Galesia 6:9 - Godigo dwagi yai po buku

⁹ Tama tibaso, dago te dwagi yai kolesaga edubadi, te tigi dene eyu da, teda dago te dwagi yai kolesaga ebo sę hagela ilamuo. Magi baso meni. Dago te sę ebo tagalosiąbaso da, teda nosali te nai inabo side Godigo dabolo te wiegi yai kolesaga ebo sęgo nai wai du mawaibao.

Galesia 6:9 Referans Kwoze

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.

2 Tesalonaika 3:13

Eno abagi dede, dage dwagi yai sę ebo bage, dagego dolo dwagi yai kolesaga ebo hagela egimio.

Hibru 12:3

Dagego te bidi Jisasde bugagia kone palao. Te sęgę sai bidi dabego polobadu augwaligo dwai boi bidi mu aga dali eyu, tama aga dwai dene mawai. Tiali goli aga bomo elama dolaluai. Dagego te tiali koneba wida, te dage te Godide tią pabo kolesagade hagela me egio, tama dagego homu nagamea me pelamu dao.

1 Pita 2:15

Te Godigo homugo te dage te tuni bidi dabe dologode bidiyu, tama dagego te dwagi yai sę naga ebogo te homu kolesaga meni yai bidi dabego kedu meni yai po wabo pedauwali dąų waibao.

Jems 5:7

Eno ama dedeo, te walu hauwa munalubo bage augwaligo tama tiyu, dagego homu dąų olama, dagego te tigidali sęgę toloyu, tama te Genuai Bidi Jisas ma asobo tonaluao. Dagego koneani, te gi page bidigo te aga gide bulali nai dwagi yai holobo tonalubo dao. Tama te bidigo homu dąų olama, moni homu esiąyu, te tulubage dali te giliga dali sigo sę usu ela silibo si, tama te bidi aga te gide te wiegi yai nai sabo dao.

1 Pita 3:17

Tama dago dwagi yai sę naga yai goli, tama God agai “Awe” weyu, te bidi dabe augwaligo dabolo dene mayu da, te usu dao. Tialima dago dwai sę elama tama augwaligo da dene mayu da, teda te dwali dao.

2 Korin 4:16

Dago te homugo konebaso, tama da Godigo sęde bomo kimi munu me isibo menio. Te mu tama, dago tigi dolainogo ebo dao. Tiali goli magigo meni, dago homu dali noma dali si te tigidali deli deli sogo gesi ma pedaliyu ebo dao.

Kraisgo Geme Dualali Sę Pedelabo Po Jonbolo Ola Mani 2:3

Tama te bidi dabe augwaligo nage suali, te nage ena wali bilibo dao, tama augwaligo nage dali dwai sę yali dao. Tiali goli nago bomo elama dolaluyu, te dwai sę nage dali eyu sęgę mabo nago bugagia tolalubo dao. Te nago tigi dene ebo hagela ebeo. Nago te sę ebo te eno konebo dao.

1 Pita 4:19

Tama tibaso, God agai “Awe” weyu, tama dage dene siyu da, teda dagego dwagi yai sę naga ebogo dagego duga digi God nogoba muao. Te God aga digi agai dage nigali, te agai dage tau siyu ma dobola sabo bomo te munu me siligobeo.

Dwagi Yai Gesi Po Lukgo Asęani 18:1

Te Jisasgo aga wali asobo we bidibolo po begelai po me pusali. “Dagego sesemane sogo Godibolo gedu haluasa po weyu, nono meniama, tagalidali weyu, eno e po begelai po dagebolo pusubao,” wali.

Matyu 10:22

Tama tigidali we bidigo dwai homu mu dage dali yaibao. Magi basowe, dage eno hani bidi mu bidibaso tiaibao. Tiali goli, te bodolu muani sogo tonaluyu bomonama bidibo bidi, teda te bidi aga te Godigo ma dobola siyu, tama te dwagi yai madiba muaibao.

2 Korin 4:1

Godigo da homu dene eyu tau selama, tama te agai gesi dąų wali po pusubo sę dabolo mawai. Tama tialigo da, teda te sęde da bomo kimi isąyu me egobeo, te sę tagalabo homu me egobeo.

Matyu 24:13

Tiali goli, mena bidi aga te tǫ dagalu silibo side bomonama bidali bidi da, teda Godigo aga ma dobola saibao.

Pris Sę Ebo Bomai Po 26:4

teda eno te tulubage tulubo sogo te tulubage tulumainogo ilaibao. Tama eno dagego tǫde nai wiegi yai mu holomainogo elama, te ni dabego nai hauwa walaibao.

Kraisgo Geme Dualali Sę Pedelabo Po Jonbolo Ola Mani 2:7

“Te olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te bidibolo eno aga usu da weyu, tama agai te bidi bidibo ula mabo ni du sela tumainao waibao. Tama te bidi bidibo ula maiabo ni te God aga gide elalubo dao.’”

Polgo Po Pas Rom Dabeba Asęani 2:7

Tama mebago da, te dwagi yai kolesagade bomo elama bidiyu, tama tebo kolesagago augwaligo te genuai nogi me te wiegi yai nogi me te me dolisąbo bidada pabo ula te tų gegebo sę ebo dao. Tama Godigo te tama kolesaga ebo bidi dabe augwalibolo te bugagia bidada peyu, bidada pabo bidibo ula mawaibao.

Bomai Po 11:14

Tama dagego te tama tiyu da, teda agai tulubage te gi bugagia tau sabo sogo tulubage dagego giba dabe tagala palaibao. Tama tiyu, dagego nai dabe hauwa mu elaluyu, me wain dabe, me oliv wel dabe usu me elama, mu elaluaibao.

