Galesia 2:2 - Godigo dwagi yai po buku

² Ena Jerusalemba olo pabeo. Menio. Godigo digi ena teba pao obaso, ena pai. Tama da teba sabolama, tama te tobolu bidi dabe augwaligo beba pali. Te dagebolo gasagi yai po ola mabo bage augwaligo te Jems dali, Pita dali, Jon dali, te bidi sela te tuni bidi dabe da, te homu ebao. Tama da augwaligo beba sabolama, tama eno augwalibolo naga te eno te Juda bidi hani isąwai we bidibolo pusali dwagi yai po te eno augwalibolo ola mawai. Te eno polobadu yali Godigo po pusubo sę me, megi ebo sę me te sę olo ela tagalidali weyu, eno augwalibolo te sę yali po page ola mawai.

Galesia 2:2 Referans Kwoze

Galesia 2:6

Te Jems dali, Pita dali, Jon dali, te tobage bidi dabe augwali Jerusalem hanude bidiyu, te we bidigo gedude augwali te Godigo bidi hani tobolu bidi dabe tiwai bidai. Tiali goli, eno homu augwali da genuai bidi dawe, ma olo bidi dawe, te magigo menio. God agai we bidi osola subo si, agai augwaligo tigide osola subo meni. Tama te tobolu bidi nogi elalubo bidi sela augwaligo gasa po te eno te Juda hani isiąwai we bidibolo wabo pode wadolobeo.

1 Tesalonaika 3:5

Tama te dene dage pageba asali baso, tama eno ma tonaluyu gesege ma egobeo homu eyu, eno bidi me deli dageba tagala palai. Te eno dagego Kraisde konealubo po me dąų wabowe, te eno koneainogo te bidi tagala palai. Te dwai sę ebo tomoba kegebo dwai mobo tuni bidi agai dage dali te sę yaliwe eno te homu yali. Agai te sę dage dali egi sogo da, tama dago dage dali yali sę olo dali eyu, te nai walosiąwai sę egi da.

Galesia 2:9

Tama Jems dali, Pita dali, Jon dali augwali te Godigo hani bidi tomode te be ni bomo elama dolalubo tiwai bidama dolaluai, te we bidigo gedude. Tama te bidi sela augwaligo koneai, te God agai ena olo mu tau siyu, tama enabolo te sę mawai. Tama tibaso, augwaligo ena dali Barnabas dali si nogo mani. Tama nogo mayu, da tigidaligo te homu yali, te da sigo te Juda hani isiąwai we bidi tomode Godigo sę yaibao, tama augwali selago te Juda bidi hani tomode te sę yaibao.

1 Korin 9:26

Tama tibaso, ena digi me, ena te dwagi yai nai me sainogo eyu tama ena udabadi te eno gasaba tonono peyu me udagobe. Eno nogo wąbi hwįainogo, te eno nogo subigila sąnama olo dali nogo me sągobeo, tama te wali naga me eligobeo.

1 Korin 9:24

Megi eno te po digi po begelama obao. Te udabo ususu si ebo bidi dabe te tigidali augwali udulama, tama te geanani bidi deligo naga te dwagi yai nai sabo dao. Te dagego konebewe? Tialima, dage me te tiwai bomonama Godigo po bugagia mu wali piąo, agai te dagebolo dwagi yai sę emainogo yao.

1 Korin 2:2

Te eno homugo digi eno tiwai po walio: te ena dage tomode bidibo sogo, te eno homugo gasa nai me konebo sę me ebeo. Menio. Eno homugo te Jisas Kraisba naga konealumainogo yaibao. Awe, te Jisas Krais ni pedaide isai dao, tede naga eno dagebolo po pusabo homu yai.

Godigo Sęba Tagala Palai Bidigo Po 15:12

Te po minama, tigidali bidi po sagia selama, Barnabas dali Pol dali sigo tigidali bomai sę Godigo augwali si nogode yali sę po pusali, te sogo augwali si te Juda hani isąwai bidigo tǫde biliyu, te sę yali po pusali.

Godigo Sęba Tagala Palai Bidigo Po 15:4

Tama peyu, augwali Jerusalemba sabolali. Tama tigidali Jisasgo hanigo augwali sulama, dwagi yai homu yai, Jisasgo tagala palai bidi me, tobolu bidi me, augwaligo moni dwagi yai homu eyu augwali asobo suali. Augwali sigo augwalibolo Godigo tigidali sę augwali si bilu yali sę po pusa mani.

Filipai 2:29

Dage dali, te bidi Epafroditus dali, te dage tigidali te Genuai Bidi Kraisgo hani deli dao. Tama tibaso, aga dageba asobo si, dagego aga duga ama tiwai ma sao. Te tobage bidigo nogi dagego ugwaba siyu, tama augwali dali dwagi yai homu yao.

Galesia 1:16

Tama agai ena i olama, tama agai eno homu mu hasegelainogo eyu, tama agai homu ‘Megi eno Polbolo eno ogwa waselaibao,’ te homu eyu, tama te sogo agai aga ogwa Jisas enabolo waselai. Tama eno te Juda bidi hani isiąwai we bidibolo te bidi Jisasde gesi dwagi yai po pusigi pomainogo eyu, God agai ena i olama, tama ena gasa bidigo bidibo digiba pabeo, agai enabolo te sę page ola momainogo eyu teba pabeo. Te menio.

