Tigidali Nai Gagalama Nigali Side 1:28 - Godigo dwagi yai po buku

²⁸ Tama Godigo dwagi yai po mobo augwalibolo mayu, bomonama te po wai, “Dagego wai dabe hauwa ame nenama, tama augwali pelama, te tigidali bulu tǫ usu nama bidada pelama, tama te tǫde tigidali elalubo nai dabe tonaluaibao. Tama eno dagebolo te sųgų dabe me, te ba dabe me, te bulude genuai hasa, me dwasianu hasa dabe, te tonaluabo bomo mobao,” wali.

Tigidali Nai Gagalama Nigali Side 1:28 Referans Kwoze

Tigidali Nai Gagalama Nigali Side 9:1

Te Godigo dwagi yai po mobo Noabolo me, aga ogomani dabe dalibolo mayu, e tama po wali, “Te wai dabe hauwa mu ame nenama, te dagego hanigo te tigidali tǫ pedai pągąna sao.

Tigidali Nai Gagalama Nigali Side 9:7

Megi da, dagego wai dabe hauwa ame nomainao, tama dagego wai dabe hani te hauwa mu pedelama, tama tigidali tǫ pedai badu pągąna sao,” Godigo te po wai.

Pris Sę Ebo Bomai Po 26:9

“Te eno dage wiegi yai iliyu, dagebolo eno te wai hauwa menama, te dage genuai hani pedalumainogo ilaibao. Te eno polobadu dage dali te dąų wali bomai po kontrak usu naibao.

Tigidali Nai Gagalama Nigali Side 1:22

Tama augwali bugagia bidimainogo eyu, Godigo augwalibolo dwagi yai po mobo mayu, te po wai, “Te tamu ąįde haniani nai dabe geninama mu pedelama, tama te tamu ąį pągąna sao,” po wali. “Tama te ba dabe me tǫde umabo pedelao,” wai.

Aisaia 45:18

Genuai Bidi naga te God. Agai te dagalu dali, tǫ dali si nigali bomo mu pedelali. Agai te tǫ olo elalumainu nigibeo. Menio. Agai te tǫ page bugagia dodolama, tama tigidali nai tede elalumainu nigali. Agai te tiwai po obao, “Enaduba deli naga ena Genuai Bidi, te gasa god munu me bidibeo.

Tigidali Nai Gagalama Nigali Side 17:20

Nago enabolo te Ismael me bugagia tonaluao wali. Teda eno tama tiaibao. Te eno agabolo wiegi yai tau sabo po mawaibao. Tama tiyu, eno agabolo te wai puluba hauwa menama, tama eno agai wai puluba hani te umabo mu pedalumainu ilaibao. Te aga te nogo si olama, sągągo si tobolu bidigo aya pedaliyu, tama eno agai hani wai dabe te genuai mu pedalumainu yaibao.

Tigidali Nai Gagalama Nigali Side 8:17

“Tama tigidali hasa sibi dage dali aiyaba sela dulao, te ba dabe me, te be pąde bidalubo hasa dabe me, te genuai bulu hasa dabe me, dwasianu hasa dabe me, te tigidali te tǫba dulao. Te augwali bilaluyu, tama wai dabe ame nenama, umabo pedaliyu, tama tigidali tǫ pedai usu ilimainao,” Godigo te po wai.

Godigo Nogi Ugwaba Sabo Tęąbi Po Wabo Buku Dabe 107:38

Genuai Bidigo te aga we bidi dabeba wiegi yai sę ela mani. Tama tiyu, augwa te wai hauwa ame neyu, tama agai te bulmakau dabe me hauwa pedalumainu ilalio.

Tuni Bidi Dabego Po Elalubo Buku Deli 4:10

Me sogo deli Jabesgo te Israelgo Godiba gedu haluasa po te tiwai wali, “God, eno homugo nago ena tǫ hauwa mao. Te eno homugo nage ena dali bidama ena tau sao, te nago ena bugagia tonaluao, te dwai nai dabego enabolo dene maidalio,” wali. Tialima Godigo agai gedu haluasa po wabo odama, tama Jabesgo agaba hanalu wali sę po tiwai sę yai dao.

Tigidali Nai Gagalama Nigali Side 26:24

Te sogo hulide Yawe te agaba pedelama, tama te po wai, “Ena naga aya Abrahamgo God dao. Nage wi me elamuo. Ena nage dali bidibao. Te eno nage tau siyu, nage dali dwagi yai sę elama, tama nago wąįgo wai dabe hauwa pedalumainu yaibao, magi baso meni, eno te ena sę bidi Abraham godolo mu yali dao, tama aga tobade eno tama tiaibao,” wali.

