham, me Aisak, me Jekopbolo mawaibao olama, po dąų walali tǫde bugagia bidaibao,” Mosesgo te po wali.


Mosesgo te po wali, “God dago Genuai Bidigo dago wąį Abraham, me Aisak, me Jekop, te augwalibolo te genuai bulu me deli, te hanu wiegi yai hanu hauwa duga digi nigisiąwai bulu mawaibao po polobadu dąų walai dao.


Te tigidali tǫ ena Genuai Bidi eno te tǫ duga wąįbolo mawaibao po dąų walai dao. Te Abraham, me Aisak, me Jekopbolo wai dao, me te augwaligo wąį nosali asobo bagebolo me. Tialima, dage megi pelama sigi piąo,’ wali,” Mosesgo te po wali.


Polobadu kibu be hauwa ena te Abraham, Aisak, Jekop, te bageba pedelali, te augwaligo koneai, ena te Tigidali Bomo Elalubo God dao. Tiali goli, eno te tama po augwali dali wabe, Genuai Bidi Yawe te eno nogi da, te po wagi sogo da, teda te nogi page augwaligo konegi dao.


Tama agai te alta me deli tede dodolali. Tama agai te alta nogi te tiwai poali, “Te Israelgo God da, te bomo yai God mu dao,” te nogi poali.


Tama Jekopgo suali, te Yawe aga pąde dolalu tama po wai, “Ena Yawe, te nago wąį Abrahamgo God, me Aisakgo God dali dao. Te megi nage e pilamubo tǫ te eno nagebolo mayu, te nago ame nabo waigo wai dabebolo me mawaibao.


“Nage te bulude bolo bidao, tama ena nage dali bidiyu, tama dwagi yai tau sabo sę nage dali yaibao. Te e elalubo tǫ pedai tigidali te eno nagebolo mayu, te nago hani wąį dabe augwalibolo me mawaibao wai. Tama eno te nago aya Abraham dali dąų wali po te eno homude me gegeda palogobeo.


Tama Noago te Yawebolo nai olo momainogo eyu, tama te ofa maiabo alta sai nigali. Tama agai te tigidali haniani hasa sibi tigidaligo te ofa maiabo usu yai hasa deli deli, me te ba dabe me sobadi elama, tama agai augwali elama, ofa yalio. Tama agai te alta sai ilali madi daide ulali.


Tama te sogode Godigo dwasianu tǫ me deli agabolo mabe, te agai tǫ tiwai elalumainu ebeo, te menio. Tiali goli, Godigo agabolo bodolu mayu, te po wai, ‘Nosali te tǫ eno nagebolo mawaibao, te nago hani wai dabe augwaligo te tǫ aya mu elama, tonaluaibao,’ te po wai. Tiali goli, Godigo te po mu wali sogode, Abrahamgo wai menibadi dao.


Te bidi Abrahamgo konealubo po Godide dąų olama tama agade tiąluyu bidali. Tama tibaso, Godigo aga i obaso, tama Abrahamgo Godigo po wali pai. Tama tiyu, aga bidali bulu tagalama, tama Godigo aga tǫ mu dolo te agabolo mawaibao wali tǫ teba pabo gagalali. Abraham aga menaba pogowe te agai me konebeo. Tiali goli aga Godigo agabolo wali pode aga homugo tiąluama, tama aga page bulu taga pai dao.


Yawe, te dagalude bidibo Godigo ena te eno ayago bede, me te ena hani dabego tǫde selama, asali. Tama agai bomai dąų wabo po wali, te agai e elalubo tǫ te eno hani wąį dabebolo mawaibao wai. Yawego digi te aga mobo bidi ensel te nage pabodu polasa tagala palaibao. Tama tibaso, nago tede te eno ogwago we gegela sueibao.


Tama eno bomo yai po augwali dali dąų weyu, te tǫ Kenan augwali mawaibao, te po wai. Augwali te bulude te tǫ page bidi hani bidisiąwai goli, eno te tǫ augwalibolo mabo homu yai.


“Nago naga sę bidi Abraham, me Aisak, me Jekop, te homugo koneao. Tama nago te bomo yai po augwali dali dąų wali po, te homude koneao. Nago bomo yai po dąų mu weyu, e tiwai po wai, ‘Eno mu po obao, eno te dagego wąį nǫų dabe te dagebolo hauwa mu, te hǫ tiwai dageba mawaibao. Tama eno po dąų weyu, te eno dagebolo mawaiba wali te tǫ, teda te tǫ te eno duga wąį nǫų dabe augwaliba mawaibao. Tama augwali sesemane sogo mu te tǫde bidada paibao,’ nago te po wai.”


Dagego homugo tilamuo, dago wiegi yai doloba pai kolesaga ebo dao homu elamuo, tama te tama tibo pagede Genuai Bidigo dago te tǫ somainogo sula tagalali dao homu elamo dao. Menio. Agai augwali sela sąwaibao, magi baso meni, augwali te dwai bidi dabe dao. Me ma, agai te wąį dabe dali dąų wali po usu nainogo te ebao, te dago wąį Abraham, me Aisak, me Jekop dali.


Te tama tialima, Genuai Bidigo Mosesbolo te po walali, “Eno te tǫ te Abraham, me Aisak, me Jekop, augwalibolo te tǫ te augwa wąį dabebolo mawaiba po eno augwali dali dąų walai dao, polobadu mu. Megi eno nago sumainu sula tagalali dao. Tiali goli, eno nage te tǫ tomoba pomainogo sula tagalogobeo,” wali.


Genuai Bidigo te dąų wali bomai po Abraham dali yai. Tama agai bomai po bodolu selama dąų wali po Aisak dali weyu te dąų wali bomai po wali pao wali.


