Tigidali Nai Gagalama Nigali Side 11:30 - Godigo dwagi yai po buku

³⁰ Tama Saraigo wai ame nabo usu me ebeo.

Tigidali Nai Gagalama Nigali Side 11:30 Referans Kwoze

Dwagi Yai Gesi Po Lukgo Asęani 1:36

Edao. Naga be bidi we Elisabet mosi dabe mu bidai goli, agai ogwa haliga elalubao. Polobadu augwaligo te wego wai ame nogobeo wai dao. Tiali goli, megi aga haliga elalubadi, polua a naga olama, me badu nogo deli polo pai dao.

Dwagi Yai Gesi Po Lukgo Asęani 1:7

Tiali goli augwali si wai menio. Te we Elisabet aga haliga dąų wai. Te Elisabet dali Sekaraia dali augwali si monu dabe mosi dabe eyu, wai ame nabo usu meni yai.

Godigo Nogi Ugwaba Sabo Tęąbi Po Wabo Buku Dabe 113:9

Tama agai te wai ame nisąbo we dabeba bugai sę elama, tama augwa te wai hauwa ame nomainu ebaso, tama te we dabe augwa pemene mu ebo dao. Te Genuai Bidigo nogi ugwaba sao.

1 Samuel 1:2

Elkanago we si sai, te we si nogi Hana me Penina. Peninago wai meba ame nani, tiali goli Hanago wai me ame nabeo.

Te Israel Tobolu Bidi Dabe 13:2

Tama bidi me deli te Sora hanude bidali, te bidi nogi Manoa. Aga te Dango hani bidi. Te agai wego te wai me ame nesiąwai.

Tigidali Nai Gagalama Nigali Side 29:31

Te Yawego suali, te Jekopgo Lea te godolo kuna me isąwai. Tama agai te Lea haliga emainu tau sai. Tiali goli, Reselgo wai meni yai.

Tigidali Nai Gagalama Nigali Side 25:21

Te Aisakgo wego wai me ame nabeo. Tama tibaso, Aisakgo aga tobade gedu haluasa po weyu, te Yawego aga we tau somainu yai. Yawego te Aisakgo gedu haluasa po wabo odama, tama Rebeka haliga yalio.

Tigidali Nai Gagalama Nigali Side 11:31

Terago te aga ogwa Abram sali, tama Lot te aga wąį da, tama Sarai te aga wąį da. Lot te Harango ogwa, tama Sarai te Abramgo we da. Tama Tera dali, te hani bidi dabe dali, augwaligo te hanu Ur tagalama, te Kaldia pedai badu tedu peyu, tama te Kenan tǫ pedaiba bidigi pai. Augwali bidada pali, tama tomode te Kenan tǫba sabalisiąbadi, te Haran tǫ teba usu nama bidaluai.

1 Samuel 1:5

Elkanago te Hana godolo mu yali, tiali goli Elkanago te ofa ebo mi agabolo te genuai pedai me mabeo. Menio. Agai te mi pedai deli naga mani. Magi baso meni, Godigo te Hanago haliga paliama, tama aga wai me ame nabeo.