Tigidali Nai Gagalama Nigali Side 1:14 - Godigo dwagi yai po buku

¹⁴ Te tudibadu Godigo te po wai, “Te be huliyu, posoyu yabo te bodolu mumainogo, te ula ebo nai dabe te dagalude pedalumainao. Tama elaluyu, augwaligo te polua dabe me, te kibu be dabe me, te kibu be yabo sogo te haniani bodolu muna muna paibao.

Tigidali Nai Gagalama Nigali Side 1:14 Referans Kwoze

Bomai Po 4:19

Tiyu dagego dagalude elalubo subo nai dabeba lotu po waidalio, te giliga, me polua, me hǫ dabeba lotu olamuo. Menio. God dago Genuai Bidigo te gasa we bidi dabego te nai dabeba lotu omainu sula tagalai dao.

Jeremaia 31:35

Genuai Bidigo giliga muani te ula momainogo yali, tama agai polua me hǫ dabe dąį ilali, te hulide ula momainogo muani. Agai te tamu ąį hodolobaso, te genuai ąį dini pedalu, te genuai u wabo. Aga nogi e tiwai, Tigidali Bomo Elalubo Genuai Bidi dao. Agai te tama po wai,

Godigo Nogi Ugwaba Sabo Tęąbi Po Wabo Buku Dabe 148:3

Giliga me polua, dage sigo me te aga nogi ugwaba sao. Tama te ula mu ebo hǫ tigidaligo te agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 148:6

Agai te po wali gilama tama augwa te bidimainu yali pesagede mu sesemane sogo bidibao, tama te agai po munu me siligobeo.

Amos 5:8

Godigo te hǫ dabe pedalumainu ilama, tama tigidali ula ebo nai ugwadu elalubao. Agai te be huliali hasegeleyu, tama te be posobo dao, te ula elalubo hasegeleyu, tama be hulibo dao. Tama agai te tamu ąį asomainu i ola asama, tama agai te tǫba ugwadu gea palagasaibao. Agai te bomai bidi dabe me doliyu, te augwa bomai be dabe me dolobo dao. Godigo digi te tobage tigidali sę ebo dao, tama aga nogi e tiwai elalubao, Genuai Bidi dao.

Joel 3:15

Tama te giliga me polua te hulia siyu, te hǫ dabe me ula ma egobeo.

Jeremaia 10:2

Agai te tiwai po obao, “Dagego te gasa tǫ pedai kantride bidibo hani dabego kolesaga wali pigimio. Augwaligo te gasagi yai nai te dagalude pedalubo sulama, te augwa wi mu yaibao. Tialima, dage da, wi me elamuo. Menio.

Godigo Nogi Ugwaba Sabo Tęąbi Po Wabo Buku Dabe 81:3

Te biugel bu wabo te genuai side te gesi polua nanama, tama te polua genuai pedalubo sogode, te biugel bu waiyąo.

Tigidali Nai Gagalama Nigali Side 8:22

Tama tiyu, te nai bulabo sogo me, te nai sabo sogo me elaluaibao. Tama te giliga nanobo sogo me, te tulubage sogo me elaluaibao. Te giliga me te be hulibo tama elaluaibao. Te e tǫ elalua pobadi, tama te tigidali nai me sia sogobeo,” Yawego te po wai.

Aisaia 40:26

Dagego te dagaluba ugwa tonama, te ugwade elalubo hǫ dabe suiąo. Dego augwali nigai dawe? Te Genuai Bidigo naga nigali. Te nai dabe te Genuai Bidigo ami hani tiwai elalubao. Agai augwaligo namba koneani, te agai augwali deli deli nogi koneama, tama agai augwali nogi nogi yaibao. Agai tigidali bomo mu elalubo, tama tibaso, te nai dabe te augwalide me deli me hagagobeo.

Matyu 24:29

“Te sogo te genuai sęgę yali te silai madi, tama polo te sia ge hulia selama, tama te polua ula me egobeo, tama te hǫ dabe dagalude tulaluaibao. Tama te dagalude bomai nai te tǫ mali tiwai elama, gęǫ page yaibao.

Amos 8:9

Te sogode eno te giliga tomo yagasu, te nai tubo belo dolo ebo side te giliga iba dega sigulubo tiwai ilama, te be hulia sabogo te giliga tomo elalubadi mu halueibao. Ena God, Genuai Bidi, eno te tama po obao.

Joel 2:10

Augwali pobadi, te tǫ dali, dagalu dali si mumunu yaibao. Tama giliga dali, polua si, te hulia saibao, tama te hǫ ula ma egobeo.

Jeremaia 33:20

“Ena Genuai Bidi, eno po dolo obao, eno bomo yai podąų wali po te giligade me hulide dali yali, te augwa sisesemane sogo eno augwa siba dąį ilali sogo pedaliyuyaibao. Tama eno te dąų wali bomo yai po bidi medeligo me hasegelabo usu egobeo.

