Tama da te Godigo gedude doloba pai we bidi pedalomainogo eyu, te bomai po bugagia wali pabo usu egi sogo da, teda da tau siyu Jisas aga olo naga isali, dago te homu egi da. Tialima agai te tiwai ebeo. God agai da dali olo mu tau sabo kolesaga eyu, Jisas tagala palali. Tama eno agai te sę yali tudi badu mugobeo,” eno te po me Pitabolo wai, te Antiok hanude.
Galesia 3:21 - Godigo dwagi yai po buku21 Te bomo yai po dali, te Godigo we bidibolo dwagi yai sę yaibao dąų wali po dali, te po si augwa hasi boi bidi si tiwai dawe? Woo, te tiwai mu menio. Te po olamuo. Tama Godigo te bomo yai po me deli menama, tama te bomo yai pogo te we bidi Godigo gedude doloba pai we bidi egi sogo da, teda te we bidi tigidali augwali te bomo yai po wali pelama, augwali Godigo gedude doloba pai pedelali wagi da. Gade chapit la |
Galesia 3:21
18 Referans Kwoze
Tama eno te bomo yai po nedeyu tama te nedebogo eno koneani, eno te bomo yai po dabe bolama, tama eno Godigo gedude dwai sę yai dao, tama agai ena sęgę mawaibao, te eno konea sali. Tama koneyu, eno te me koneani, eno te dena wąį dabego bomo yai po wali peyu, tama tedu ena Godigo gedude te doloba pai bidi munu me pedalogobeo. Tama tibaso, megi eno Godigo po wali peyu aga sę eyu bidibo dao. Tama ena te bidi Jisas dali te ni pedaide isali tiwai ebo ąǫ te homu ebo dao.
Tama da Juda dabe meba, da Krais dali wadolama, tama da Godigo gedude doloba pai we bidi bidaibao. Tama dago te homu naga eyu, dago te bomo yai pogo da tau sabo homu ebo tagalama, tama gasa Juda hani dabe augwaligo gedude da te bomo yai po bolobo bage dao, te dwai Juda hani isąwai we bidi tiwai dao, augwaligo da dali te homu yaibao. Tama tiyu da, augwaligo te homu me yaibao, ‘Ao, te Krais agai te bage te dwai sę yabo kolesagaba kegalio’, te homu yaibao. Tiali goli te pode eno bomo elama e po obao, te tiwai mu menio.
Mu menio. Tigidali we bidi augwaligo tibo po wabo bage bidibogo da, God agaduba deligo mu po sesemane sogo wabo dao. Polobadu te genuai bidi Devit agai dwai sę elama tama Godigo agade po tų dolo mu elama tama Devitgo te sogo asęani pogo te eno megi tama wali po tau sabo dao. Agai te we bidigo dwai sę ebogo Godigo po tų dolo mu naga ebo kolesaga hania waselebo po te bukude asęyu tama e po asęani, “Nago po wabo si, tigidali sogo te we bidi augwaligo koneaibao, nago po te dolo po naga dao. Tama augwaligo nage po tų ila mobaso da, teda nago po tų ebogo augwali aiyaba mu elaluaibao,” te po asęani.
Te Godigo te bidi Noabolo po weyu, “Te nago gedugo susiąwai nosali pedalabo sęde dua yao,” te po wai. Tama te bidi Noa agai Godide tiąluama tama konealubo po dąų obaso, agai te Godigo agabolo te aga gedugo susiąwani naide pusali po bugagia odali. Tama te po wali peyu, tama agai te moni geba me deli nigai. Tama tiyu, aga dali, aga we wai puluba augwali te geba tomoba pelama, tama bugagia bidali, tama augwali me dolobeo. Te geba sę tama ebogo Noago te tǫde we bidi tigidali augwaligo dwai sęde po tų ela mabo tiwai yalio. Tama te bidi Noa aga Godigo wali pode tiąlubo kolesaga elalualigode Godigo Noa te doloba pai bidi da wali, te Godigo tigidali konealubo po agaba dąų wabo we bidi dabe dali ebo kolesaga yalio.
Te Godigo te we bidi dali polobadu yali sę dali, te agai megi ebo gesi sę dali, te sę side dago homugo kone paluyu dagalinao. Polobadu Godigo te bomo yai pogo po te sawali yai masigi daide asęai. Tama te bomo yai pogo ebo sęgo te we bidi dabe augwali isaboba pedalaibao. Te bomo yai pogo sę te da we bidi po tų ilama, tama da sęgę sai bage dao hania hanilabo sę dao. Tiali goli te sę te Godigo wiegi yai bomo yai ula dali pedalali. Tama Mosesgo gesabidi ula mu ebaso, tama Israel dabe wi eyu, augwaligo aga gesabidiba tonabo usu me ebeo. Te bomo yai pogo sę tidubadi te sę ebode te bomo yai ula elaluali. Tiali goli nosali te bomo yai ula silalio. Tama megi, megi Godigo sę ebogo te we bidi augwalibolo aga Tedali Mobo Bidi mabo dao. Megi Godigo wiegi yai gesi po pusubo sę ebode te bidi dabe augwali doloba pai nogi nogi yaibao, te sęde Godigo bomo yai ula te umabo mu elalubo dao.
Tama augwaligo te sęde augwa nogi ugwaba sabo dao. Tiali goli, ena digi eno te dago Genuai Bidi Jisas Krais agai da tau somainogo aga ni pedaide isali po, te po weyu, tama eno aga nogi naga ugwaba sabo dao. Tama te ni pedaide eno te po obao, eno ena tigigo e tǫde ebo dwai kolesaga ela silai dao, te ni pedaide elali gilama tiwai. Tama ena me, te tobage dwai kolesaga ebode mu isali bidi tiwai dao, te tǫde ebo kolesagago eno homu ma hodologobeo.
Te Godigo Mosesgo pedauwalidu mani bomo yai pogo te magi nai me deli te wiegi yai mu ilama sese me pedalubo usu ebeo. Tiali goli Godigo gasa tų me dayali, te wiegi yai elama tama te polobadu mani bomai po te aiyaba elaluai, tama da dwagi yai homu eyu, agai da dali yabo dwagi yai sę asobo sogo bugagia tonaluyu ebadi, te tųdu da te God pąba pomainogo tiai dao. Da polobadu dwagi yai homu eyu tonaluali kolesaga te gesi kolesagago aiyaba elalubo dao.
Piblisite