Galesia 3:6 - Godigo dwagi yai po buku

⁶ Te Godigo dagebolo yali dwagi yai sę, te tobage sę naga me agai te polobadu bidai bidi Abraham dali yai. Tama agai Abrahambolo te sę yalide augwaligo Godigo po bukude e po asęani, “Te Abraham agai Godigo wali po odama, tama agai aga homu tigidali te poba mubaso, tama Godigo gedude Abraham te doloba pai bidi mu pedalai,” augwaligo te po asęai.

Galesia 3:6 Referans Kwoze

Tigidali Nai Gagalama Nigali Side 15:6

Tama Abramgo te po mu po naga dao homu eyu, tama te Yawego wali po aga homude dąų wai. Tama tibaso, Yawego aga doloba pai bidi nogi poai dao.

Jems 2:23

Tama tiyu, Abraham agai tama tiai, tama nosali Mosesgo te Godigo po meba te bukude agai asęai, “Abraham agai te Godigo pode konealubo po dąų wai. Tama tibaso, Abraham aga te Godigo gedude wiegi yai doloba pai bidi mu pedalai,” Mosesgo tama po asęai. Tama me, te Godigo Abrahamde dali te po wai, “Aga eno abagi dao.”

Polgo Po Pas Rom Dabeba Asęani 4:24

Menio. Agai te po dabolo me walio. Te Godigo dago Genuai Bidi Jisas te gų pagede ma hodolali. Tama te sęde dago konealubo po dąų obaso da, teda Godigo homugo da te doloba pai we bidi dao, te homu agai da dali me yaibao.

Galesia 3:9

Tama Abraham agai Godigo agabolo wali po odama, tama te poba aga homu sese mubaso, Godigo aga dali dwagi yai sę yai dao. Tama tiwai, niwai we bidi augwa homu sese Godigo wali poba mubaso, Godigo augwali dali dwagi yai sę ebo dao.