Kraisgo Geme Dualali Sę Pedelabo Po Jonbolo Ola Mani 6:12

Tama eno tonono ma bilibadi agai te buku dąų wali nai a naga olama me badu nogo deli wali te togwai, tama eno suali, tǫde genuai tǫ mali pedalai. Tama giliga ge begelama, te sisi yai gagawai. Tama te polua genuai ebadi te mama yai, te kaneme tiwai mu pedalai.

Matyu 2:2

“Wai me deli aga te Juda dabego tuni bidi pedalainogo ame nani, aga menade bidibowe? Da te sia ge pedalobo badude bidibadi dago aga hǫ pedalobo sulama, tama agade kidu sugunama dago agade lotu po wainogo digibulu asai dao,” te po wai.

Esekiel 46:1

“Ena God Genuai Bidi eno te po obao. Te tigidali wikde te giliga asobo badu te namba 2 obo sunumi te a naga olama, deli, te 6 tama sogo te sę ebo sogo te be sunumi palialumainao. Tiali goli, augwali te sunumi te Sabat side, me gesi poluago genuai sogo naga dayu emainao.

Jeremaia 33:25

Tialima, ena Genuai Bidi, eno po dolo obao. Eno dąų walali bomo yai po te giligade dali, hulide meeno bomo yai po tigidali te dagalude me tǫde muai dao.

Jopgo Po Asęani Elalubo Buku 25:5

Dago polua ula genuai subo dao. Tiali goli, Godigo gedude da, te dwasianunu mu dao. Tama hǫ dabe me agai gedude dwagi yai menio.

Kraisgo Geme Dualali Sę Pedelabo Po Jonbolo Ola Mani 8:12

Tama te sę silama, tama te me si me si wali ensel mobo bidi aga te ona tiwai nai elali, tama tebadi, tama augwaligo te giliga me, poluade me, te tigidali hǫde me augwaligo tomode dąį sela muani. Tama te giliga ge me badu dolali, te polua me tama tiyu, te tigidali hǫ me te me badu dolali. Tama tibaso, augwaligo ula ebo sogode te ula bugagia ebeo. Ulade te me badu pedaigo te giliga gego ula bugagia ebeo. Tama hulide me te polua dali, hǫ dabe dali, augwaligo me badu ula ebo pedai te bugagia ula ebeo.

Dwagi Yai Gesi Po Lukgo Asęani 23:45

Tama te genuai ugwa te Moni Lotu Be tempel tomode walaluali ugwa te tomode mu togwa pai, tama pedai si nigai.

Dwagi Yai Gesi Po Makgo Asęani 13:24

Jisasgo po me weyu, te po wai, “Tiali goli te genuai sęgę hasia bolo ela silama, tama te sogode te giliga ge hulia selama, tama te polua me ula isiąma,

Esekiel 46:6

“Te gesi poluago genuai sogo te king agai te e tama ofa yabo nai dabe naga seseyu emainao. Te kau kibu omai deli, me a naga olama, deli, 6 sipsip kibu gǫų, me sipsip kibu omai deli tama seseyu emainao. Agai te hasa dabe te keni dabego augwaligo tigiwali dabe me dolisąma yai seseyu emainao.

Godigo Nogi Ugwaba Sabo Tęąbi Po Wabo Buku Dabe 119:91

Naga digi nago po wali gilama te tigidali nai sibi te polobadu elalua asali, megi e sogoba usu nagaselama, megi me elalubao. Magi baso meni, tigidali nai sibigo nago sę naga ebao.

Jopgo Po Asęani Elalubo Buku 25:3

Te dagalude ami bidi hauwa mu, tama bidigo nedebo usu egobeo. Tama Godigo ula tigidali we bidibolo mabo dao.

Jopgo Po Asęani Elalubo Buku 3:9

Te ma te usu igi dao, te huli sesabi igi sogo da, tama kigamu te dagalude hǫ dabe te ula igi menigi sogo da, teda te be posa pigi menio.

Kraisgo Geme Dualali Sę Pedelabo Po Jonbolo Ola Mani 9:2

Tama agai te tǫ dedage dabode, tama te dedagedu te genuai sia hano tiwai pedalai. Tama te tǫ dedagede pedalali moni hano agai te giliga de te dagalu si te haluai, tama augwali si te hulia sai.

Tigidali Nai Gagalama Nigali Side 1:13

Tama be huliali silama, tama kigamu be posobo pedelai. Te be posobo sela wabo silali dao.

Tigidali Nai Gagalama Nigali Side 1:15

Te ula ebo nai dabe te dagalude pedelama, te tǫba ula mawaibao,” te po wai. Tama te dabe pedela silai.

Godigo Nogi Ugwaba Sabo Tęąbi Po Wabo Buku Dabe 150:1

Te Genuai Bidigo nogi ugwaba sinao. Te Godigo nogi te aga tempel bede ugwaba sao. Dago te aga genuai bomo te dagalude elalubaso, te aga nogi ugwaba mu sao.