Tigidali Nai Gagalama Nigali Side 17:16

Te eno Sara wiegi yai tau sabo po menama, tama agai nago ogwa me deli ame naibao. Te eno Sarabolo wiegi yai homu elama, dwagi yai tau sabo po mayu, tama aga te we bidi hauwa hanigo auwa mosi pedelama, tama meba te gavman tuni bidi pedelama, bidaibao,” wali.

Tigidali Nai Gagalama Nigali Side 49:25

Aga te naga ayago God, tama aga bomo mu tigidali elalubo. Eno homugo agai nage mobo mayu, tama nage tau sabo. Te mobo hauwa Josepba muaibao, te kulubage ugwadu tulubo, tama tǫ dologode wę pedalubo, te idago wai hauwa ame nabo mobo mobadi,

Tigidali Nai Gagalama Nigali Side 33:5

Tama Isogo tonono bilama, suali, te we dabe me, wai puluba dali sulama, tama agai Jekopbolo hanalu wali, “Te e mena we wai nage dali bidibawe?” Jekopgo po wei ponoyu, te po wai, “Godigo wiegi yai kolesaga nago sę bidi enabolo elama, tama agai te wai dabe enabolo mawai dao.”

Tigidali Nai Gagalama Nigali Side 24:60

Tama Rebekabolo wiegi yai sę pedalumainu eyu, augwaligo te tiwai wai, “Abe, dena homugo te nage umabo bidi mugo ida pedelaibao. Te nago wąį hani augwaligo te augwa boi bidi aiyaba elaluama, tama augwaligo hanu dabe somainao” te po wai.

Godigo Nogi Ugwaba Sabo Tęąbi Po Wabo Buku Dabe 69:34

Dagalu dali, tǫ dali, tamu ąi, me te tamu węde elalubo tigidali sųgų dabe, dage tigidaligo te God nogi ugwaba sao.

Jopgo Po Asęani Elalubo Buku 42:12

Tede gagalasa, Genuai Bidigo te bidi Jop dali dwagi yai sę hauwa mu yalio. Tama aga sabi simanobo sogo bidali da, aga hasia bidali kibu be edelama, mu bidalio. Tama te bidi Jopgo 14,000 sipsip kibu, me 6,000 kibu kamel, me 2,000 bulmakau kibu, tama 1,000 donki kibu so pedelama, elaluali.

2 Timoti 4:3

Tama tiyu, augwaligo e tiwai po ola mabo dao, “Dagego te we sabo sę elamuo, te sę habu selai sę dao,” te po augwaligo ola mabo dao. Tama me augwaligo haniani tubo nai me badu habu selebo dao. Tiali goli Godigo te nai dabe nigali te da bidigo konealubo po dąų weyu tama agai mu po koneani we bidi, dago te nai dabe selama tuyu, tama Godibolo gedu haluasa po weyu ‘Nage usu da’ omainogo yai.

Tigidali Nai Gagalama Nigali Side 5:2

Godigo bidi deli badi, we deli badi nigai. Agai augwali si nigilama, tama augwali si dali dwagi yai sę yabo po olama, tama augwali si nogi poliyu, “Bidi da” wai.

Godigo Nogi Ugwaba Sabo Tęąbi Po Wabo Buku Dabe 8:6

Nago da sa muyu, te nago nigali nai tigidali tonalumainu yai. Nago te tigidali nai dago dologoba munama, elalubo dao.

Tigidali Nai Gagalama Nigali Side 6:1

Nosali te we bidi hauwa te tigidali tǫde pedelama, tama augwaligo wegi mani me hauwa elaluai.

Jopgo Po Asęani Elalubo Buku 39:11

Nago koneani, agai bomo genuai mu elalubo. Tama tibaso, nago homugo agai nage tau selama, nago genuai sę yaiba eyuwe?

Godigo Nogi Ugwaba Sabo Tęąbi Po Wabo Buku Dabe 8:7

Awe, tigidali sipsip me, bulmakau me, te buside elalubo tigidali hasa dabe me,

Godigo Nogi Ugwaba Sabo Tęąbi Po Wabo Buku Dabe 115:16

Dagalu te Godigo pesage naga elalubao, tama agai te tǫ da we bidiba mawai dao.