Galesia 1:24 - Godigo dwagi yai po buku

²⁴ Tama augwaligo enade te po odoyu, tama augwaligo Godigo nogi ugwaba sai. Tama tibaso, te sęde dagego koneagameo, Godigo digi te eno dagebolo ola mani gesi dwagi yai po agai enabolo ola mawai dao.

Galesia 1:24 Referans Kwoze

Godigo Sęba Tagala Palai Bidigo Po 11:18

Te Jisasgo po wali pabo Juda bidi dabe augwaligo Pitago wali po odama, tama augwaligo wado po wabo tagalali. Tama augwaligo Godigo nogi ugwaba siyu, te po wai, “E, Godigo te sunumi dawai, te Israel bidi hani isąwai bidi dabe augwali me homu begelama, bugagia bidimainu yali,” te po wali.

Dwagi Yai Gesi Po Lukgo Asęani 15:32

Megi da dwagi yai homu eyu, tęąbi yabo si dao. Magi baso menio. E bidi nago amanu aga isigi pai tiwai yai yali, tama megi ma bidibao. Aga hagawai, tama megi eno ma suali,’ te ayago te po wali,” Jisasgo te po wai.

Dwagi Yai Gesi Po Lukgo Asęani 15:10

Eno dagebolo obao, dwai sę ebo bidi me deli aga homu begelama, dwai sę tudiba sąbaso da, teda Godigo ensel bidi dabe augwali dwagi yai homu mu ebo dao, te wego te hagawai masigi ge gegelama ma sali gilama tiwai,” Jisasgo te po wali.

Dwagi Yai Gesi Po Lukgo Asęani 2:14

“God agai nogi ugwanu mu kegenanao. Tǫde bidibo we bidi homu tegaluama, bidiąo. Augwalibolo Godigo dwagi yai homu ebao,” te ensel dabego te po wali.

Matyu 9:8

Tama te hanude bidali we bidi augwaligo te tebo bomai sę sulama, tama augwali wi yai. Tama augwaligo Godigo nogi ugwaba sai. Magi baso meni, agai te tobage bomo yai sę yabo bomo te we bidibolo mawai dao.

2 Tesalonaika 1:12

Tama dagego te dwagi yai kolesaga ebode dago Genuai Bidi Jisasgo nogi dagego ugwaba saibao. Tama dago God dali Genuai Bidi Jisas Krais dali augwali sigo dwagi yai homu da dali eyu, da olo mu tau mabo homu kolesaga dwagi yai mu eyu, tama Jisasgo dagego nogi me ugwaba saibao.

2 Tesalonaika 1:10

Te we bidi dabe augwali te Jisas e tǫba asobo side augwali te tiwai mu hagawaibao. Tama agai e tǫba asobo sogode, agai doloba pai mu we bidi augwaligo aga nogi ugwaba mu saibao. Tama konealubo po Jisasde dąų wali we bidi, augwali noma siyu, Jisas dali dwagi yai po waibao. Tama dago Godigo po dage tomode pusulama, tama dagego konealubo po te pode dąų obaso, te dagego me augwali dali Genuai Bidigo nogi te sogo ugwaba saibao.

2 Korin 9:13

Dagego te ama dede tau sabo sę ebode, tede te dagego kolesaga hanilama pedalaibao. Te ama dede augwaligo koneama, dagego te Godigo po bugagia wali pelama tama Kraisgo wiegi yai gesi po we bidi gedude hania hanilai dao. Tama dagego homu mu naga eyu, olo mabo nai genuai augwalibolo mabo me, te gasa bidi dabebolo me mabo sueibao. Tama eyu augwaligo Godigo nogi ugwaba saibao.

Dwagi Yai Gesi Po Lukgo Asęani 7:16

Tama te tigidali we bidi moni wi elama, augwaligo Godigo nogi ugwaba sali. Augwaligo te po wai, “Moni Godigo po ola mabo bidi da tomode megi e pedaligulai yabao. God aga we bidi tau sagasu, te asai yabao.”

Israel Hanigo Namba 23:23

Ma, te boi bidi dabego pobi weyu, me kebele aulama augwali elali da, tego augwali me dologobeo. Tama tialima, megi te gasa we bidigo te Jekopgo hani dabede te po waibao, ‘Te Godigo Israel bage augwali tau sainogo genuai sę dabe mu yali suao.’

Dwagi Yai Gesi Po Makgo Asęani 2:12

Tama te bidi hodaluama, tama te tigidali we bidi gedude aga pibo somo polo selama, tama palio. Tama tibaso tigidali we bidi augwali noma mu siyu, midigi sai. Tama augwaligo God nogi ugwaba siyu, tama augwaligo te po wali, “Polobadu dago te tobage tiwai sę ebo me susiąwai dao,” te po wai.