Tigidali Nai Gagalama Nigali Side 1:31 - Godigo dwagi yai po buku

³¹ God aga digi nigali nai tigidali sulama, dwagi yai yai baso, tama aga dwagi yai homu pemene mu yai. Te be huliama, kigamu be posai. Te be posobo te nogo a naga me badu kibisa deli wali silali.

Tigidali Nai Gagalama Nigali Side 1:31 Referans Kwoze

2 Timoti 4:4

Magi baso meni. Dago koneani, te Godigo nigali nai tigidali, te wiegi yai naga yai. Tiyu dago sąyabuo. Dago Godibolo usu da weyu gedu haluasa po olama sao.

Godigo Nogi Ugwaba Sabo Tęąbi Po Wabo Buku Dabe 104:24

Genuai Bidi, nago nai hauwa nigai! Nago genuai homu kolesagago koneama, te nai tigidali nigai. Nago nigali nai tigidali tǫde mu pągąwai.

Ma Dobola Sali 20:11

Nago te tama tiao, te magi baso meni, te a naga olama me badu nogo kibisa deli sogo naga Genuai Bidi eno te tǫ dagalu, me te tamu ąį, me te tigidali elalubo nai nigai. Tiali goli, te a naga olama me badu nogo si wali, te me deli sogo eno olo bidiyu, toma tuai dao. Tama tibaso, Genuai Bidi eno te Sabat side te gasagi yai side te me tedali mu ilai. Tama te side te eno bodolu dolo mu dao.”

Godigo Nogi Ugwaba Sabo Tęąbi Po Wabo Buku Dabe 104:31

Eno homugo Genuai Bidigo genuai nogi dali, ula dali, sesemane sogo bidada peyu, bidada pao. Tama Genuai Bidigo aga nigali nai tigidali dali dwagi yai homu yagameo.

Te We Bidi Dabego Jerusalem Hagede Gela Wali 3:38

Te Ugwadu Mu Bidibo Godigo naga te we bidi bugagia bidimainu ebo dao, ma augwali te genuai sęgę somainu ebo dao.

Jopgo Po Asęani Elalubo Buku 38:7

Tama te sę ebo si da, te dagalu hǫ dabe dwagi yai homu pemene elama, balia po wai dao. Tama te ensel dabego me dwagi yai homu pemene elama, hae wali.”

Tigidali Nai Gagalama Nigali Side 2:2

Godigo tigidali sę te nogo a naga olama, te nogo me badu wali kibisa nogode silama, tama nogo a naga olama, me badu nogo si wali tede aga olo bidai dao.

Tigidali Nai Gagalama Nigali Side 1:23

Be huliama, kigamu be posobo pedelali. Te be posobo a naga wali silai dao.

Tigidali Nai Gagalama Nigali Side 1:8

Tama te dąį nigilali nogi agai te “Dagalu da,” po wali. Te be huliama, te be posobo ula pedaluyu elama, tama te be posali si sogo wali silali.

Tigidali Nai Gagalama Nigali Side 1:5

Tama tiyu, tama be posobo nogi agai poali te “Be posobo sogo ulade.” Tama te be hulibo nogi agai poali, te “Hulide dao,” wai. Be huliama, tama be posobo ula pedaluyu elama, tama te be posali deli sogo wali, hasia sogo deli wali silali.

Tigidali Nai Gagalama Nigali Side 1:19

Te be huliama, be posobo pedelali. Te be posobo me si me si wabo silai dao.

Tigidali Nai Gagalama Nigali Side 1:13

Tama be huliali silama, tama kigamu be posobo pedelai. Te be posobo sela wabo silali dao.

2 Timoti 4:5

Te Godigo te naide polobadu wali po dali, te dago gedu haluasa po wabo po dali, te po sigo te nai wiegi yai ilama pedalubo dao. Tama tibaso, te nai dago tuagameo, po meni.

Ma Dobola Sali 31:17

Te side te po dąų wabo tiwai elama, te ena tomode me te dage Israel bage dali te po sesemane sogo elalua paibao. Magi baso meni, ena Genuai Bidi eno te dagalu de tǫ si nigali, te 6 te tama sogo nigilama, tama te 7 wali, te me deli sogo eno te sę tigidali tagalama, tama ena toma tuyu, olo bidai dao.”

Godigo Nogi Ugwaba Sabo Tęąbi Po Wabo Buku Dabe 104:28

Nago nai augwali mobaso, te nai augwaligo tubo dao. Nago naga augwali nai mabo dao, tama augwaligo haliga pągąwai.

Godigo Nogi Ugwaba Sabo Tęąbi Po Wabo Buku Dabe 119:68

Nago wiegi yai mu eyu, tama nago olo mu tau sabo kolesaga enade ebao. Nago bomo yai po ena bugagia ola maduao.

Bugagia Bidibo Kolesagade Po Asęai Buku 16:4

Genuai Bidigo te tigidali nai nigilama, tama augwalide te sę dabe elalubao. Tama tiwai naga, Genuai Bidigo te dwai kolesaga yabo bidi dabe nigilali, tama agai augwali nigali te po tųde hagamainu nigalio.

Kolesaga Koneai Bidigo Pusali Po Elalubo Buku 3:11

Godigo digi te tigidali nai pedelabo sogo bodolu muani, tama augwali te wiegi yai sogo bodolu muanide mu pedelaibao. Tama me agai dago homu hodolama, tama dago te polobadu pedelali nai dabe konemai da homu eyu, tama te nosali pedelabo nai me konemainu homu eyu tama tiali. Tiali goli, Godigo aga polobadu digi ela pali sę tigidali te nosaliba mu usu nama, te dago mu konemainu ebo sę ebeo.

Tigidali Nai Gagalama Nigali Side 2:3

Godigo te a naga olama, nogo me badu si wali side te dwagi yai po weyu, tama te side te gasagi yai tedali side da wai. Magi baso meni, aga tigidali nai nigibo sę ebo silibaso, te sogo God agai sę me ebeo, aga olo bidai.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.