Kraisgo Geme Dualali Sę Pedelabo Po Jonbolo Ola Mani 2:17

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elalubo bidi, te bidibolo eno megi geme dulalubo tubo nai nogi mana meba mayu, tama eno te tedela yai dwasianu masigi me agabolo mawaibao. Tama te masigide gesi nogi asęai, tama niwai bidi mego te nogi konegobeo. Te masigi sali bidi, aga naga te nogi koneaibao.’”

Godigo Nogi Ugwaba Sabo Tęąbi Po Wabo Buku Dabe 145:15

Tama te bidibo ula elalubo nai tigidaligo agaba tonono ebo dao, tama agai augwali nasi ebo sogo nai mabo dao.

Hibru 3:6

Tiali goli Krais aga da te Godigo Ogwa, tama agai da te Godigo hani augwali tonaluyu tama te tobolu bidi bidibo sę elaluyu, tama agai me te sęde Godide homu kęą pai bidi bidibao. Tama tibaso, agai nogigo te Mosesgo nogi aiyaba elalubo dao. Tama sesemane sogo dago konealubo po dąų weyu tama wi isąyu tama dago wiegi yai homu pemene elama tama Genuai Bidi naga tonaluyu da, teda da me te Godigo hani mu bidaibao, te da agai be tiwai elaluaibao.

Sefanaia 3:16

Nosali bubuga me deli pedelaibao, tama te bubugade augwaligo Jerusalem dabe te tama po waibao, “Dage Jerusalem we bidi dabe, magi naide wi me elamo dao, tama dage olo dali noma sigio.

Hibru 3:14

Magi baso meni. Polobadu dago Godide konealubo po dąų wali, teda te konealubo po megi me dago bugagia dąų weyu, teda da isiboba usu nigi paibao. Dago tama tiyu da, teda da te Krais dali wadolama, tama sę deli naga aga dali hodobo eyu tama bidaibao.

Efesus 3:13

Tama tiyu dago konebao, te dago hanalu wabo po te Godigo odaibao. Tama tibaso, megi eno te po dagebolo obao, tama dagego odao: tama eno dage tau siyu te dene sabode, te dagego homu kolesaga tede bomo kimi menia pigimio. Menio. Te eno e sę ebode dagebolo genuai nogi mawaibao.

Godigo Nogi Ugwaba Sabo Tęąbi Po Wabo Buku Dabe 104:27

Tigidali sųgų augwali nage tonalubo dao, augwali nasi ebode nago nai momainogo ebo dao.

Hibru 12:5

Te Godigo dagego homu bugagia dąų walomainogo bomo mayu wali po te dagego homugo gegeda pai dawe? Agai dage te aga wai da olama nogi ilama, tama agai te po wai, augwaligo te bukude asęani, “Te eno waio, te eno nage dodolobo kolesaga me deli nagebolo ebaso da, nago homugo te olo nai tiwai da me wagio. Nago geda muani kolesagade bugagia kone palao. Te eno sęgę nagebolo mayu te nage dodolobaso da, teda nago homu me dolamu dao.

Malakai 1:13

Dagego te tama po wabo dao, ‘Iya, da te ofa ebo hagela ebao.’ Te po wabo dao. Tialima, dagego ena godolo homu meni isąwai. Dagego te bulu uni hasa dabego elai kibu hasa dabe te ofa yali. Dagego te kibu me hasa te gasi yai, ma te sągą dwai sela aselama, ofa ilali. Dagego homugo eno te nai saiba homu elama eba, agawe? Menio.

Godigo Nogi Ugwaba Sabo Tęąbi Po Wabo Buku Dabe 126:5

Te gela wabo sę eyu, te nai bulali bidi dabe, te augwa wiegi yai pemene elama, te inayu tau yali nai nosali saibao.

Bugagia Bidibo Kolesagade Po Asęai Buku 11:18

Te doado bage te dwai bidi dabego sali, te augwali tau sabo mu usu me egobeo. Te olo bage nai naga tiwai yaibao. Tiali goli, te doloba pai kolesaga ebo bidi dabego te wiegi yai nai mu saibao.

Kolesaga Koneai Bidigo Pusali Po Elalubo Buku 11:1

Nago sę tigidali pedai badu ebaso, te nosali nago yali sęgo dwagi yai du walaibao.

2 Korin 9:6

Dagego homugo te bugagia koneao: nai yogo homu eyu dwasianu nai bulubo bidigo, te agai nai dwasianu naga nosali saibao. Tama te nai hauwa bulali bidigo, te agai nai hauwa saibao.

Tigidali Nai Gagalama Nigali Side 29:7

Jekopgo te po wali, “Magi yaliwe? Te giliga genuai nanalubadi, tama te sipsip dabe te obo tomoba muabo me elalubadi dao. Tagala, te augwali wę menama, tama augwali te nosa dabe tumainu ma selasa pao,” wai.

Matyu 9:19

Tama te po obaso, Jisas hodaluama, tama Jisas dali aga wali pabo bidi dabe me aga dali hodobo peyu, te bidi wali pai.

Matyu 25:17

Tama te 2,000 kina sali bidigo, agai me te monede bisnis sę elama, tama gasa mone 2,000 kina te moneba ugwadu daganama sai.

Dwagi Yai Gesi Po Makgo Asęani 3:3

Tama Jisasgo te nogo penelali bidibolo te po wai, “Nage eba asao, te we bidi gesabidide dolaluagasao.”