Tigidali Nai Gagalama Nigali Side 1:20 - Godigo dwagi yai po buku

²⁰ Te tudibadu Godigo te po wai, “Węde te haniani bidibo ula elalubo nai dabe geninama pedelao,” po wai. “Tama te ba hani dabe pedelama, te dagalu tomode bola bilaluao,” wali.

Tigidali Nai Gagalama Nigali Side 1:20 Referans Kwoze

Tigidali Nai Gagalama Nigali Side 2:19

Tama tibaso, Godigo tǫ selama, tama te tǫgo agai te tigidali kibu sibi, me hasa sibi, me te ba sibi nigali. Tama Godigo te hasa me ba sibi dabe te bidi bidibo madigi selasa pelama, te agai augwali mena nogi poaibao, te konemainogo tama yai. Tialima, bidigo te hasa sibi tigidali deli delibolo nogi mena mena pali, tama augwaligo te nogi tama elaluali.

Te Israel me Juda Hani Sigo Tuni Bidigo Po Elalubo Buku Deli 4:33

Te agai wali po dabede te tiwai te tobage tigidali nai dabede po peni togoliyu, mesegelama wali, te genuai ni te tiwai te Lebanon moni ni bǫ, me te dwasianu ni te hisop te masigi obo dabede holobo ni po wali. Tama agai te tobage hasa me, ba me, yogeai me, sųgų, te tama tobage nai dabede po me wai dao.

Godigo Nogi Ugwaba Sabo Tęąbi Po Wabo Buku Dabe 148:10

tama te bidi dabego tonalubo kibu hasa dabe, me te bulu uni hasa dabe, tama te hasamani dabe, me te ba dabe, te dagego Genuai Bidigo nogi ugwaba sao.

Tigidali Nai Gagalama Nigali Side 1:30

Tiali goli, eno te gesi ni yabe tiwai ni yabe te tigidali genuai bulu hasago me, dwasianu hasa dabego me, te tigidali ba dabego tuabo nai te eno mawai dao,” te po wai. Tama te nai dabe augwaligo tuabo nai tama pedelai.

Tigidali Nai Gagalama Nigali Side 8:17

“Tama tigidali hasa sibi dage dali aiyaba sela dulao, te ba dabe me, te be pąde bidalubo hasa dabe me, te genuai bulu hasa dabe me, dwasianu hasa dabe me, te tigidali te tǫba dulao. Te augwali bilaluyu, tama wai dabe ame nenama, umabo pedaliyu, tama tigidali tǫ pedai usu ilimainao,” Godigo te po wai.

Tigidali Nai Gagalama Nigali Side 1:22

Tama augwali bugagia bidimainogo eyu, Godigo augwalibolo dwagi yai po mobo mayu, te po wai, “Te tamu ąįde haniani nai dabe geninama mu pedelama, tama te tamu ąį pągąna sao,” po wali. “Tama te ba dabe me tǫde umabo pedelao,” wai.

Tigidali Nai Gagalama Nigali Side 1:14

Te tudibadu Godigo te po wai, “Te be huliyu, posoyu yabo te bodolu mumainogo, te ula ebo nai dabe te dagalude pedalumainao. Tama elaluyu, augwaligo te polua dabe me, te kibu be dabe me, te kibu be yabo sogo te haniani bodolu muna muna paibao.

Tigidali Nai Gagalama Nigali Side 1:7

Godigo te dąį pedalumainogo yali, te ugwadu elalubo ąį me, aiyadu elalubo wę me, te buguliyu tama tiali.

Godigo Sęba Tagala Palai Bidigo Po 17:25

Me ma, agai dago nogode agai nai tubo mu menio. God aga digi tigidali tǫde bidibo we bidibolo noma mabo dao. Tigidali nai dabe dago gegelama sabo, te Godigo naga mabo dao.

Kolesaga Koneai Bidigo Pusali Po Elalubo Buku 2:21

Eno te tiwai homu ebao, te bidi mebago te sę bugagia yabo skul olama, te wiegi yai homu kolesaga koneani elalu, te augwa sę dene elama, te nai hauwa sali. Tama nosali augwali isibaso, te gasa bidi dabego te nai dabe olo saibao. Te kolesaga dwai mu ebao, tama te page meni yai mu elalubao.

Tigidali Nai Gagalama Nigali Side 1:19

Te be huliama, be posobo pedelali. Te be posobo me si me si wabo silai dao.

Tigidali Nai Gagalama Nigali Side 1:21

Tama tiyu, Godigo te tamu ąįde bidabo moni dobo dwai sųgų dabe nigilali, tama te węde bidabo haniani ąį hasa me, te haniani ba dabe me nigilai. Godigo aga digi nigali nai dabe tigidali suali wiegi yai yai baso, tama aga dwagi yai homu pemene yai.

Tigidali Nai Gagalama Nigali Side 7:21

Tama tǫde bidibo ula elaluali nai dabe tigidali isa silai, te ba dabe me, te be pąde bidalubo hasa dabe me, te dwasianu hasa dabe me, tama tigidali nai me, te we bidi dali tigidali isila silai.

Pris Sę Ebo Bomai Po 11:42

Te haligago bulu bilibo tobage hasa dabe, ma te nogo sągągo bilibo hasa, ma te sągą hauwa elalubo hasa me, te dagego me tugio. Augwali te wiegi yai nai dabe meni, te habu sao.

Pris Sę Ebo Bomai Po 11:43

Dagego te hasa sibide deli me tugio. Te dagego tubaso da, te eno gedude dage meda mu pedelaibao,” po wai.

Jopgo Po Asęani Elalubo Buku 12:9

Tigidaligo mu koneani, te Genuai Bidigo ebo kolesaga tigidali.