Galesia 1:11 - Godigo dwagi yai po buku

¹¹ Ama dedeo, dagebolo eno mu po obao, e wiegi yai gesi po eno polobadu dagebolo wali po page te bidi mego pedalomainogo ebeo.

Galesia 1:11 Referans Kwoze

Galesia 1:1

Ena da Pol da. God agai ena tagala palali, eno agai po wagi pomainogo yai. Bidigo ena tagala palobeo, bidi mego ena te po wagi pabo sęba mubeo. Te menio. Te God dago Aya dali te agai te gų pagede ma hodolai bidi Jisas Krais dali, augwali sigo ena te sęba muai dao.

1 Korin 11:23

Magi baso meni. Te eno dagebolo mani po te eno dago Genuai Bidide naga te ola mani po sali. Te e tiwai dao: te pio hulide Judasgo Jisas te Juda dabe boi bidigo nogoba musiąbadi, te sogo pio hulide te Genuai Bidi Jisasgo

Polgo Po Pas Rom Dabeba Asęani 2:16

Eno te Godigo wiegi yai gesi po te we bidibolo pusubo si eno e po me pusubo dao. Odao, te Godigo te aga bomai po mani bage me, te bomai po sisąwani bage me augwali tigidali dali Godigo te po tų nosali yaibao. Tama tiyu agai te po tų dodolobo sę te Krais Jisasgo nogoba muyu, tama te bidi dabego geme ebo kolesaga osola suyu yaibao.

1 Korin 3:4

Dage tomode bidi me badu deli deligo te po wabo, “Ena Pol wali pabo dao.” Tama gasa bidi me badu deli deligo te po wabo, “Ena da te Apolos wali pabo bidi dao,” te po wabo. Te tiwai kolesaga ebaso, dago koneani, te dage tǫde bidi tiwai mę bidibao.

1 Korin 9:8

Te eno tede bidigo homu naga wali pelama tama eno te tiwai po wabowe? Meni. Te bomai pode me te sę ebo bidigo aga pe masigi sabode te tiwai page elalubo po me elalubao.

Galesia 1:6

Tegoba! Dagego yali sęde ena noma mu salio. Dagego magi yaliwe? Te Krais agai dage olo tau siyu, tama God agai dage i wai dao. Tiali goli polo tama dagego te sę tagaluyu, tama dagego gasagi yai po wali pabo gagalali. Tama te gasagi yai po dagebolo pusali bage augwaligo “Ao, e po Kraisde dwagi yai gesi po mu dao,” wali.