Tigidali Nai Gagalama Nigali Side 10:19 - Godigo dwagi yai po buku

¹⁹ Tama Kenan dabe bidali tǫ dąį te Saidon tedu gagalama, tama pelama, te Gerar tǫba dąį igi pai, tama te Gasa nogi wabo tǫ te pedai badu me dąį igi pali. Tama sesegedu begelama, te Sodomba, me Gomora, me Atma, me Seboim, te hanu dabeba sabaligi palima, tama pelama, te tǫ Lasa teba sabaligi pai.

Tigidali Nai Gagalama Nigali Side 10:19 Referans Kwoze

Hosea 11:8

“Dage Israel, te eno dage tagalu da me egobeo,” wali, “te ena dagede wi me pogobeo. Tama eno dage te bulu Atma me Seboim, te bulu si bidi hani mu silali tiwai gilama da me tegobeo,” wai. “Eno dage tigidali mu doloyu da me egobeo, magi baso meni, eno dage godolo homu mu ebo dao,” wali.

Jeremaia 25:20

tama te Isip tomode bidali gasa hani webidi tigidaliba mawaibao. Tama eno te tǫ kantri Us kingtigidaliba me mayu, te tǫ kantri Filistia king tigidalibamawaibao. Filistiade te tama tǫ pedai distrik elalubao, Askelon, me Gasa, me Ekron, me tǫ pedai distrik Asdottede me bidali we bidibolo mawaibao.

Te Israel Tobolu Bidi Dabe 16:1

Tialima, Samsongo te Lehi hanu tagalama, te Gasaba pai. Tama te Gasa bulude agai te penani we me deli sulama, tama aga te wego beba bidigi pali.

Bomai Po 32:8

God ogwa dagalu bidi, aga digi te tigidali we bidi hani bidabo pesage dobola menama, tama augwali bidabo digi dąį elama, mawai dao. Tama hasia bolo agai te Israel dabe nedama, augwaligo namba wali pelama, tama augwaligo tǫ dąį elama, tama tebogo gasa hani we bidi bidabo digi nosali dąį ilai dao.

Tigidali Nai Gagalama Nigali Side 26:1

Gasa sogo te nasi ebo si te buluba pedelali, te polobadu Abraham bidali sogo pedelali nasi tiwai ma pedelali. Tialima, Aisak te Filistia dabego tuni bidi Abimelek bidibo bulu te Gerarba pali.

Tigidali Nai Gagalama Nigali Side 20:1

Te Abraham te Mamre tede bidali taga peyu, te Negeb moni tǫ pedai te badu pelama, tama aga te bulu si Kades me Sur, te bulu si tomode bidali. Aga te Gerar hanude te aga we Sara dali bidai.

Tigidali Nai Gagalama Nigali Side 18:20

Tialima, Yawego te po wali, ‘Te haniani dwai sę mu dabe te Sodom de Gomora hanu side pedalubo walio.

Godigo Sęba Tagala Palai Bidigo Po 8:26

Te Godigo ensel bidi me deligo Filipbolo te po wai, “Nage sisi elama, te saut eba pedai badu soao, te Jerusalem pabo tų tagalama, te bulu nogi Gasa teba pabo tųba pao,” te po wai. Te pabo tų te kemi tǫ naga bega palai elalubo bulu da. Te sunumi te bidi meni yai badu elalubao. Tama tibaso, Filip aga sisi elama, polo pali.

Tigidali Nai Gagalama Nigali Side 10:18

Arvat, Semar, me Hamat, tama nosali Kenango hani deli deli pelama, te bidabo pesage te hauwa tǫ pedai badu nigilama, bidali.

Tigidali Nai Gagalama Nigali Side 10:20

Te bidi Hamde pedelali hani dabe te e tama. Te deli deli hani dabe te augwa bulude digi bidada pali. Tama nosali deli deli hani te augwa po tedali deli deli ola pelawai.

Josua 19:28

tama Ebron, me Rehop, me Hamon, me Kana tama pali, te genuai hanu Saidonba sabolali.

Tuni Bidi Dabego Po Elalubo Buku Si 14:13

Tama tialima Asa aga ami bidi dabe dali augwaligo te bage pobeasa pelama, taun Gerarba usu nigi pali, tama ami bidi dabe hauwa mu elama isilali, tama te Sudan ami bidi dabego ma hwįabo usu meni yani. Genuai Bidigo aga ami bidi dabe tau sali, te Juda dabe dao, tama augwaligo augwali mu dolama, tama augwaligo te boide augwaligo nai dabe hauwa mu sali.

Aisaia 23:4

Hanu Saidon, nage hale yao. Magi baso meni. Te bomai hanu te tamu ąįde elaluali hanu polo dolalio. Tama te tamu ąįgo te po walio, “Hobede mu dao. Eno wai dabe ame nabe. Tama ena te wego wai ame nainu dene isąwai ąǫ yalio. Tama eno sawi ogwa wegi ame nisąwai ąǫ elama, negisąwai ąǫ yalio,” wali.

Jeremaia 47:1

Genuai Bidigo te kantri Filistia dali po elaluai, tama agai te po te Jeremaiabolo mawai, te Isip kingo te Gasa buluba boi hwįsiąbadi, te Filistia dabego genuai taun me deli dao.

Esekiel 28:21

“Tǫde bidi, nago te taun Saidonba ugwa tonama, tama te po wao, te aga dolaibao po wao.

Bomai Po 2:23

Te tama tiali gilama, tama te ailan Krit hanigo te Av dabe ela silama, augwali tede bidibo gilama tiali. Augwaligo tǫ te genuai tamu wę Gasa pąba tama usu nigi pelama elaluali, te sautba polo badu. Tama te Krit dabego augwaligo tǫ selama, augwali tede bidali.)

Te Israel Tobolu Bidi Dabe 6:4

Augwali bidabo pesage te tǫ pedai badu nigagaselama, tama gide elalubo nai dabe tigidali dolama, te Gasa tǫ pedai badu te saut teba usu nigi palio. Augwaligo te Israel dabego nai me badu dwasianu tagalama elalumainu me ilibeo. Tama augwaligo te sipsip dabe me, te bulmakau dabe me, te tigidali donki dabe me, te augwaligo tigidali sela pela silalio. Augwaligo te nai dabe te deli me tagalama me elalumainu ebeo.

1 Samuel 13:18

tama gasa hani meba te giliga dega sabo badu te Bethoron teba pali, tama gasa hani me te giliga pedalubo badu te tǫ wa pai bulu du pą badu pali, tama te bulu odogo yai badu te augwa nogi eyu, te uni yowi dabego odogo bulu da wai.

Tuni Bidi Dabego Po Elalubo Buku Si 14:12

Asago gedu haluasa po ola silama, tama aga ami bidi dabe dali augwali Sudan dabe dali boi hwįgi pali. Tama Genuai Bidigo Sudan dabe aiyaba elalubaso, te Sudan dabe augwali wi pali.

Jopgo Po Asęani Elalubo Buku 38:20

Tama nago ena te ula dali, hulia sabo dali si wali pelama, pabo sunumi nago enabolo ola mawaibawe?

Aisaia 23:11

Genuai Bidigo nogo te tamu wę daide balalubao, te tamu wę sesegede elalubo bulu dabe dolainu. Tama tibaso, te bulu we bidi dabe augwali didibili dwai mu ebao. Agai te Fonisia bulude bomai hanu dabe dolainu po polo mawai dao.