Tialima, nage hogodama, tama biliyu, tama te tǫ tigidali nago susa bilao. Magi baso meni, te tigidali tǫ te eno nagebolo mawaibao,” te po wai.


Tama eno homugo te Godigo nage dali dwagi yai sę eyu, te nago wąį te wai dabe me tiyu, te Abraham dali dwagi yai tau sabo sę yali tiwai gilama yaibao. Tama tiyu, tama nago megi naga te bidibo tǫ sobadi yaibao, magi basowe, Godigo e tǫ te naga wąį Abrahambolo maiabo po wai dao,” wali.


Tama agai te alta sai me deli nigilama, tama te bulu nogi poali, te Betel God da wali, magi baso meni, God aga digi aga te Jekopbolo waselai, te aga amade wi elama soali, te sogo aga ola mani.


Te tǫ eno polobadu te Abrahambolo me Aisakbolo mani tǫ, te megi eno nagebolo mobao. Tama eno nago hani wąį dabebolo me mawaibao.”


Josepgo te tiwai po aga ama dedebolo wai, “Te sia sabode ena isaibao,” wai. “Tiali goli, te Godigo dage tonalueibao, tama agai dage e bulude bidali sela peyu, taga paibao. Tama agai dage odasa peyu, te Abrahambolo me, Aisak me Jekop, te augwalibolo mawaibao olama, te po dąų wali tǫba dage odasa tagaligi paibao,” wali.


Genuai Bidigo po wai digi, tama Mosesgo te Genuai Bidibolo nai ula maiabo alta sai me deli nigilama, tama te alta sai yali nogi e tiwai wai, “Genuai Bidi aga eno te nide walama, ugwaba sabo plak ugwa tiwai dao.”


Tama Mosesgo Genuai Bidigo bomai po tigidali asęai. Tama nosali side aga kigamu mu hodaluama, tama alta me deli te bulu du sesegede nigilama, tama te alta pąde agai te masigi nogo si olama sągągo si dodaluali, te Israel hani nogo si olama sągągo si te dąį ilai.


“Megi da, eno homugo nago te deli deli hani bidi wąįgo we bidi dabe namba usu nama, augwali tǫ nosali dobayao.


Nage bomo elama dolaluyu, tama nage wi me elamuo. Magi baso meni. Te nago te we bidi dabe augwali te eno augwalibolo mawaibao wali te tǫ pedaiba odasa pomainu yaibao, te tiwai eno te po augwa wąįbolo dąų wai dao.


Te silama, nosali Josuago te Israel dabego Genuai Bidi Godigo alta me deli te Ebal bulu du bagede nigai.


Augwali Gelilotba sabolali, te Kenan dabego tǫ te Jordan wę sesegede, tama augwaligo te genuai alta me deli te bulu te wę pąde dodolali.


Tama tibaso, Gideongo Genuai Bidigo alta me deli te bulude nigilama, tama agai te alta nogi weyu, “Te Genuai Bidi aga te homu nagame dua ebo bidi da,” wali. Te nigali alta te Abiesergo hani bagego tǫ pedai badu e po asębo sogode me elalubao, augwaligo te bulu nogi Ofra wai dao.


Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.


Tama Devitgo te Genuai Bidigo alta me deli te pesagede nigilama, tama te siago tigidali dabo ofa me, te God dali deli homu pedalubo ofa me, yalio. Tama nosali, Genuai Bidigo te bidi dabego augwa bulu tǫ pedai te bugagia wiegi yai emainu, te gedu haluasa po wabo odali. Tama agai te Israelde elaluali te gasi silalio.


Tialima, Elaijago te masigi dabe selama, te Genuai Bidiba ofa yabo alta nigali. Agai te alta nigila silibo si da, teda agai te alta bagulubo ąį gamia nigali. Te ąį gamiade ąį pągąwani usu te nogo si olama, sągągo me si me si, te 14 lita usu nama dao.


Genuai Bidigo te tama po wali, ‘Eno te Kenan tǫ nageba mawaibao, tama te tǫ te nago wąį nǫų dabe augwali hani wai dabego tǫ elalueibao,’ wali.


Dago God, nago koneani, da Israel dabe naga abagi Abrahamgo hani wąįgo wai puluba dao. Tama da naga we bidi mu dao. Nago e tǫde polobadu bidali we bidi nago sela sąwai dao, tama nago e tǫ te dago wąį dabebolo mawai dao. Te dago tǫ tigidali sogo elalua pomainogo tiai dao.


Tiali goli, augwaligo dago wąį dabego augwaliba te yali wiegi yai kolesaga yaliba konebeo. Menio. Augwaligo dwai kolesaga elama, tama da dali ma hwįainu ebao. Augwali polo asalio, te naga digi dabolo e mani te tǫde sela sąwainu.


Tama Josua, te Jehosadakgo ogwa, tama gasa pris dabe me, te Serubabel, te Sealtielgo ogwa, te aga deli kaneme bage me, augwaligo te Israel dabe augwa Godigo alta ma nigali. Augwa te daiba ugwadu munama te siago tigidali dabo nai muabo nai nigai. Augwa te tama tiali te bomai po me deli wali peyu, Moses te Godigo sę bidigo te bomai po wabo bukude asęai dao.


“Te sogo te Juda dabe augwali te Israel augwali dali deliba sisinama, te augwa kantri te not badu, te megi bidibo madi tagalaibao. Tama augwali te eno duga wąįba mani tǫba bidagasaibao, te augwa hanigo te tǫ sesemane elalua pidu bidaibao,” wai.


Swiv nou:

Piblisite


Piblisite