Galesia 1:17 - Godigo dwagi yai po buku

¹⁷ Tama Godigo ena i wasiąbadi, agai gasa bidi dabe aga po sela pabo bidi dabe nigilai dao. Augwali Jerusalem hanude bidali. Tama Godigo enabolo aga ogwa waselama, tama nosali ena augwali dali te sęde po miainogo ena Jerusalemba pabeo. Te menio. Eno te bidi meni yai tǫ Arebia teba osogo bidigi pai. Tama nosali te tǫ tagalama, tama ena te Damaskus buluba bidigi pai.

Galesia 1:17 Referans Kwoze

Galesia 1:18

Tama nosali kibu be sela bidama, tama ena Jerusalem hanuba pai, tama Pita dali po miainogo yai. Tama ena aga dali bidibadi, Sarere si te me deli tama sogo tede bidai.

Godigo Sęba Tagala Palai Bidigo Po 9:2

“Nago enabolo pas asęna mao. Te pas selama, ena Damaskus be naniba pelama, tede Juda dabego bomo yai po ola mabo be genuai bidi dabebolo te pas mawaibao. Eno te Jisas wali pabo we bidi subaso da, nogo dųlama, tama te genuai bidi dabego ‘Usu da’ waibao. Te we bidi eno Jerusalemba ma odasa aselama, kalabusiba muaibao,” te po wai.

Godigo Sęba Tagala Palai Bidigo Po 9:8

Tama te bidi Sol agai sągągo doligiluali. Agai gedu si pedama, suali, agai gedu tigidali hulia sai elaluali. Tama tibaso, augwaligo nogo tulasa pelama, Damaskus be nani tomoba pali.

Godigo Sęba Tagala Palai Bidigo Po 9:10

Te Damaskus bulude bidi me deli Jisas wali pabo bidi bidali, agai nogi Ananaias. Aga bidibadi, na gagawai yali. Tama te na ebadi, Genuai Bidi aga aselama, aga nogi wai. Tama Ananaiasgo te po wei ponoyu te po wai, “Genuai Bidi, ena da ede bidibao.”

Godigo Sęba Tagala Palai Bidigo Po 9:19

Tama nosali Sol agai nai tulama, aga bomo ma sali. Sol agai te Jisas wali pabo we bidi dali agai sela sogo bidali, te Damaskus be nanide.