Godigo Sęba Tagala Palai Bidigo Po 23:11

Te sę augwaligo elama, te sogo hulide te Genuai Bidi Jisas aga Pol pageba aselama, dolaluali. Tama agai te po wali, “Pol, nago Jerusalem bidibolo eno po pusa mani. Tama nosali nago te pusali po tiwai naga te Rom be nanide me pusa mao. Tama tibaso, nago wi egio, nago homu dąų olama, bidao,” wali.

Godigo Sęba Tagala Palai Bidigo Po 18:9

Te me sogo hulide Pol agai nai me deli te nade suali. Tama Genuai Bidigo aga dali po tama wali, “Nage wi egio,” wali. “Nago po bomo elama, augwalibolo wao. Naga pedauwali pania sigio,” wali.

Godigo Sęba Tagala Palai Bidigo Po 5:34

Tiali goli, bidi me deli augwali tomode bidali, te Juda dabego kaunsil bidi doligiluali te Farisi bidi sibi bidi, te bidi nogi Gamaliel. Te bidi agai Mosesgo bomo yai po pusubo bidi, tigidali we bidi augwaligo bugagia konemai hagede, tama te we bidigo te dwagi yai bidi mu augwaligo aga dali dwagi yai homu elama, te bidi nogi ugwaba sali. Te bidi Gamaliel te kaunsil tomode dolaluyu tama te po wali, “Te Jisasgo tagala palai bidi dabe gasa habuba osogo pomainao.”

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Kolesaga Koneai Bidigo Pusali Po Elalubo Buku 10:1

Te bolia dabe te wiegi yai denami ebo wel elalubo botol tomoba pelama, te augwali isibaso da, teda te wel tomode dwai kugumini yaibao. Te tiwai naga, te bidi me deligo te wabo pabo homu kolesaga dwasianu ebaso da, agai te aga wiegi yai homu kolesaga dolama, tama aga digi genuai nogi dolaibao.

Godigo Sęba Tagala Palai Bidigo Po 15:2

Tama Pol dali Barnabas dali augwali sigo te po wabo mu hagela yali. Tama augwali sigo te Juda bage dali moni pogo wąbi hwįani, tama augwali sigo moni wado mu yali. Tama Antiokde bidali Jisasgo po wali pabo we bidi hanigo Pol dali Barnabas dali si, te bidi dabe me badu me, augwali Jerusalemba moni po miboba augwali pomainu homu yali. Jisasgo tagala palai bidi dabe me, tobolu bidi dabe me, augwali deliba sisinama, te po dodolomainu yaibao.

Polgo Po Pas Rom Dabeba Asęani 9:16

Tama te po obaso, dago koneani, te Godigo bidi sa mubo page, te bidigo homugo me te aga sę denego me ebaso Godigo aga sa mugobeo. Menio. Te Godigo te bidide homu dene eyu, olo tau siyu mabo wiegi yai kolesagago naga te bidi sa mubo dao.

2 Korin 12:1

Te gasa bidi dabe augwaligo eno nogi dolobo po dage dali olama, tama dagego ena tau sabo po wei ponosiąbaso, ena digi ena nogi ugwaba sobao. Te gasa tų me elalubeo. Mu tama, te kolesagago da tau me sisąbo usu me isąwani. Tiali goli tagalama, te dago Genuai Bidigo enabolo te ną yali me, te geme dualali po meba mani, tede eno po megi waibao.

Galesia 1:6

Tegoba! Dagego yali sęde ena noma mu salio. Dagego magi yaliwe? Te Krais agai dage olo tau siyu, tama God agai dage i wai dao. Tiali goli polo tama dagego te sę tagaluyu, tama dagego gasagi yai po wali pabo gagalali. Tama te gasagi yai po dagebolo pusali bage augwaligo “Ao, e po Kraisde dwagi yai gesi po mu dao,” wali.

Galesia 1:12

Tama eno te po bidi mede sabeo. Tama bidi mego te po enabolo ola mabeo. Mu menio. Jisas Krais aga digi enabolo te po ola mayu waselai. Tama te koneama, ena da Godigo tagala palai po wagi pabo bidi mu dao, te dagego koneaibao.

Galesia 5:7

Te polobadu dagego Kraisgo mu po wali peyu, te tųdu bugagia wali pai dao. Te mena bidigo te tų palibaso, dagego te po mu bugagia wali pabo tagalaliwe?

Polgo Si Wali Pas Timotiba Asęani - 2TI 4:7

Te Kraisde konealubo po dąų wabo bidi te usu si yainogo udabo tiwai sę elalubao. Te usu si yainu ena bugagia udawai dao. Megi da te dąį ilaliba ena mu sabolalio. Eno Kraisde konealubo po homugo dąų mu wai dao, te eno munu me tagalobeo.

Hibru 12:1

Te da me, da magi ebawe? Te polobadu bidali we bidi augwali doligulama tama da te genuai pǫgo bagulubo tiwai elama, tama augwaligo dabolo te Godide konealubo homu dąų wabo kolesaga ola mawai. Tama tibaso, dago me te ususu si yainogo uda yabo bidi tiwai eyu, te tigidali sęgę yai nai guda sąyao, te dade dąų wabo dwai kolesaga tigidali me te dago guda sąyao. Tama dena homu dąų ilama, tama Godigo dabolo sa muyu uda yao wali madi sabolainogo da bomonama te dąįba uda iyąo.