Galesia 4:13 - Godigo dwagi yai po buku

¹³ Dagego koneani, te sogo eno tigi gasi selama, bomo meni yai. Tama te sogo hasia eno te Godigo dwagi yai po dagebolo pusai dao.

Galesia 4:13 Referans Kwoze

1 Korin 2:3

Tama polobadu ena dage dali bidali sogo, te sogo ena bomo meni yani. Ena moni wi elalu, tama ena tigi didibili hauwa yai.

Galesia 1:6

Tegoba! Dagego yali sęde ena noma mu salio. Dagego magi yaliwe? Te Krais agai dage olo tau siyu, tama God agai dage i wai dao. Tiali goli polo tama dagego te sę tagaluyu, tama dagego gasagi yai po wali pabo gagalali. Tama te gasagi yai po dagebolo pusali bage augwaligo “Ao, e po Kraisde dwagi yai gesi po mu dao,” wali.

2 Korin 11:30

Te gasa tų me meniama, tama ena nogi ena digi ugwaba sobaso da, teda eno te ena bomo meni da po olama, tama tede ena homu pemene yaibao.

2 Korin 11:6

Mu tama, eno te Grik dabego po bugagia pusubo kolesaga te me konesiąwani, tiali goli te magigo menio, eno te Kraisde homu kolesaga me sǫą pabeo. Mu menio. Tigidali sę ebode dago dagebolo hania ola mawai dao, dago Kraisde kuna mu konebo dao.

2 Korin 10:10

Mu tama, bidi meba augwaligo enade tama tiwai po obao, “Awe, te agai asęna tolobo pasde sęgę yai po elaluyu, tama bomo elalubo po me elalubo dao. Tiali goli aga digi sabalobo si tama dago aga digi suyu bomo meni yani, tama agai po te olo nai tiwai dao.” Te tama po wabo dao.

2 Korin 13:4

Magi baso meni. Polobadu agai aga digi bomo meni yai bidi tiwai ilama tama bidibadi, tama augwaligo aga ni pedaide elali goli, Godigo bomogo megi aga bidibo ulade ma bideibao. Tama da aga dali wadolama, tama da me bomo meni yani tiwai bidibao. Tiali goli Godigo bomogo da aga dali bidibo ulade bidibao. Tama dago te bomo dage tomoba hanilaibao.

Godigo Sęba Tagala Palai Bidigo Po 16:6

Te nosali Pol dali aga dwasianu hani dali, augwaligo homugo te Esia tǫba pabo homu yali. Tiali goli Godigo Dwagi Yai Mobo Bidigo augwali si te bulu Esiaba pelamuo po olama, habu seleyu, tų sinilani. Tama tibaso, augwaligo Frigia tǫ dali, Galesia tǫ dali te si tomodu pali.

Matyu 4:23

Te Jisas aga te moni tǫ Galili te tigidali sesege badu aga biligi pai. Agai aga ola mabo po te Juda dabego bomo yai po ola mabo be tomode te we bidibolo ola mawai. Tama ola mayu, agai augwalibolo te Godigo we bidi tonalubo sęde te gesi dwagi yai po pusali, tama te tigidali haniani gasi dabe me te tigidali dwai naigo te tigi dolai we bidi augwali tigi usu ma ilai dao.

Galesia 4:12

Eno ama dedeo, dagede eno homu dene eyu, tama bomonama eno dagebolo e po obao. Polobadu ena te da Juda dabego wąįgo yali kolesaga dologode bidibadi, tama dage te tiwai bidibe. Tama dage tau sainogo eno te eno wąį dabego kolesaga dologode bidali tagalama, tama dage tiwai bidali. Tama megi dage te Juda dabego wąįgo kolesaga tomoba pidali weyu, eno dagebolo te po obao, dage ena tiwai olo mu bidao. Ena hasia dage pageba asali sogo dagego ena dali magi dwai sę me yai menio.

Galesia 4:14

Tama eno gasi ebadi, dagego ena geseyu, bugagia tonaluai dao. Te sęde dage dene sai dao. Tama tiali goli ena tudiba muyu, tama dagego ena hagela ebo po me wai menio. Te tiwai menio. Tama Godigo ensel bidi me deli aga dage pageba asiyu da, tama dagego aga bugagia gesaibao. Ma, Krais Jisas aga digi aga dage pageba asiyu da, tama dagego aga bugagia gesaibao. Tama te tiwai ena dage pageba asali sogo dwagi yai homu mu eyu, dagego ena bugagia gesai dao.

Galesia 4:18

Tama bidigo te homu bega sabo po te pode te wiegi yai po obaso da, teda te po usu dao. Tama sesemane sogo da te wiegi yai homu bega sabo po naga wao. Tama te sogo da hodobo bidisiąyu da, tialima dagego te tebo homu kolesaga me tagalamu dao.

Pris Sę Ebo Bomai Po 13:40

“Te bidigo tobolu nisi meniama wane paibaso da, teda aga eno gedude meda elalubeo. Menio. Aga wiegi yai bidi dao.