Tigidali Nai Gagalama Nigali Side 12:5 - Godigo dwagi yai po buku

⁵ Tama Abramgo aga we Sarai sobadi, te aga amago ogwa Lot sobadi elama, te augwali hodobo pali. Tama augwaligo augwa sę ebo bidi dabe me sobadi, tama augwaligo te Haran hanude sali doado bage me tigidali selama, tama pelama, pelama, tama augwali te Kenan moni tǫ pedaiba soali. Augwali te Kenan tǫba sabolai madi,

Tigidali Nai Gagalama Nigali Side 12:5 Referans Kwoze

Tigidali Nai Gagalama Nigali Side 14:14

Abramgo po odali, te tuni bidi dabe augwaligo aga ogwa sela pali po wai. Tama agai te aga hani bomai bidi dabe naga i wali. Te augwali hwįgi pabo bidi dabe namba hauwa tama, te 318 dao. Tama augwaligo te gavman tuni bidi dabe augwa ami bidi dabe dali pobasa pali, te Dan bulu dąį igi pai.

Tigidali Nai Gagalama Nigali Side 11:31

Terago te aga ogwa Abram sali, tama Lot te aga wąį da, tama Sarai te aga wąį da. Lot te Harango ogwa, tama Sarai te Abramgo we da. Tama Tera dali, te hani bidi dabe dali, augwaligo te hanu Ur tagalama, te Kaldia pedai badu tedu peyu, tama te Kenan tǫ pedaiba bidigi pai. Augwali bidada pali, tama tomode te Kenan tǫba sabalisiąbadi, te Haran tǫ teba usu nama bidaluai.

Godigo Sęba Tagala Palai Bidigo Po 7:4

Tama te po obaso, Abraham te Kaldia tǫ taga pelama, te Haran tǫba bidigi pali. Tede Abraham aga aya isali. Isilama, Godigo aga te Haran tǫdu tagala palama, e tǫba da megi Israel da bidibo tǫba asali.

Tigidali Nai Gagalama Nigali Side 14:21

Tama elama, tama Sodom tuni bidigo te tiwai po Abrambolo wali, “Naga hwįyu sali nai tigidali te naga selama, tolaluao. Tiali goli, te eno hani da, te enaba ma asomainogo yao,” wali.

Tigidali Nai Gagalama Nigali Side 10:19

Tama Kenan dabe bidali tǫ dąį te Saidon tedu gagalama, tama pelama, te Gerar tǫba dąį igi pai, tama te Gasa nogi wabo tǫ te pedai badu me dąį igi pali. Tama sesegedu begelama, te Sodomba, me Gomora, me Atma, me Seboim, te hanu dabeba sabaligi palima, tama pelama, te tǫ Lasa teba sabaligi pai.

Tigidali Nai Gagalama Nigali Side 13:5

Lot te Abram dali hodobo bilali. Agai te meme, me sipsip, me bulmakau te hauwa mu elaluyu, te genuai we bidi hani me elaluai dao.

Tigidali Nai Gagalama Nigali Side 13:6

Abram de Lot sigo sipsip, meme, te bulmakau bage hauwa mu elaluali, tama tiyu, te augwali si deli madi hodobo bidabo te usu meni yai.

Tigidali Nai Gagalama Nigali Side 28:10

Jekop te Bersebade bidali taga peyu, tama aga hogodama, te Haran teba painu pali.

Tigidali Nai Gagalama Nigali Side 36:6

Nosali Isogo aga ama taga peyu, tama aga hogodama, gasa buluba me pali. Agai te aga we wai me, te aga we wai dali bidali we bidi dabe dali sobadi, tama tigidali kibu hani sibi te agai Kenande sali nai dabe tigidali selama, tama augwali pali.

Pris Sę Ebo Bomai Po 22:11

Tialima, pris me deligo abelali olo sę ebo bidi dabe, ma olo sę ebo we dabe, te augwali aga dali bidali, te augwa wai dabe, te aga idago te prisgo bede ame nani, te augwaligo da te prisgo sabo tobage nai dabe somainao.

Tigidali Nai Gagalama Nigali Side 11:27

Te e da te Terago hani wai dabe dao. Tera te Abram, me Nahor, me Haran, te augwaligo aya da. Tama Haran te bidi Lotgo aya da,